ജോർജി​യ​യി​ലെ മിക്ക സഭകളി​ലും,1990-കളുടെ ആരംഭ​ത്തിൽ, ഒരു മൂപ്പനോ, ശുശ്രൂ​ഷാ​ദാ​സ​നോ മാത്രമേ ഉണ്ടായി​രു​ന്നു​ള്ളൂ. വിശാ​ല​മായ ഒരു ഭൂപ്ര​ദേ​ശത്ത്‌, പ്രചാ​രകർ പല പട്ടണങ്ങ​ളി​ലും ഗ്രാമ​ങ്ങ​ളി​ലും ആയി താമസി​ക്കു​ക​യാ​യി​രു​ന്നു. അതു​കൊണ്ട്‌ അവർ ചെറിയ ഗ്രൂപ്പു​ക​ളി​ലാ​ണു യോഗ​ങ്ങൾക്കു കൂടി​വ​ന്നി​രു​ന്നത്‌. അങ്ങനെ​യുള്ള പല ഗ്രൂപ്പു​കൾ ചേരു​ന്ന​താ​യി​രു​ന്നു ഓരോ സഭകളും.

കാഖേറ്റി മേഖല​യി​ലെ ഒരു പട്ടണമായ ടെലാ​വി​യി​ലെ സഹോ​ദ​ര​ങ്ങളെ സഹായി​ക്കു​ന്ന​തി​നു ജോണി ഷലാം​ബെ​റഡ്‌സെ, പാവെൽ അബ്‌ഡു​ഷേ​ലി​ഷ്വി​ലി എന്നീ സഹോ​ദ​ര​ന്മാ​രെ നിയമി​ച്ചു. ഇവർക്കു വിദൂ​ര​പ്ര​ദേ​ശ​ങ്ങ​ളിൽ പ്രവർത്തിച്ച്‌ പരിച​യ​മു​ണ്ടാ​യി​രു​ന്നു. 300 പ്രചാ​ര​ക​രുള്ള അവിടത്തെ സഭയിൽ ഒരു മൂപ്പൻപോ​ലും ഉണ്ടായി​രു​ന്നില്ല. പല സ്ഥലങ്ങളി​ലാ​യി കൂടി​വ​ന്നി​രുന്ന 13 ഗ്രൂപ്പു​കൾ ചേരു​ന്ന​താ​യി​രു​ന്നു ഈ സഭ.

 സഹോ​ദ​ര​ങ്ങ​ളു​ടെ ആത്മീയ​പു​രോ​ഗ​തി​യെ തടസ്സ​പ്പെ​ടു​ത്തുന്ന ഒരു പ്രധാ​ന​സം​ഗതി ജോണി​യും പാവെ​ലും ശ്രദ്ധിച്ചു. ജോണി പറയുന്നു: “മിക്ക സഹോ​ദ​ര​ങ്ങൾക്കും വിശാ​ല​മായ വയലു​ക​ളും മുന്തി​രി​ത്തോ​പ്പു​ക​ളും ഉണ്ടായി​രു​ന്നു. അവി​ടെ​യൊ​ക്കെ കൃഷി​പ്പ​ണി​കൾക്ക്‌ അയൽക്കാർ പരസ്‌പരം സഹായി​ക്കു​ന്നത്‌ ഒരു പതിവാ​യി​രു​ന്നു. നമ്മുടെ സഹോ​ദ​ര​ന്മാർ സത്യത്തി​ല​ല്ലാത്ത ആളുക​ളു​മാ​യി കൂടുതൽ സമയം ചെലവി​ടാൻ ഇതു കാരണ​മാ​യി.”—1 കൊരി. 15:33.

പരിഹാ​ര​മാ​യി ജോണി​യും പാവെ​ലും നല്ലൊരു നിർദേശം മുന്നോ​ട്ടു​വെച്ചു. കൃഷി​പ്പ​ണി​കൾക്കും വിള​വെ​ടു​പ്പി​നും സഹോ​ദ​ര​ങ്ങൾതന്നെ പരസ്‌പരം സഹായി​ക്കുക. അങ്ങനെ​യാ​കു​മ്പോൾ അവർക്കു നല്ല സഹവാ​സ​ത്തി​ന്റെ പ്രയോ​ജനം കിട്ടും. (സഭാ. 4:9, 10) ജോണി പറയുന്നു: “സഹോ​ദ​രങ്ങൾ തമ്മിലുള്ള സ്‌നേ​ഹ​ബന്ധം വർധിച്ചു.” മൂന്നു വർഷം കഴിഞ്ഞ്‌ ജോണി​യും പാവെ​ലും കാഖേറ്റി വിട്ടു​പോ​കു​മ്പോൾ 5 പ്രാ​ദേ​ശിക മൂപ്പന്മാ​രും 12 ശുശ്രൂ​ഷാ​ദാ​സ​ന്മാ​രും അവിടെ ഉണ്ടായി​രു​ന്നു.

സാക്ഷി​ക​ളു​ടെ പ്രവർത്ത​ന​ങ്ങൾക്ക്‌ 1990 വരെ നിയ​ന്ത്രണം ഉണ്ടായി​രു​ന്ന​തി​നാൽ ചെറിയ കൂട്ടങ്ങ​ളാ​യാണ്‌ അവർ മീറ്റി​ങ്ങു​കൾക്കു കൂടി​വ​ന്നി​രു​ന്നത്‌. സഭാപുസ്‌ത​കാ​ധ്യ​യ​ന​വും വീക്ഷാ​ഗോ​പു​ര​പ​ഠ​ന​വും മാത്ര​മാ​ണു നടത്തി​യി​രു​ന്നത്‌. ആ കൂടി​വ​ര​വു​കൾ പ്രയോ​ജനം ചെയ്‌തെ​ങ്കി​ലും ആ മീറ്റി​ങ്ങു​കൾ ശുശ്രൂ​ഷ​യി​ലെ കഴിവു​കൾ മെച്ച​പ്പെ​ടു​ത്താൻ ഉദ്ദേശി​ച്ചു​ള്ള​വ​യാ​യി​രു​ന്നില്ല.

കമ്മ്യൂ​ണിസ്റ്റ്‌ ഭരണം നിലം​പ​തി​ച്ച​പ്പോൾ ഇക്കാര്യ​ത്തിൽ മാറ്റം വന്നു. ദിവ്യാ​ധി​പത്യ ശുശ്രൂ​ഷാസ്‌കൂ​ളും സേവന​യോ​ഗ​വും മധ്യവാ​ര​യോ​ഗ​ത്തിൽ ഉൾപ്പെ​ടു​ത്താ​നുള്ള നിർദേശം സംഘട​ന​യിൽനിന്ന്‌ സഭകൾക്കു ലഭിച്ചു.

നൈലി കുട്‌സി​ഷ്വി​ലി​ക്കും അവളുടെ ചേച്ചി​യായ ലാലി അലക്‌പി​റോ​വ​ക്കും ആ മീറ്റി​ങ്ങു​ക​ളെ​ക്കു​റിച്ച്‌ രസകര​മായ നല്ല ഓർമകൾ പങ്കു​വെ​ക്കാ​നുണ്ട്‌. ലാലി പറയുന്നു: “ഞങ്ങൾ ശരിക്കും ആസ്വദിച്ച നിമി​ഷ​ങ്ങ​ളാ​യി​രു​ന്നു അവ. സഹോ​ദ​രി​മാർക്കും പരിപാ​ടി​ക​ളിൽ പങ്കെടു​ക്കാ​മെന്നു കേട്ട​പ്പോൾ എല്ലാവർക്കും വലിയ സന്തോ​ഷ​മാ​യി.”

നൈലി പറയുന്നു: “ഒരു അവതര​ണ​ത്തിൽ, വീട്ടു​കാ​രി പത്രം വായി​ച്ചു​കൊ​ണ്ടി​രി​ക്കു​ക​യാ​യി​രു​ന്നു. അപ്പോൾ ഇതാ വീട്ടു​വാ​തിൽക്കൽ ആരോ വിളി​ക്കു​ന്നു. കയറി​വ​രാൻ ക്ഷണിച്ച​പ്പോൾ രണ്ടു സഹോ​ദ​രി​മാർ  രാജ്യ​ഹാ​ളി​ന്റെ മുൻവാ​തിൽ വഴി നേരെ സ്റ്റേജി​ലേക്കു വന്നുക​യറി.” ലാലി തുടരു​ന്നു: “പല മീറ്റി​ങ്ങു​ക​ളും പുതുമ നിറഞ്ഞ​താ​യി​രു​ന്നു. അതു ഞങ്ങളുടെ പ്രസം​ഗ​പ്ര​വർത്ത​ന​ത്തി​ലെ കഴിവു​കൾ വളർത്തി.”

വർഷങ്ങ​ളോ​ളം വീടു​ക​ളിൽവെ​ച്ചാ​ണു നമ്മുടെ പ്രസി​ദ്ധീ​ക​ര​ണങ്ങൾ തയ്യാറാ​ക്കി​യി​രു​ന്നത്‌. കുറച്ച്‌ സഹോ​ദ​രങ്ങൾ കൈ​കൊണ്ട്‌ പ്രവർത്തി​പ്പി​ക്കുന്ന ഉപകര​ണ​ങ്ങ​ളു​ടെ സഹായ​ത്തോ​ടെ​യാ​യി​രു​ന്നു കോപ്പി​ക​ളെ​ടു​ത്തി​രു​ന്നത്‌. എന്നാൽ പ്രസി​ദ്ധീ​ക​ര​ണ​ങ്ങ​ളു​ടെ ആവശ്യം വർധി​ച്ചു​വ​ന്ന​പ്പോൾ അവർ മിതമായ നിരക്കിൽ മാസി​കകൾ അച്ചടി​ച്ചു​ത​രുന്ന സ്ഥാപന​ങ്ങ​ളി​ലേക്കു തിരിഞ്ഞു.

മാസി​ക​യു​ടെ അച്ചടി​ക്കാ​നുള്ള മാതൃക വളരെ കരുത​ലോ​ടെ​യും ശ്രദ്ധ​യോ​ടെ​യും ആണ്‌ സഹോ​ദ​രങ്ങൾ തയ്യാറാ​ക്കി​യി​രു​ന്നത്‌. ഇംഗ്ലീ​ഷി​ലുള്ള നമ്മുടെ മാസി​ക​യു​ടെ അതേ കെട്ടും​മ​ട്ടും ആണ്‌ ജോർജി​യൻ മാസി​ക​യി​ലും സ്വീക​രി​ച്ചത്‌. പരിഭാഷ ചെയ്‌ത വിവരങ്ങൾ സഹോ​ദ​രങ്ങൾ ആദ്യം ഭംഗി​യാ​യി ടൈപ്പ്‌ ചെയ്‌ത്‌ തയ്യാറാ​ക്കും. പിന്നീട്‌, ഇംഗ്ലീഷ്‌ മാസി​ക​യിൽനിന്ന്‌ ചിത്രങ്ങൾ വെട്ടി​യെ​ടുത്ത്‌ ടൈപ്പ്‌ ചെയ്‌ത ആ കോപ്പി​യിൽ ഒട്ടിച്ചു​ചേർക്കും. അവസാ​ന​മാ​യി, കവർപേ​ജി​നു​വേണ്ട ആകർഷ​ക​മായ അക്ഷരങ്ങൾ പത്രങ്ങ​ളിൽനിന്ന്‌ വെട്ടി​യെ​ടുത്ത്‌ ഒട്ടിക്കും. അങ്ങനെ പ്രസ്സി​ലേക്കു പോകാ​നുള്ള മാസി​ക​യു​ടെ മാതൃ​കാ​കോ​പ്പി തയ്യാറാ​യി!

കമ്പ്യൂ​ട്ട​റു​കൾ കിട്ടി​യ​പ്പോൾ ലെവാനി കൊപ​ലി​യാ​നി, ലെറി മിർസ്വാ​ഷ്വി​ലി എന്നീ രണ്ടു യുവസ​ഹോ​ദ​ര​ന്മാർ കമ്പ്യൂട്ടർ പരിശീ​ല​ന​കോഴ്‌സിൽ ചേർന്ന്‌ അത്‌ ഉപയോ​ഗി​ക്കാൻ പഠിച്ചു. ലെറി ഓർമി​ക്കു​ന്നു: “ഞങ്ങളുടെ പരിച​യ​ക്കു​റവ്‌ പലപ്പോ​ഴും ഒരു പ്രശ്‌ന​മാ​യി​രു​ന്നി​ട്ടുണ്ട്‌. പക്ഷേ, യഹോ​വ​യു​ടെ സഹായം കൊണ്ട്‌ വളരെ പെട്ടെ​ന്നു​തന്നെ മാസി​കകൾ ടൈപ്പ്‌ ചെയ്യാ​നും കമ്പോസ്‌ ചെയ്യാ​നും ഞങ്ങൾക്കു കഴിഞ്ഞു.”

തടസ്സങ്ങൾ ഉണ്ടായി​ട്ടും ജോർജി​യ​യി​ലെ സഭകൾക്ക്‌ അവി​ടെ​ത്തന്നെ അച്ചടിച്ച ചതുർവർണ​ത്തി​ലുള്ള മാസി​കകൾ കിട്ടാൻ തുടങ്ങി. കുറെ കഴിഞ്ഞ​പ്പോൾ അതും ആവശ്യ​ത്തി​നു തികയാ​തെ​യാ​യി. എന്നാൽ അതു പരിഹ​രി​ക്കാൻ കൃത്യ​സ​മ​യത്ത്‌ യഹോ​വ​യു​ടെ സംഘട​ന​യിൽനിന്ന്‌ അവർക്കു സ്‌നേ​ഹ​പൂർവ​മായ മാർഗ​നിർദേ​ശങ്ങൾ ലഭിച്ചു.

1992-ൽ റഷ്യയി​ലെ സെന്റ്‌ പീറ്റേ​ഴ്‌സ്‌ബർഗിൽവെച്ച്‌ ഒരു അന്താരാ​ഷ്‌ട്ര കൺ​വെൻ​ഷൻ നടന്നു. ഇതു ജോർജി​യ​യി​ലെ സഹോ​ദ​ര​ങ്ങൾക്കു ജർമനി​യിൽനി​ന്നുള്ള ബ്രാഞ്ച്‌ പ്രതി​നി​ധി​കളെ കാണാ​നുള്ള അവസരം നൽകി. ഗെനാഡി ഗുഡാ​ഡ്‌സെ സഹോ​ദരൻ പറയുന്നു: “പരിഭാ​ഷ​യോ​ടു ബന്ധപ്പെട്ട ജോലി​കൾ സാധാ​ര​ണ​യാ​യി എങ്ങനെ​യാ​ണു ചെയ്യാ​റു​ള്ള​തെന്ന്‌ അവർ വിശദീ​ക​രി​ച്ചു. പരിഭാഷ ചെയ്യാൻ ഞങ്ങളെ പരിശീ​ലി​പ്പി​ക്കു​ന്ന​തി​നു അധികം താമസി​യാ​തെ സഹോ​ദ​ര​ങ്ങളെ അയയ്‌ക്കാ​മെ​ന്നും അവർ പറഞ്ഞു.”

ജോർജി​യൻ ഭാഷയിൽ ബൈബിൾപ്ര​സി​ദ്ധീ​ക​ര​ണങ്ങൾ അച്ചടി​ക്കു​ന്നത്‌ അത്ര എളുപ്പമല്ല. ആ ഭാഷയു​ടെ തനതായ അക്ഷരമാ​ലാ​ശൈലി സംഘടന വികസി​പ്പി​ച്ചെ​ടുത്ത മെപ്‌സ്‌ പ്രോ​ഗ്രാ​മിൽ ഇല്ലാതി​രു​ന്ന​താ​ണു കാരണം. അതു​കൊണ്ട്‌ പ്രിന്റി​ങ്ങി​നു​വേണ്ടി ജോർജി​യൻ ഭാഷയ്‌ക്കു പുതിയ ഒരു അക്ഷരമാ​തൃക ഡിസൈൻ ചെയ്യണ​മാ​യി​രു​ന്നു.

1970-കളുടെ അവസാ​ന​ത്തിൽ ജോർജി​യ​യി​ലെ ഡാറ്റി​കാ​ഷ്വി​ലി എന്ന കുടും​ബം ഐക്യ​നാ​ടു​ക​ളി​ലേക്കു കുടി​യേറി. ആ കുടും​ബ​ത്തി​ലെ മറീന എന്ന പെൺകു​ട്ടി പിന്നീട്‌ അവി​ടെ​വെച്ച്‌ സത്യം പഠിച്ചു. ബ്രൂക്‌ലിൻ ബഥേലി​ലുള്ള നമ്മുടെ സഹോ​ദ​ര​ങ്ങൾക്കു ജോർജി​യൻ ഭാഷയി​ലെ ഓരോ അക്ഷരവും മെപ്‌സ്‌ പ്രോ​ഗ്രാ​മിൽ ചിട്ട​പ്പെ​ടു​ത്തു​ന്ന​തി​നും ഉൾപ്പെ​ടു​ത്തു​ന്ന​തി​നും ഈ പെൺകു​ട്ടി ചെയ്‌ത സഹായം വളരെ വലുതാ​യി​രു​ന്നു. പെട്ടെ​ന്നു​തന്നെ ചില ലഘു​ലേ​ഖ​ക​ളും “നോക്കൂ! ഞാൻ സകലവും പുതു​താ​ക്കു​ന്നു” എന്ന ലഘുപ​ത്രി​ക​യും ജർമനി​യിൽനിന്ന്‌ പ്രിന്റു ചെയ്യാ​നാ​യി.

1993-ൽ ജർമൻ ബ്രാ​ഞ്ചോ​ഫീ​സിൽനിന്ന്‌ മൈക്കിൾ ഫ്‌ളെ​ക്കൻസ്റ്റീൻ സഹോ​ദ​ര​നും ഭാര്യ സിൽവി​യ​യും ഒരു പരിഭാ​ഷാ​കേ​ന്ദ്രം സംഘടി​പ്പി​ക്കു​ന്ന​തി​നു ടിബി​ലി​സി​യിൽ എത്തി. മൈക്കിൾ പറയുന്നു: “സെന്റ്‌ പീറ്റേ​ഴ്‌സ്‌ബർഗിൽ വെച്ച്‌ നടന്ന മീറ്റി​ങ്ങാ​യി​രു​ന്നു അപ്പോ​ഴും എന്റെ മനസ്സിൽ. ആ മീറ്റി​ങ്ങി​നു ശേഷം 18 മാസം കഴിഞ്ഞി​രി​ക്കു​ന്നു. ഇപ്പോൾ ഞങ്ങൾ ടിബി​ലി​സി​യിൽ എത്തു​മ്പോൾ നന്നായി പ്രവർത്തി​ക്കുന്ന ഒരു പരിഭാ​ഷാ​സം​ഘ​ത്തെ​യാ​ണു കാണു​ന്നത്‌.”

ഏതാനും മാസങ്ങൾക്കകം 11 മുഴു​സ​മ​യ​പ​രി​ഭാ​ഷകർ ഒരു ചെറിയ കെട്ടി​ട​ത്തിൽ പ്രവർത്തനം തുടങ്ങി. യഹോ​വ​യു​ടെ സംഘടന  നൽകിയ വിലമ​തി​ക്കാ​നാ​കാത്ത പരിശീ​ല​ന​ത്തി​നാ​ണു നന്ദിപ​റ​യേ​ണ്ടത്‌. കാരണം ഇപ്പോൾ സഭകൾക്ക്‌ ആത്മീയ​ഭ​ക്ഷണം മുടങ്ങാ​തെ ക്രമമാ​യി വിതരണം ചെയ്യാൻ കഴിയു​ന്നുണ്ട്‌.

സോവി​യറ്റ്‌ യൂണി​യന്റെ തകർച്ച​യ്‌ക്കു ശേഷം അതിന്റെ ഭാഗമാ​യി​രുന്ന പല രാജ്യ​ങ്ങ​ളി​ലും പ്രക്ഷോ​ഭ​ങ്ങ​ളും വർഗീയ സംഘട്ട​ന​ങ്ങ​ളും തലപൊ​ക്കി. ജോർജി​യ​യി​ലും സ്ഥിതി വ്യത്യസ്‌ത​മാ​യി​രു​ന്നില്ല. അതിന്റെ ഫലമായി രാജ്യത്ത്‌ എവി​ടെ​യും വിശേ​ഷിച്ച്‌ അതിർത്തി​പ്ര​ദേ​ശ​ങ്ങ​ളിൽ സഞ്ചരി​ക്കു​ന്നത്‌ അപകടം വിളി​ച്ചു​വ​രു​ത്തു​മാ​യി​രു​ന്നു.

1994 നവംബർ മാസത്തിൽ അലേക്കോ ഗ്രിറ്റി​ഷ്വി​ലി സഹോ​ദ​ര​നും മറ്റ്‌ രണ്ടു സഹോ​ദ​ര​ന്മാ​രും ഒരു അതിർത്തി​പ്ര​ദേശം കടക്കു​ക​യാ​യി​രു​ന്നു. ആയുധ​ധാ​രി​ക​ളായ ഒരു കൂട്ടം ആളുകൾ അവരുടെ കാർ തടഞ്ഞ്‌ അവരോ​ടു പുറത്തി​റ​ങ്ങാൻ ആവശ്യ​പ്പെട്ടു. അലേക്കോ പറയുന്നു: “നമ്മുടെ ബൈബിൾപ്ര​സി​ദ്ധീ​ക​ര​ണങ്ങൾ കണ്ടതേ അവർക്കു കലിക​യറി. അവർ ഞങ്ങളെ നിരനി​ര​യാ​യി നിറുത്തി. വെടി​വെ​ച്ചു​കൊ​ല്ലാൻ പോകു​ക​യാ​ണെന്നു തോന്നി​പ്പോ​യി. ഞങ്ങൾ യഹോ​വ​യോട്‌ ഉള്ളുരു​കി പ്രാർഥി​ച്ചു. ഏതാണ്ട്‌ രണ്ടു മണിക്കൂർ കഴിഞ്ഞ​പ്പോൾ അതി​ലൊ​രാൾ ഇങ്ങനെ പറഞ്ഞു. ‘നിങ്ങളു​ടെ പുസ്‌ത​ക​വും​കൊണ്ട്‌ വേഗം സ്ഥലം കാലി​യാക്ക്‌. മേലിൽ ഇവി​ടെ​ങ്ങാ​നും കണ്ടാൽ നിങ്ങളു​ടെ കാറും കത്തിക്കും നിങ്ങ​ളെ​യും കത്തിക്കും.’”

 ഭീഷണി​കൾക്കു നടുവി​ലും സഹോ​ദ​രങ്ങൾ ആത്മീയ​ഭ​ക്ഷണം വിതരണം ചെയ്യു​ന്ന​തിൽ തുടർന്നു. ജോർജി​യ​യി​ലേക്കു പ്രസി​ദ്ധീ​ക​ര​ണങ്ങൾ കടത്തി​ക്കൊ​ണ്ടു​വ​രാൻ ഒരുപാ​ടു ത്യാഗങ്ങൾ സഹിച്ച സാസാ ജിക്കു​റാ​ഷ്വി​ലി സഹോ​ദരൻ പറയുന്നു: “സഹോ​ദ​ര​ങ്ങൾക്ക്‌ ആത്മീയ​ഭ​ക്ഷണം ആവശ്യ​മാ​ണെന്നു ഞങ്ങൾക്ക്‌ അറിയാ​മാ​യി​രു​ന്നു. ഞങ്ങളുടെ ഭാര്യ​മാർ നൽകിയ പിന്തുണ ഞങ്ങൾ അതിയാ​യി വിലമ​തി​ക്കു​ന്നു.”

അലേക്കോ സഹോ​ദരൻ പറയുന്നു: “പ്രസി​ദ്ധീ​ക​ര​ണങ്ങൾ കൊണ്ടു​വ​ന്ന​വ​രിൽ ഏറിയ​പ​ങ്കും കുടും​ബ​നാ​ഥ​ന്മാർ ആയിരു​ന്നു.” അപകട​ഭീ​ഷണി ഉണ്ടായി​രു​ന്നി​ട്ടും ഇതിന്‌ അവരെ പ്രേരി​പ്പി​ച്ചത്‌ എന്താണ്‌? അദ്ദേഹം തുടരു​ന്നു: “പ്രധാ​ന​മാ​യും യഹോ​വ​യോ​ടുള്ള സ്‌നേ​ഹ​വും നന്ദിയും ആണ്‌ ഞങ്ങളെ അതിനു പ്രേരി​പ്പി​ച്ചത്‌. ഞങ്ങളുടെ പ്രിയ​പ്പെട്ട സഹോ​ദ​ര​ന്മാ​രെ​യും സഹോ​ദ​രി​മാ​രെ​യും യഹോവ എത്ര​യേറെ കരുതു​ന്നു! ഈ കാര്യ​ത്തിൽ യഹോ​വയെ അനുക​രി​ക്കാൻ ഞങ്ങൾ ആഗ്രഹി​ക്കു​ന്നു.”

ഈ സഹോ​ദ​ര​ങ്ങ​ളു​ടെ ആത്മത്യാ​ഗ​മ​നോ​ഭാ​വ​ത്തിന്‌ എത്ര നന്ദി പറഞ്ഞാ​ലും മതിയാ​കു​ക​യില്ല! ജോർജി​യ​യി​ലെ കുഴപ്പ​ങ്ങ​ളു​ടെ കാലത്തു​ട​നീ​ളം പ്രസി​ദ്ധീ​ക​ര​ണ​ങ്ങ​ളു​ടെ വിതരണം മുടങ്ങാ​തെ നടന്നു. പ്രസി​ദ്ധീ​ക​ര​ണങ്ങൾ എത്തിക്കാൻ സഹോ​ദ​ര​ന്മാർ ജർമനി​ക്കും ജോർജി​യയ്‌ക്കും ഇടയിൽ കുറെ​ക്കൂ​ടി സുരക്ഷി​ത​മായ പാതകൾ പിന്നീടു കണ്ടെത്തി.

1995-ൽ രാജ്യത്തെ രാഷ്‌ട്രീ​യ​രം​ഗത്ത്‌ സ്വസ്ഥത കൈവ​ന്ന​തോ​ടെ സാക്ഷികൾ അവരുടെ ആദ്യ ഡിസ്‌ട്രി​ക്‌റ്റ്‌ കൺ​വെൻ​ഷൻ നടത്താ​നുള്ള ഒരുക്കങ്ങൾ ചെയ്‌തു. 1996-ലെ വേനൽക്കാ​ലത്ത്‌ ഗോറി, മർന്യൂ​ലി, സ്‌നോ​റി എന്നീ മൂന്നു സ്ഥലങ്ങളിൽ നടന്ന കൺ​വെൻ​ഷ​നു​ക​ളിൽ ജോർജി​യ​യിൽ എല്ലായി​ട​ത്തു​നി​ന്നു​മാ​യി ഏതാണ്ട്‌ 6,000 പ്രതി​നി​ധി​കൾ പങ്കെടു​ത്തു.

ഗോറി​യിൽ നടന്ന കൺ​വെൻ​ഷ​നിൽ പങ്കെടു​ത്ത​വർക്കെ​ല്ലാം അതു മറക്കാൻ പറ്റാത്ത ഒരു അനുഭ​വ​മാ​യി​രു​ന്നു. സഹോ​ദ​രങ്ങൾ 2,000-ത്തോളം പേരെ​യാ​ണു പ്രതീ​ക്ഷി​ച്ചത്‌. പക്ഷേ അത്രയും പേർക്ക്‌ ഇരിക്കാ​വുന്ന ഒരു ഹാൾ അവർക്കു കിട്ടി​യില്ല. അതു​കൊണ്ട്‌ നഗരത്തിൽനിന്ന്‌ അധികം അകലെ​യ​ല്ലാ​തെ മനോ​ഹ​ര​മായ  ഒരു മലഞ്ചെ​രു​വിൽവെച്ച്‌ കൺ​വെൻ​ഷൻ നടത്താൻ തീരു​മാ​നി​ച്ചു. ഇതേ ഗോറി​പ​ട്ട​ണ​ത്തിൽ സ്‌മാ​ര​കാ​ച​ര​ണ​ത്തിന്‌ ഒരു ഹാൾ നിറയെ ആളുകൾ വരുമോ എന്നു സംശയിച്ച ഒരുകാ​ലം ഉണ്ടായി​രു​ന്നു. എത്ര വലിയ മാറ്റം!

കൺ​വെൻ​ഷൻ കമ്മിറ്റി​യിൽ സേവി​ച്ചി​രുന്ന കക്കോ ലോമി​ഡ്‌സെ സഹോ​ദരൻ പറയുന്നു: “പരിപാ​ടി​കൾ കഴിഞ്ഞി​ട്ടും സഹോ​ദ​രങ്ങൾ പെട്ടെന്നു പിരിഞ്ഞു പോയില്ല. അവർ പാട്ടുകൾ പാടി . . . നല്ല സഹവാസം ആസ്വദിച്ച്‌ .  . . സമയം ചെലവ​ഴി​ച്ചു. ദൈവ​ജനം സ്‌നേ​ഹ​ത്തിൽ ഏകീകൃ​ത​രാ​ണെന്ന്‌ എല്ലാവർക്കും ഈ കൺ​വെൻ​ഷൻ കാണി​ച്ചു​കൊ​ടു​ത്തു.”—യോഹ. 13:35.

സഞ്ചാര മേൽവി​ചാ​ര​ക​ന്മാർ ഓരോ സഭയും സന്ദർശിച്ച്‌ ഒരാഴ്‌ച മുഴുവൻ അവിടെ ചെലവ​ഴി​ക്കുന്ന ക്രമീ​ക​രണം 1996 മുതൽ ജോർജി​യ​യിൽ ഏർപ്പെ​ടു​ത്തി. ഈ ലക്ഷ്യത്തിൽ എത്തി​ച്ചേ​രാൻ രാജ്യ​ത്തി​ന്റെ കിഴക്കും പടിഞ്ഞാ​റും മേഖല​ക​ളിൽ സേവി​ച്ചു​കൊ​ണ്ടി​രുന്ന സഹോ​ദ​ര​ന്മാ​രോ​ടൊ​പ്പം ചേരാൻ ധാരാളം പുതിയ സഞ്ചാര മേൽവി​ചാ​ര​ക​ന്മാ​രെ നിയമി​ച്ചു.

ഈ സഞ്ചാര മേൽവി​ചാ​ര​കൻമാ​രു​ടെ ആത്മാർഥ​ത​യും അവർ ‘സ്‌നേ​ഹ​ത്തോ​ടെ ചെയ്യുന്ന കഠിനാ​ധ്വാ​ന​വും’ സഭകൾ എണ്ണത്തിൽ പെരു​കാൻ ഇടയാക്കി. കൂടാതെ, സംഘട​ന​യി​ലൂ​ടെ ലഭിക്കുന്ന നിർദേ​ശങ്ങൾ കൃത്യ​മാ​യി അനുസ​രി​ക്കാ​നും അവർ സഹോ​ദ​ര​ങ്ങളെ സഹായി​ച്ചു. (1 തെസ്സ. 1:3) 1990 മുതൽ 1997 വരെയുള്ള കാലത്ത്‌ അസാധാ​ര​ണ​മായ വളർച്ച​യാണ്‌ ഉണ്ടായത്‌. 1990-ൽ 904 പ്രചാ​രകർ പ്രവർത്തനം റിപ്പോർട്ട്‌ ചെയ്‌തി​രു​ന്നു. എന്നാൽ വെറും ഏഴു വർഷം കഴിഞ്ഞ​പ്പോൾ 11,082 പേർ സന്തോ​ഷ​വാർത്ത വ്യാപി​പ്പി​ക്കു​ന്ന​തിൽ പങ്കെടു​ക്കു​ന്നു​ണ്ടാ​യി​രു​ന്നു.

പതിറ്റാ​ണ്ടു​കൾക്കു മുമ്പേ ആരംഭിച്ച ആത്മീയ​വ​ളർച്ച ഇപ്പോൾ വളരെ പ്രകട​മാണ്‌. അതു രാജ്യം മുഴുവൻ വ്യാപി​ക്കു​ക​യും ചെയ്‌തി​രി​ക്കു​ന്നു. എന്നാൽ അതു​കൊ​ണ്ടും തീരു​ന്നില്ല, ജോർജി​യ​യി​ലെ തന്റെ ജനത്തിന്‌ യഹോവ ഭാവി​യി​ലേക്കു കരുതി​വെ​ച്ചി​രി​ക്കു​ന്നത്‌ എത്ര​യെത്ര അനു​ഗ്ര​ഹ​ങ്ങ​ളാണ്‌!