സിയറ ലിയോ​ണി​ലെ ക്രിസ്റ്റെൽ സഹോ​ദരി ആംഗ്യ​ഭാ​ഷാ വയലിൽ ആണ്‌ പ്രവർത്തി​ക്കു​ന്നത്‌. വയലി​ലേക്കു പോകു​ന്ന​തി​നു മുമ്പ് ആ മിഷനറി ബധിര​രായ വ്യക്തി​കളെ കണ്ടെത്താ​നുള്ള സഹായ​ത്തി​നു​വേണ്ടി പ്രാർഥി​ച്ചു. അന്നു രാവിലെ ഒരു മടക്കസ​ന്ദർശനം നടത്താൻ വേണ്ടി, പതിവാ​യി പോകുന്ന വഴിവിട്ട് മറ്റൊരു വഴിയി​ലൂ​ടെ​യാ​ണു സഹോ​ദരി പോയത്‌. ആ പ്രദേ​ശത്ത്‌ ബധിര​രായ ആരെ​യെ​ങ്കി​ലും അറിയാ​മോ എന്ന് അന്വേ​ഷിച്ച സഹോ​ദ​രിക്ക് അവി​ടെ​യു​ള്ളവർ ഒരു വീടു കാണി​ച്ചു​കൊ​ടു​ത്തു. ആ വീട്ടിൽ  കണ്ട യുവതി സന്തോ​ഷ​വാർത്ത​യോ​ടു നന്നായി പ്രതി​ക​രി​ക്കു​ക​യും ആംഗ്യ​ഭാ​ഷാ മീറ്റി​ങ്ങു​കൾക്കു വരാനുള്ള താത്‌പ​ര്യം കാണി​ക്കു​ക​യും ചെയ്‌തു. പിന്നീട്‌ അയൽക്കാർ, ഇങ്ങനെ​യുള്ള വേറൊ​രാ​ളും​കൂ​ടെ ആ പ്രദേ​ശത്ത്‌ ഉണ്ടെന്നും അങ്ങോട്ടു പോകു​ന്നു​ണ്ടോ എന്നും ചോദി​ച്ചു. അവിടെ ചെന്ന സഹോ​ദരി സത്യം അറിയാൻ ആഗ്രഹി​ക്കുന്ന താഴ്‌മ​യുള്ള ഒരു വ്യക്തി​യെ​യാ​ണു കണ്ടത്‌. ഇതിനു മുമ്പ് ഒന്നില​ധി​കം തവണ ആ പ്രദേ​ശത്ത്‌ പ്രവർത്തി​ച്ചി​ട്ടു​ണ്ടെ​ങ്കി​ലും ഇപ്പോൾ കണ്ട ആ രണ്ടു ബധിര​രായ വ്യക്തി​കളെ സഹോ​ദരി മുമ്പ് ഒരിക്ക​ലും കണ്ടിട്ടി​ല്ലാ​യി​രു​ന്നു. യഹോ​വ​യു​ടെ സഹായം ഒന്നു​കൊ​ണ്ടു മാത്ര​മാ​ണു സത്യത്തിൽ താത്‌പ​ര്യ​മുള്ള ഈ രണ്ടു വ്യക്തി​കളെ കണ്ടെത്താൻ കഴിഞ്ഞ​തെന്നു ക്രിസ്റ്റെൽ സഹോ​ദരി ഉറച്ചു​വി​ശ്വ​സി​ക്കു​ന്നു.

ലൈബീ​രി​യ​യിൽ താമസി​ക്കുന്ന ഒരു സഹോ​ദ​ര​നാണ്‌ ഇമ്മാനു​വേൽ. അദ്ദേഹം വാരാ​ന്ത​യോ​ഗ​ത്തി​നാ​യി വണ്ടി​യോ​ടിച്ച് പോകു​ക​യാ​യി​രു​ന്നു. അപ്പോൾ മാന്യ​മാ​യി വസ്‌ത്ര​ധാ​രണം ചെയ്‌ത ഒരു ചെറു​പ്പ​ക്കാ​രൻ വളരെ വിഷാ​ദിച്ച് വഴിയ​രി​കെ നിൽക്കു​ന്നതു കണ്ടു. അദ്ദേഹ​ത്തി​ന്‍റെ ബുദ്ധി​മു​ട്ടു കണ്ട ഇമ്മാനു​വേൽ വണ്ടി നിറുത്തി സഹായം എന്തെങ്കി​ലും വേണോ എന്ന് അന്വേ​ഷി​ച്ചു. ആ ചെറു​പ്പ​ക്കാ​രന്‍റെ പേര്‌ മോസസ്‌ എന്നായി​രു​ന്നു. തലേന്നു രാത്രി മോസ​സി​ന്‍റെ പണം മോഷണം പോ​യെ​ന്നും അതിനാൽ ആത്മഹത്യ ചെയ്യാൻ പോകു​ക​യാ​ണെ​ന്നും അദ്ദേഹം പറഞ്ഞു. ഇമ്മാനു​വേൽ സഹോ​ദരൻ മോസ​സിന്‌ പറയാ​നു​ള്ള​തെ​ല്ലാം ക്ഷമയോ​ടെ കേട്ടു​നി​ന്നു. അതിനു ശേഷം അനുക​മ്പ​യോ​ടെ ഇങ്ങനെ പറഞ്ഞു: “ദയവായി എന്‍റെകൂ​ടെ രാജ്യ​ഹാ​ളി​ലേക്ക് വരൂ.” അവർ രണ്ടു പേരും രാജ്യ​ഹാ​ളി​ലേക്കു പോയി. അവിടെ കേട്ട കാര്യങ്ങൾ മോസ​സി​നെ ആഴത്തിൽ സ്‌പർശി​ച്ചു, അദ്ദേഹ​ത്തി​ന്‍റെ കണ്ണുകൾ നിറ​ഞ്ഞൊ​ഴു​കി. പൊതു​പ്ര​സം​ഗം കഴിഞ്ഞ ഉടനെ അദ്ദേഹം സന്തോ​ഷ​ത്തോ​ടെ ഇങ്ങനെ പറഞ്ഞു: “ആ പ്രസംഗം എനിക്കു​വേണ്ടി ഉള്ളതാ​യി​രു​ന്നു! നിങ്ങ​ളെ​പ്പോ​ലെ വേറൊ​രു കൂട്ടരില്ല.”  മീറ്റിങ്ങ് കഴിഞ്ഞ​പ്പോൾ മോസസ്‌ ഒരു ബൈബിൾപ​ഠ​ന​വും സ്വീക​രി​ച്ചു. ഇപ്പോൾ എല്ലാ മീറ്റി​ങ്ങു​കൾക്കും മുടങ്ങാ​തെ വരുന്നു​മുണ്ട്.

ഗിനി-ബിസോ​യി​ലെ 15 വയസ്സുള്ള ഒരു വിദ്യാർഥി​നി​യാണ്‌ അമിനേറ്റ. അവൾക്കു 13 വയസ്സു​ള്ള​പ്പോൾ അവളുടെ ഡ്രോ​യിങ്‌ ടീച്ചർ ക്ലാസ്സി​ലുള്ള കുട്ടി​ക​ളോ​ടു ഘോഷ​യാ​ത്രയ്‌ക്ക് ആവശ്യ​മായ മുഖം​മൂ​ടി​ക​ളു​ടെ​യും മറ്റ്‌ ഇനങ്ങളു​ടെ​യും ചിത്രം വരയ്‌ക്കാൻ ആവശ്യ​പ്പെട്ടു. എന്നാൽ അമി​നേ​റ്റ​യാ​കട്ടെ, മൃഗങ്ങ​ളും ചെടി​ക​ളും ഒക്കെയുള്ള ഒരു രംഗം വരച്ചു. എന്നിട്ട് ആ ഡ്രോ​യി​ങ്ങി​നു “പറുദീസ” എന്നു പേരു​മി​ട്ടു. അധ്യാ​പകൻ കുട്ടി​ക​ളു​ടെ ചിത്ര​ങ്ങ​ളെ​ല്ലാം ശേഖരി​ച്ച​പ്പോൾ അമി​നേ​റ്റ​യോട്‌ അവളുടെ ചിത്രം വിഷയ​ത്തി​നു ചേർന്ന​ത​ല്ലെന്നു പറഞ്ഞു​കൊണ്ട് അവൾക്കു ‘പൂജ്യം’ മാർക്കാ​ണു കൊടു​ത്തത്‌. എന്നാൽ അമിനേറ്റ പിന്മാ​റി​യില്ല. ക്ലാസ്സു കഴിഞ്ഞ​പ്പോൾ അമിനേറ്റ അധ്യാ​പ​കന്‍റെ അടു​ത്തെത്തി മുഖം​മൂ​ടി​വെ​ച്ചുള്ള ഘോഷ​യാ​ത്ര ആരാണു നടത്തു​ന്ന​തെന്നു ചോദി​ച്ചു.

“വിജാ​തി​യർ” അദ്ദേഹം മറുപടി പറഞ്ഞു.

അമിനേറ്റ പറഞ്ഞു: ‘ഞാൻ ഒരു ക്രിസ്‌ത്യാ​നി​യാണ്‌, ഇങ്ങനെ​യുള്ള പരിപാ​ടി​ക​ളി​ലൊ​ന്നും ഞാൻ പങ്കെടു​ക്കാ​റില്ല. ദൈവം ഉടനെ​തന്നെ ഈ ഭൂമിയെ ഒരു പറുദീ​സ​യാ​ക്കി മാറ്റും എന്നു ഞാൻ വിശ്വ​സി​ക്കു​ന്നു. അതാണ്‌ ഞാൻ വരച്ചതും.’ പരീക്ഷ വീണ്ടും നടത്താ​മെ​ന്നും വേറെ ചോദ്യ​ങ്ങൾ ഉപയോ​ഗി​ക്കാ​മെ​ന്നും അധ്യാ​പകൻ പറഞ്ഞു. ഫലമോ? അമിനേറ്റ 20-ൽ 18 മാർക്ക് നേടി.

മലാവി​യി​ലെ ഒരു ഗ്രാമ​ത്തിൽ ഏഴു പ്രചാ​രകർ ഉള്ള ചെറിയ ഒരു ഗ്രൂപ്പ് പ്രവർത്തി​ക്കു​ന്നുണ്ട്. മുള​കൊ​ണ്ടുള്ള പായും പുല്ലും തടിക്ക​ഷ​ണ​ങ്ങ​ളും ഒക്കെ ഉപയോ​ഗി​ച്ചു​ണ്ടാ​ക്കിയ ഒരു കുടി​ലി​ലാണ്‌ അവർ കൂടി​വ​ന്നി​രു​ന്നത്‌. സർക്കിട്ട് മേൽവി​ചാ​ര​കന്‍റെ സന്ദർശ​ന​ത്തിൽനിന്ന് പ്രചോ​ദനം നേടിയ സഹോ​ദ​രങ്ങൾ ക്രിസ്‌തു​വി​ന്‍റെ മരണത്തി​ന്‍റെ സ്‌മാ​ര​കാ​ച​ര​ണ​ത്തിന്‌ ഉത്സാഹ​ത്തോ​ടെ ആളുകളെ ക്ഷണിച്ചു. മുകളിൽ തൂക്കി​യിട്ട എണ്ണവി​ള​ക്കു​ക​ളു​ടെ വെളി​ച്ച​ത്തി​ലാ​ണു പ്രസം​ഗകൻ  സ്‌മാ​ര​ക​പ്ര​സം​ഗം നടത്തി​യത്‌. ചുറ്റും താത്‌പ​ര്യ​ക്കാ​രു​ടെ തിരക്കു​ള്ള​തി​നാൽ അദ്ദേഹ​ത്തിന്‌ അനങ്ങാൻപോ​ലും കഴിഞ്ഞി​ല്ലെന്നു പറയാം. സ്‌മാ​ര​ക​ഹാ​ജർ 120 ആണെന്ന​റി​ഞ്ഞ​പ്പോൾ ആ 7 പ്രചാ​ര​ക​രു​ടെ സന്തോഷം ഒന്ന് ഊഹിച്ചു നോക്കൂ.

മെട്രോ നഗരങ്ങ​ളി​ലെ പ്രത്യേക സാക്ഷീ​ക​ര​ണ​വേ​ല​കൊണ്ട് ലഭിക്കുന്ന അനു​ഗ്ര​ഹങ്ങൾ അത്ര പെട്ടെന്നു തിരി​ച്ച​റി​യ​ണ​മെ​ന്നില്ല. ടോ​ഗോ​യു​ടെ തലസ്ഥാ​ന​മായ ലോമിൽ ഒരു സ്‌ത്രീ അല്‌പം മടി​യോ​ടെ പരസ്യ​സാ​ക്ഷീ​കരണ ഉപാധി​യു​ടെ അടുത്തു​വന്ന് കുടും​ബ​ജീ​വി​തം സന്തോ​ഷ​ഭ​രി​ത​മാ​ക്കൂ! എന്ന ലഘുപ​ത്രിക എടുത്തു. എഫെസ്യർ 5:3-നെ അടിസ്ഥാ​ന​പ്പെ​ടു​ത്തി​യുള്ള ഒരു ചെറിയ ചർച്ചയ്‌ക്കു​ശേഷം അവർ പരസ്‌പരം ഫോൺ നമ്പറും കൈമാ​റി. രണ്ടാഴ്‌ച കഴിഞ്ഞ് ആ സ്‌ത്രീ ഫോൺ വിളിച്ച് ഇങ്ങനെ പറഞ്ഞു: “എനിക്ക് യഥാർഥ​ത്തിൽ യഹോ​വ​യു​ടെ സാക്ഷി​കളെ ഇഷ്ടമി​ല്ലാ​യി​രു​ന്നു. എന്നിട്ടും ആ ലഘുപ​ത്രിക ഞാൻ വായിച്ചു. അതു ഗംഭീ​ര​മാ​യി​രി​ക്കു​ന്നു. അത്‌ ഉപയോ​ഗിച്ച് എന്‍റെ കുടും​ബ​ജീ​വി​ത​ത്തി​ലെ ചില പ്രശ്‌നങ്ങൾ ഞാൻ പരിഹ​രി​ച്ചു. മറ്റു രണ്ടു ദമ്പതി​കളെ സഹായി​ക്കാ​നും കഴിഞ്ഞു. യഹോ​വ​യു​ടെ സാക്ഷി​ക​ളെ​പ്പ​റ്റി​യുള്ള എന്‍റെ ധാരണ തെറ്റാ​യി​രു​ന്നു. ദയവായി ബൈബിൾ പഠിക്കാൻ നിങ്ങൾക്ക് എന്നെ​യൊ​ന്നു സഹായി​ക്കാ​മോ?” ഇപ്പോൾ ഈ സ്‌ത്രീ​യും അവൾ സഹായിച്ച ഒരു കുടും​ബ​വും നമ്മളോ​ടൊത്ത്‌ ബൈബിൾ പഠിക്കു​ന്നു.

ഘാനയി​ലെ ഒരു ചെറിയ പട്ടണമാണ്‌ അങ്കാസി​യെ. ധാരാളം കടകളുള്ള അവിടത്തെ പ്രധാ​ന​തെ​രു​വിൽ എല്ലാ തിങ്കളാഴ്‌ച​യും സഹോ​ദ​രങ്ങൾ പരസ്യ​സാ​ക്ഷീ​ക​ര​ണ​ത്തി​നുള്ള സ്റ്റാന്‍റ് വെക്കാ​റുണ്ട്. സഹോ​ദ​ര​ങ്ങ​ളി​ലൊ​രാ​ളായ സാമു​വേൽ, ഏനോക്ക് എന്ന വ്യക്തി​യോ​ടു സന്തോ​ഷ​വാർത്ത പറഞ്ഞു. അദ്ദേഹം ദൈവം പറയു​ന്നതു കേൾക്കു​വിൻ! എന്ന ലഘുപ​ത്രിക സ്വീക​രി​ക്കു​ക​യും കുസാൽ ഭാഷയിൽ ഈ ലഘുപ​ത്രിക ലഭ്യമാ​ണോ എന്ന് അന്വേ​ഷി​ക്കു​ക​യും ചെയ്‌തു.

സാമു​വേൽ പറഞ്ഞു: “ക്ഷമിക്കണം, ആ ഭാഷയിൽ ഈ പത്രിക ഇല്ല. എന്നാൽ ഫ്രഫ്ര ഭാഷയിൽ ഉണ്ട്.” കുസാൽ ഭാഷ​യോ​ടു ബന്ധമുള്ള മറ്റൊരു ഭാഷയാ​ണു ഫ്രഫ്ര. വീട്ടി​ലേക്കു പോകു​ന്ന​തി​നു മുമ്പ് ഏനോക്ക്, ബന്ധുക്കൾക്കു കൊടു​ക്കാ​നാ​യി കുറെ പ്രസി​ദ്ധീ​ക​ര​ണങ്ങൾ ആവശ്യ​പ്പെട്ടു.

 അങ്കാസി​യെ​യി​ലേക്കു തിരി​കെ​വ​ന്ന​പ്പോൾ ഏനോക്ക് എഴുതി​ത്ത​യ്യാ​റാ​ക്കിയ കുറെ കടലാ​സു​കൾ സാമു​വേ​ലി​നു നൽകി. കുസാൽ ഭാഷയി​ലേക്കു ദൈവം പറയു​ന്നതു കേൾക്കു​വിൻ! എന്ന ലഘുപ​ത്രിക അദ്ദേഹം പരിഭാ​ഷ​പ്പെ​ടു​ത്തി​യ​തി​ന്‍റെ കയ്യെഴു​ത്തു​പ്രതി ആയിരു​ന്നു അത്‌! ഏനോക്ക് ഇപ്പോൾ ക്രമമാ​യി ബൈബിൾ പഠിക്കു​ക​യും മീറ്റി​ങ്ങു​കൾക്കു ഹാജരാ​കു​ക​യും ചെയ്യുന്നു.