അമാനു​ഷി​ക​ശ​ക്തി​യെ​ക്കു​റി​ച്ചും ഭൂതവി​ദ്യ​യെ​ക്കു​റി​ച്ചും മിക്ക ആളുകൾക്കും സംശയ​ങ്ങ​ളാ​ണു​ള്ളത്‌. പലരും ചിന്തി​ക്കു​ന്നത്‌ ഇത്‌ തന്ത്രപ​ര​മായ ഒരു നുണയാ​ണെ​ന്നോ സിനി​മാ​ലോ​കത്തെ തിരക്ക​ഥാ​കൃ​ത്തി​ന്റെ തലയിൽ ഉദിക്കുന്ന വെറു​മൊ​രു ഭാവനാ​സൃ​ഷ്ടി മാത്ര​മാ​ണെ​ന്നോ ഒക്കെയാണ്‌. എന്നാൽ ബൈബി​ളി​നു പറയാ​നു​ള്ളത്‌ തികച്ചും വ്യത്യ​സ്‌ത​മായ ഒരു കാര്യ​മാണ്‌. ഭൂതവി​ദ്യ​യെ​ക്കു​റിച്ച്‌ വ്യക്തമായ മുന്നറി​യി​പ്പു​ക​ളാണ്‌ അതു നൽകു​ന്നത്‌. ഉദാഹ​ര​ണ​ത്തിന്‌, ആവർത്തനം 18:10-13 പറയുന്നു: “ഭാവി​ഫലം പറയു​ന്നവൻ, മന്ത്രവാ​ദി, ശകുനം നോക്കു​ന്നവൻ, ആഭിചാ​രകൻ, മന്ത്രവി​ദ്യ​യാൽ ആളുകളെ ദ്രോ​ഹി​ക്കു​ന്നവൻ, ആത്മാക്ക​ളു​ടെ ഉപദേശം തേടു​ന്ന​വ​ന്റെ​യോ ഭാവി പറയു​ന്ന​വ​ന്റെ​യോ സഹായം തേടു​ന്നവൻ, മരിച്ച​വ​രോട്‌ ഉപദേശം തേടു​ന്നവൻ എന്നിങ്ങ​നെ​യു​ള്ളവർ നിങ്ങൾക്കി​ട​യിൽ കാണരുത്‌.” എന്തു​കൊണ്ട്‌? അതേ വാക്യം ഉത്തരം നൽകുന്നു: “ഇക്കാര്യ​ങ്ങൾ ചെയ്യു​ന്ന​വരെ യഹോ​വ​യ്‌ക്ക്‌ അറപ്പാണ്‌. . . . നീ നിന്റെ ദൈവ​മായ യഹോ​വ​യു​ടെ മുമ്പാകെ നിഷ്‌ക​ള​ങ്ക​നാ​യി​രി​ക്കണം.”

ഭൂതവി​ദ്യ​യു​ടെ എല്ലാ രൂപങ്ങ​ളെ​യും ബൈബിൾ ഇത്ര ശക്തമായി കുറ്റം​വി​ധി​ക്കു​ന്നത്‌ എന്തു​കൊ​ണ്ടാണ്‌?

ഭൂമി ഉണ്ടാക്കു​ന്ന​തിന്‌ യുഗങ്ങൾക്കു മുമ്പ്‌ കോടി​ക്ക​ണ​ക്കിന്‌ ആത്മവ്യ​ക്തി​കളെ അഥവാ ദൂതന്മാ​രെ ദൈവം സൃഷ്ടി​ച്ചെന്നു ബൈബിൾ പറയുന്നു. (ഇയ്യോബ്‌ 38:4, 6; വെളി​പാട്‌ 5:11) ഈ ദൂതന്മാർക്കെ​ല്ലാം തെറ്റും ശരിയും തിര​ഞ്ഞെ​ടു​ക്കാ​നുള്ള ഇച്ഛാസ്വാ​ത​ന്ത്ര്യം എന്ന കഴിവ്‌ ദൈവം നൽകി. സങ്കടക​ര​മെന്നു പറയട്ടെ, അവരിൽ ചിലർ ദൈവ​ത്തോ​ടു മത്സരി​ക്കാൻ തീരു​മാ​നി​ക്കു​ക​യും സ്വർഗ​ത്തിൽനിന്ന്‌ പടിയി​റ​ങ്ങി​ക്കൊണ്ട്‌ ഭൂമി​യിൽ പ്രശ്‌നങ്ങൾ ഉണ്ടാക്കു​ക​യും ചെയ്‌തു. അങ്ങനെ, ഭൂമി ‘അക്രമം​കൊണ്ട്‌ നിറഞ്ഞു.’—ഉൽപത്തി 6:2-5, 11; യൂദ 6.

ആ ദുഷ്ടദൂ​ത​ന്മാർ ലക്ഷക്കണ​ക്കിന്‌ ആളുകളെ അവരുടെ സ്വാധീ​ന​വ​ല​യ​ത്തിൽ കുരുക്കി വഴി​തെ​റ്റി​ക്കു​ന്നെന്നു ബൈബിൾ പറയുന്നു. (വെളി​പാട്‌ 12:9) ഭാവി  അറിയാ​നുള്ള മനുഷ്യ​ന്റെ സ്വാഭാ​വി​ക​മായ ആഗ്രഹ​ത്തെ​പ്പോ​ലും അവർ മുത​ലെ​ടു​ക്കു​ന്നു.—1 ശമുവേൽ 28:5, 7; 1 തിമൊ​ഥെ​യൊസ്‌ 4:1.

ചില​പ്പോൾ അമാനു​ഷി​ക​ശ​ക്തി​കൾ ആളുകളെ സഹായി​ക്കു​ന്ന​താ​യി നമുക്കു തോന്നി​യേ​ക്കാം. (2 കൊരി​ന്ത്യർ 11:14) എന്നാൽ വാസ്‌തവം മറ്റൊ​ന്നാണ്‌: ദൈവ​ത്തെ​ക്കു​റി​ച്ചുള്ള സത്യം അറിയാ​തി​രി​ക്കാൻവേണ്ടി ആളുക​ളു​ടെ മനസ്സ്‌ അന്ധമാ​ക്കാൻ ദുഷ്ടദൂ​ത​ന്മാർ അതിലൂ​ടെ ശ്രമി​ക്കു​ക​യാണ്‌.—2 കൊരി​ന്ത്യർ 4:4.

ബൈബിൾ പറയു​ന്ന​ത​നു​സ​രിച്ച്‌, ദുഷ്ടാ​ത്മാ​ക്ക​ളു​മാ​യി ബന്ധപ്പെ​ടാൻ ശ്രമി​ക്കു​ന്നത്‌ വെറു​മൊ​രു കളിത​മാ​ശയല്ല. അതു​കൊ​ണ്ടാണ്‌ യേശു​വി​ന്റെ ശിഷ്യ​ന്മാർ ഇത്തരം കാര്യ​ങ്ങ​ളെ​ക്കു​റി​ച്ചുള്ള സത്യം പഠിപ്പി​ച്ച​പ്പോൾ, ‘മന്ത്ര​പ്ര​യോ​ഗങ്ങൾ നടത്തി​യി​രുന്ന ധാരാളം പേർ അവരുടെ പുസ്‌ത​ക​ങ്ങ​ളെ​ല്ലാം കൊണ്ടു​വന്ന്‌ എല്ലാവ​രു​ടെ​യും മുന്നിൽവെച്ച്‌ കത്തിച്ചു​ക​ള​ഞ്ഞത്‌.’ ആ പുസ്‌ത​ക​ങ്ങൾക്ക്‌ വലിയ വിലയു​ണ്ടാ​യി​രു​ന്നി​ട്ടു​കൂ​ടി അവർ അങ്ങനെ ചെയ്‌തു.—പ്രവൃ​ത്തി​കൾ 19:19.

ഇന്നും ധാരാളം പേർ ഭൂതവി​ദ്യ​യിൽ വേരൂ​ന്നിയ പ്രവർത്ത​ന​ങ്ങ​ളും വിനോ​ദ​ങ്ങ​ളും പാടേ ഉപേക്ഷി​ച്ചി​രി​ക്കു​ന്നു. ഉദാഹ​ര​ണ​ത്തിന്‌, 12 വയസ്സു​കാ​രി​യായ മറിയയുടെ a കാര്യം നോക്കാം. ഭാവി​യിൽ നടക്കുന്ന സംഭവ​ങ്ങ​ളെ​ക്കു​റി​ച്ചും അപകട​ങ്ങ​ളെ​ക്കു​റി​ച്ചും ഒക്കെ മറിയ മുൻകൂ​ട്ടി​പ്പ​റ​യാൻതു​ടങ്ങി. കൂട്ടു​കാർക്കു​വേണ്ടി ഭാവി പറയുന്ന ചീട്ടുകൾ അവൾ വായി​ക്കു​മാ​യി​രു​ന്നു. ആ പ്രവച​നങ്ങൾ കൃത്യ​മാ​യി സംഭവി​ക്കാൻതു​ട​ങ്ങി​യ​പ്പോൾ അവൾക്ക്‌ അതിൽ രസംപി​ടി​ച്ചു.

ആളുകളെ സഹായി​ക്കാൻ ദൈവ​ത്തിൽനിന്ന്‌ ലഭിച്ച വരദാ​ന​മാണ്‌ ഈ കഴി​വെന്നു മറിയ ചിന്തിച്ചു. എന്നാൽ അവൾ സമ്മതി​ച്ചു​പ​റ​യു​ന്നു: “എന്തോ ഒന്ന്‌ എന്നെ അലട്ടി​ക്കൊ​ണ്ടി​രു​ന്നു. മറ്റുള്ള​വർക്കു​വേണ്ടി ചീട്ടുകൾ വായി​ക്കാ​നേ എനിക്കു കഴിയു​മാ​യി​രു​ന്നു​ള്ളൂ. എന്റെ ഭാവി​യൊന്ന്‌ അറിയാൻ ആഗ്രഹി​ച്ചെ​ങ്കി​ലും എനിക്കു​വേണ്ടി അതു വായി​ക്കാൻ കഴിഞ്ഞില്ല.”

തന്നെ അലട്ടിയ പല ചോദ്യ​ങ്ങൾക്കും ഉത്തരം കിട്ടാൻ മറിയ ദൈവ​ത്തോ​ടു പ്രാർഥി​ച്ചു. പിന്നീട്‌  അവൾ യഹോ​വ​യു​ടെ സാക്ഷി​ക​ളോ​ടൊ​പ്പം ബൈബിൾ പഠിക്കാൻതു​ടങ്ങി. ഭാവി​യെ​ക്കു​റിച്ച്‌ പറയാ​നുള്ള തന്റെ കഴിവ്‌ ദൈവ​ത്തിൽനി​ന്നു​ള്ളതല്ല എന്ന സത്യം മറിയ ബൈബി​ളിൽനിന്ന്‌ മനസ്സി​ലാ​ക്കി. കൂടാതെ, ദൈവ​ത്തി​ന്റെ സുഹൃ​ത്താ​ക​ണ​മെ​ങ്കിൽ ഭൂതവി​ദ്യ​യു​മാ​യി ബന്ധപ്പെട്ട സകലതും ഒഴിവാ​ക്കണം എന്ന കാര്യ​വും അവൾ തിരി​ച്ച​റി​ഞ്ഞു. (1 കൊരി​ന്ത്യർ 10:21) അവൾ എന്തു ചെയ്‌തു? കൈവ​ശ​മു​ണ്ടാ​യി​രുന്ന മന്ത്രവാ​ദ​വു​മാ​യി ബന്ധപ്പെട്ട പുസ്‌ത​ക​ങ്ങ​ളും വസ്‌തു​ക്ക​ളും എല്ലാം അവൾ വലി​ച്ചെ​റി​ഞ്ഞു. ഇപ്പോൾ അവൾ, ബൈബി​ളിൽനിന്ന്‌ പഠിച്ച അമൂല്യ​മായ സത്യങ്ങൾ മറ്റുള്ള​വരെ അറിയി​ക്കു​ന്നു.

അമാനു​ഷി​ക​ക​ഥാ​പാ​ത്ര​ങ്ങ​ളെ​ക്കുറി​ച്ചുള്ള നോവ​ലു​കൾ വായി​ക്കു​ന്നത്‌ കൗമാ​ര​ക്കാ​ര​നായ മീഖാ​യേ​ലിന്‌ ഒരു ഹരമാ​യി​രു​ന്നു. അവൻ പറയുന്നു: “ഭാവനാ​ലോ​കം കീഴട​ക്കുന്ന നായക​ന്മാ​രിൽ ഒരാളാ​യി എന്നെത്തന്നെ സങ്കൽപ്പി​ക്കു​ന്നത്‌ നല്ല രസമാ​യി​രു​ന്നു.” മന്ത്രവാ​ദ​ത്തെ​ക്കു​റി​ച്ചും സാത്താനെ ആരാധി​ക്കുന്ന ചടങ്ങു​ക​ളെ​ക്കു​റി​ച്ചും ഒക്കെയുള്ള പുസ്‌ത​കങ്ങൾ വായി​ക്കു​ന്നത്‌ മെല്ലെ​മെല്ലെ എന്റെ ഒരു ശീലമാ​യി മാറി. “ഇതുമാ​യി ബന്ധപ്പെട്ട പുസ്‌ത​കങ്ങൾ വായി​ക്കാ​നും സിനി​മകൾ കാണാ​നും ഒക്കെ എനിക്ക്‌ അടങ്ങാത്ത ആവേശ​മാ​യി​രു​ന്നു” എന്ന്‌ അവൻ അംഗീ​ക​രി​ക്കു​ന്നു.

എന്നാൽ ബൈബിൾ പഠിച്ച​പ്പോൾ, നന്നായി വിശക​ലനം ചെയ്‌തിട്ട്‌ വേണം പുസ്‌ത​കങ്ങൾ വായി​ക്കാൻ എന്ന കാര്യം മീഖാ​യേ​ലി​നു ബോധ്യ​പ്പെട്ടു. അവൻ പറയുന്നു: “ഭൂതവി​ദ്യ​യു​മാ​യി ബന്ധപ്പെട്ട എല്ലാത്തി​ന്റെ​യും ഒരു ലിസ്റ്റ്‌ ഞാൻ ഉണ്ടാക്കി. എന്നിട്ട്‌ അതെല്ലാം ഉപേക്ഷി​ച്ചു. വളരെ പ്രധാ​ന​പ്പെട്ട ഒരു പാഠം ഞാൻ പഠിച്ചു. 1 കൊരി​ന്ത്യർ 10:31 ഇങ്ങനെ പറയുന്നു: ‘എല്ലാം ദൈവ​ത്തി​ന്റെ മഹത്ത്വ​ത്തി​നു​വേണ്ടി ചെയ്യുക.’ അതു​കൊണ്ട്‌ ഞാൻ എന്നോടു ചോദിച്ച ചോദ്യം ഇതാണ്‌, ‘ദൈവ​ത്തിന്‌ മഹത്ത്വം കൊടു​ക്കാത്ത എന്തെങ്കി​ലും കാര്യങ്ങൾ ഈ പുസ്‌ത​ക​ത്തി​ലു​ണ്ടോ?’ ഉണ്ടെങ്കിൽ ഞാൻ അത്‌ ഒഴിവാ​ക്കും.”

ബൈബി​ളി​നെ ഒരു ദീപ​ത്തോട്‌ ഉപമി​ച്ചി​രി​ക്കു​ന്നത്‌ എത്ര കൃത്യ​മാണ്‌! ഭൂതവി​ദ്യ​ക്കു പിന്നിലെ യാഥാർഥ്യ​ത്തി​ലേക്കു വെളിച്ചം വീശുന്ന ഒരേ​യൊ​രു പുസ്‌ത​ക​മാണ്‌ അത്‌. (സങ്കീർത്തനം 119:105) എന്നാൽ അതു മാത്രമല്ല ബൈബി​ളി​ലു​ള്ളത്‌. ദുഷ്ടാ​ത്മാ​ക്കൾ വിഹരി​ക്കാത്ത ശോഭ​ന​മായ ഒരു ഭാവി​ലോ​ക​ത്തെ​ക്കു​റിച്ച്‌ അതു വർണി​ക്കു​ന്നു. അതു മനുഷ്യ​കു​ടും​ബ​ത്തി​ന്മേൽ വലിയ ഒരു മാറ്റം കൊണ്ടു​വ​രും. ഉദാഹരണത്തിന്‌, സങ്കീർത്തനം 37:10, 11 പറയുന്നു: “കുറച്ച്‌ കാലം​കൂ​ടെ കഴിഞ്ഞാൽ ദുഷ്ടന്മാ​രു​ണ്ടാ​യി​രി​ക്കില്ല. അവർ ഉണ്ടായി​രു​ന്നി​ടത്ത്‌ നീ നോക്കും; പക്ഷേ, അവരെ കാണില്ല. എന്നാൽ സൗമ്യ​ത​യു​ള്ളവർ ഭൂമി കൈവ​ശ​മാ​ക്കും; സമാധാ​ന​സ​മൃ​ദ്ധി​യിൽ അവർ അത്യധി​കം ആനന്ദി​ക്കും.”