ഭൂമിയെ സൃഷ്ടി​ക്കു​ന്ന​തി​നു വളരെ മുമ്പ്‌ യഹോ​വ​യാം​ദൈവം സ്വർഗ​ത്തിൽ ദൂതന്മാ​രെ സൃഷ്ടിച്ചു. എന്നാൽ കാലാ​ന്ത​ര​ത്തിൽ, ദൈവ​ത്തി​നു​മാ​ത്രം അർഹത​പ്പെട്ട ആരാധന തനിക്കു ലഭിക്ക​ണ​മെന്ന്‌ ഒരു ദൂതൻ ആഗ്രഹി​ച്ചു. ആ ആഗ്രഹം ദൈവ​ത്തോ​ടു മത്സരി​ക്കു​ന്ന​തി​ലാണ്‌ അവനെ​ക്കൊ​ണ്ടെ​ത്തി​ച്ചത്‌. അവൻ സാത്താൻ ആയിത്തീർന്നു. സാത്താൻ എന്ന വാക്കിന്റെ അർഥം​തന്നെ “എതിരാ​ളി” എന്നാണ്‌. സാത്താൻ എങ്ങനെ​യാണ്‌ ദൈവ​ത്തിന്‌ എതിരെ പ്രവർത്തി​ച്ചത്‌?

സാത്താൻ ഹവ്വായെ വഴി​തെ​റ്റി​ച്ചു. ഏദെൻ തോട്ട​ത്തി​ലെ ഒരു വൃക്ഷത്തി​ന്റെ ഫലം തിന്നരു​തെന്നു കൽപ്പി​ക്കു​ക​വഴി യഹോ​വ​യാം​ദൈവം ഹവ്വായിൽനിന്ന്‌ നല്ലതെ​ന്തോ പിടി​ച്ചു​വെ​ക്കു​ക​യാ​ണെന്ന്‌ സാത്താൻ ധ്വനി​പ്പി​ച്ചു. ദൈവം ഒരു നുണയ​നാ​ണെ​ന്നും ദൈവ​ത്തി​ന്റെ നിർദേശം ഹവ്വാ അനുസ​രി​ക്കേ​ണ്ട​തി​ല്ലെ​ന്നും സൂചി​പ്പി​ച്ചു​കൊണ്ട്‌ സാത്താൻ ഇങ്ങനെ പറഞ്ഞു: “അതു തിന്നുന്ന നാളിൽ നിങ്ങളു​ടെ കണ്ണു തുറക്ക​യും നിങ്ങൾ നന്മതി​ന്മ​കളെ അറിയു​ന്ന​വ​രാ​യി ദൈവ​ത്തെ​പ്പോ​ലെ ആകയും ചെയ്യും എന്നു ദൈവം അറിയു​ന്നു.” (ഉല്‌പത്തി 3:5) സാത്താന്റെ നുണ കണ്ണും​പൂ​ട്ടി വിശ്വ​സിച്ച ഹവ്വാ ദൈവ​ത്തി​ന്റെ നിയമം ലംഘിച്ചു; അങ്ങനെ ചെയ്യാൻ ആദാമി​നെ​യും പ്രേരി​പ്പി​ച്ചു. അന്നുമു​തൽ, യഥാർഥ വിശ്വാ​സ​മു​ള്ള​വ​രു​ടെ എതിരാ​ളി​യാണ്‌ സാത്താൻ. ഇന്നും അവൻ ആളുകളെ വഴി​തെ​റ്റി​ച്ചു​കൊ​ണ്ടി​രി​ക്കു​ന്നു. എങ്ങനെ?

ഇസ്രാ​യേൽമ​ക്കളെ വഴി​തെ​റ്റി​ക്കാൻ സാത്താൻ വിഗ്ര​ഹാ​രാ​ധ​ന​യും മാനുഷ പാരമ്പ​ര്യ​ങ്ങ​ളും ഉപയോ​ഗി​ച്ചു. “മനുഷ്യ​രു​ടെ കൽപ്പനകൾ ഉപദേ​ശ​ങ്ങ​ളാ​യി” പഠിപ്പി​ച്ചി​രുന്ന മതനേ​താ​ക്ക​ന്മാ​രോട്‌ അവരുടെ ആരാധന വ്യർഥ​മാ​ണെന്ന്‌ മിശി​ഹാ​യായ യേശു പറയു​ക​യു​ണ്ടാ​യി. (മത്തായി 15:9) ആ ജനത മിശി​ഹാ​യെ തിരസ്‌ക​രി​ച്ച​പ്പോൾ ദൈവം അവരെ തള്ളിക്ക​ളഞ്ഞു. “ദൈവ​രാ​ജ്യം നിങ്ങളിൽനിന്ന്‌ എടുത്ത്‌ അതിന്റെ ഫലം പുറ​പ്പെ​ടു​വി​ക്കുന്ന ഒരു ജനതയ്‌ക്കു കൊടു​ക്കു​മെന്ന്‌” യേശു അവരോ​ടു പറഞ്ഞു. (മത്തായി 21:43) അതുതന്നെ സംഭവി​ച്ചു; യേശു​വി​ന്റെ അനുഗാ​മി​കൾ ദൈവാം​ഗീ​കാ​ര​മുള്ള ജനതയാ​യി​ത്തീർന്നു.

യേശു​വി​ന്റെ അനുയാ​യി​കളെ ദുഷി​പ്പി​ക്കാ​നാ​യി​രു​ന്നു സാത്താന്റെ അടുത്ത ശ്രമം. അവൻ അതിൽ വിജയി​ച്ചോ? അക്കാര്യം ഒരു പ്രാവ​ച​നിക ദൃഷ്ടാ​ന്ത​ത്തി​ലൂ​ടെ യേശു മുൻകൂ​ട്ടി​പ്പ​റഞ്ഞു. ആ ദൃഷ്ടാന്തം ഇങ്ങനെ​യാ​യി​രു​ന്നു. ഒരു മനുഷ്യൻ വയലിൽ നല്ല ഗോതമ്പു വിതച്ചു. എന്നാൽ അതിനു​ശേഷം ശത്രു വന്ന്‌ ഗോത​മ്പി​നി​ട​യിൽ കള വിതച്ചി​ട്ടു പോയി. കൊയ്‌ത്തു​കാ​ലം​വ​രെ​യും ഗോത​മ്പും കളകളും ഒരുമി​ച്ചു വളരാൻ യജമാനൻ അനുവ​ദി​ച്ചു. എന്നാൽ കൊയ്‌ത്തി​ന്റെ സമയത്ത്‌ കളകൾ വേർതി​രിച്ച്‌ നശിപ്പി​ച്ചു​ക​ളഞ്ഞു. ഗോത​മ്പാ​കട്ടെ ഉടമസ്ഥൻ തന്റെ കളപ്പു​ര​യിൽ ശേഖരി​ച്ചു.

ദൃഷ്ടാന്തം പറഞ്ഞതി​നു​ശേഷം യേശു അതിന്റെ അർഥം ശിഷ്യ​ന്മാർക്ക്‌ വിശദീ​ക​രി​ച്ചു​കൊ​ടു​ത്തു. യേശു​ത​ന്നെ​യാണ്‌ വിതക്കാ​രൻ. “നല്ല വിത്ത്‌ രാജ്യ​ത്തി​ന്റെ പുത്ര​ന്മാർ. കളകളോ ദുഷ്ടനാ​യ​വന്റെ പുത്ര​ന്മാർ. അവ വിതച്ച ശത്രു പിശാച്‌. കൊയ്‌ത്ത്‌ യുഗസ​മാ​പ്‌തി. കൊയ്യു​ന്നവർ ദൂതന്മാർ,” യേശു തുടർന്നു. (മത്തായി 13:38, 39) തന്റെ യഥാർഥ അനുഗാ​മി​കളെ യേശു ഗോത​മ്പി​നോട്‌ ഉപമിച്ചു. എന്നാൽ യേശു​വി​ന്റെ യഥാർഥ അനുഗാ​മി​കൾക്കി​ട​യിൽ സാത്താൻ കളകൾപോ​ലുള്ള കപടവി​ശ്വാ​സി​കളെ വിതച്ചു. അങ്ങനെ യേശു മുൻകൂ​ട്ടി​പ്പ​റ​ഞ്ഞ​തു​പോ​ലെ, യേശു​വി​ന്റെ മരണത്തെ തുടർന്നു​വന്ന നൂറ്റാ​ണ്ടു​ക​ളിൽ കപടവി​ശ്വാ​സി​കൾ രംഗ​പ്ര​വേശം ചെയ്‌തു. അവർ, ത്രിത്വം (മൂന്നു വ്യക്തികൾ അടങ്ങു​ന്ന​താണ്‌ ദൈവം എന്ന ആശയം) പോലുള്ള വിശ്വാ​സ​ത്യാ​ഗ​പ​ര​മായ ഉപദേ​ശങ്ങൾ ഉന്നമി​പ്പി​ച്ചു. മാത്രമല്ല, അവർ വിഗ്ര​ഹ​ങ്ങളെ ആരാധി​ക്കു​ക​യും രാഷ്‌ട്രീ​യ​ത്തിൽ ഉൾപ്പെ​ടു​ക​യും ചെയ്‌തു. ഒരു ന്യൂന​പക്ഷം മാത്രമേ യേശു​വി​ന്റെ ഉപദേ​ശങ്ങൾ അനുസ​രി​ച്ചു​ള്ളൂ.

ഇങ്ങനെ​യൊ​ക്കെ​യാ​ണെ​ങ്കി​ലും യേശു പറഞ്ഞതു​പോ​ലെ സാഹച​ര്യ​ത്തി​നു മാറ്റം വരും. ദൈവ​ദൂ​ത​ന്മാർ യഥാർഥ വിശ്വാ​സം ഇല്ലാത്ത​വരെ  വേർതി​രിച്ച്‌ നശിപ്പി​ക്കും. അപ്പോൾ യഥാർഥ വിശ്വാ​സ​മു​ള്ളവർ ആരാ​ണെന്ന്‌ വ്യക്തമാ​കും. ഒടുവിൽ വിശ്വാ​സ​ത്തി​ന്റെ മുഖ്യ എതിരാ​ളി​യായ പിശാ​ചായ സാത്താ​നും നശിപ്പി​ക്ക​പ്പെ​ടും. അതെ, യഥാർഥ വിശ്വാ​സം വിജയം​വ​രി​ക്കും!

എന്നാൽ യഥാർഥ വിശ്വാ​സ​മു​ള്ള​വരെ ഇന്ന്‌ എങ്ങനെ തിരി​ച്ച​റി​യാ​നാ​കും? അതേക്കു​റി​ച്ചാണ്‌ നാം അടുത്ത​താ​യി ചിന്തി​ക്കു​ന്നത്‌.