യോശിയ എട്ടാം വയസ്സിൽ യഹൂദ​യു​ടെ രാജാ​വാ​യി. ആ കാലത്ത്‌ ആളുകൾ മാന്ത്രി​ക​വി​ദ്യ​യിൽ ഏർപ്പെ​ടു​ക​യും വിഗ്ര​ഹ​ങ്ങളെ ആരാധി​ക്കു​ക​യും ചെയ്‌തി​രു​ന്നു. 16 വയസ്സാ​യ​പ്പോൾ യഹോ​വയെ ശരിയായ വിധത്തിൽ ആരാധി​ക്കേ​ണ്ടത്‌ എങ്ങനെ​യെന്നു മനസ്സി​ലാ​ക്കാൻ യോശിയ ശ്രമിച്ചു. 20-ാം വയസ്സിൽ ദേശ​ത്തെ​ങ്ങു​മുള്ള വിഗ്ര​ഹ​ങ്ങ​ളും യാഗപീ​ഠ​ങ്ങ​ളും നശിപ്പി​ക്കാൻതു​ടങ്ങി. 26 വയസ്സാ​യ​പ്പോൾ യോശിയ യഹോ​വ​യു​ടെ ആലയത്തിൽ അറ്റകു​റ്റ​പ്പണി നടത്തു​ന്ന​തി​നുള്ള ക്രമീ​ക​രണം ചെയ്‌തു.

മഹാപു​രോ​ഹി​ത​നായ ഹിൽക്കിയ ആലയത്തിൽനിന്ന്‌ യഹോ​വ​യു​ടെ നിയമങ്ങൾ എഴുതിയ ചുരുൾ കണ്ടെത്തി—സാധ്യ​ത​യ​നു​സ​രിച്ച്‌ മോശ എഴുതിയ അതേ ചുരുൾ. രാജാ​വി​ന്റെ സെക്ര​ട്ട​റി​യായ ശാഫാൻ ആ ചുരുൾ യോശി​യ​യു​ടെ അടുത്ത്‌ കൊണ്ടു​വന്ന്‌ അതിൽ എഴുതി​യി​രുന്ന നിയമങ്ങൾ ഉച്ചത്തിൽ വായി​ക്കാൻതു​ടങ്ങി. അതു വായി​ച്ചു​കേ​ട്ട​പ്പോൾ വർഷങ്ങ​ളാ​യി ആളുകൾ യഹോ​വ​യോട്‌ അനുസ​ര​ണ​ക്കേടു കാണി​ക്കു​ക​യാ​ണെന്നു യോശിയ തിരി​ച്ച​റി​ഞ്ഞു. യോശിയ രാജാവ്‌ ഹിൽക്കി​യ​യോ​ടു പറഞ്ഞു: ‘യഹോവ നമ്മളോ​ടു വല്ലാതെ കോപി​ച്ചി​രി​ക്കു​ക​യാണ്‌. പോയി യഹോ​വ​യോ​ടു സംസാ​രി​ക്കൂ. നമ്മൾ എന്തു ചെയ്യണ​മെന്ന്‌ യഹോവ പറഞ്ഞു​ത​രും.’ പ്രവാ​ചി​ക​യായ ഹുൽദ​യി​ലൂ​ടെ യഹോവ അതിന്‌ ഉത്തരം നൽകി: ‘യഹൂദ​യി​ലെ ആളുകൾ എന്നെ ഉപേക്ഷി​ച്ചി​രി​ക്കു​ന്നു. അവർ അതിനുള്ള ശിക്ഷ അനുഭ​വി​ക്കും. എന്നാൽ അത്‌ യോശി​യ​യു​ടെ ഭരണകാ​ല​ത്താ​യി​രി​ക്കില്ല. കാരണം യോശിയ തന്നെത്തന്നെ താഴ്‌ത്തി​യി​രി​ക്കു​ന്നു.’

ഈ സന്ദേശ​ത്തെ​ക്കു​റിച്ച്‌ അറിഞ്ഞ യോശിയ രാജാവ്‌ ആലയത്തി​ലേക്കു പോയി യഹൂദ​യി​ലെ ജനത്തെ വിളി​ച്ചു​കൂ​ട്ടി. എന്നിട്ട്‌ മുഴു ജനതയും കേൾക്കെ യഹോ​വ​യു​ടെ നിയമം ഉച്ചത്തിൽ വായിച്ചു. യഹോ​വയെ മുഴു​ഹൃ​ദ​യ​ത്തോ​ടെ അനുസ​രി​ച്ചു​കൊ​ള്ളാ​മെന്ന്‌ യോശി​യ​യും ജനവും വാക്കു കൊടു​ത്തു.

യഹൂദ ജനത പെസഹ ആഘോ​ഷി​ച്ചി​ട്ടു വർഷങ്ങ​ളാ​യി. എന്നാൽ പെസഹ എല്ലാ വർഷവും ആഘോ​ഷി​ക്ക​ണ​മെന്ന്‌ ചുരു​ളിൽനിന്ന്‌ വായി​ച്ച​റിഞ്ഞ യോശിയ  ജനത്തോ​ടു പറഞ്ഞു: ‘നമുക്ക്‌ യഹോ​വയ്‌ക്ക്‌ ഒരു പെസഹ ആചരി​ക്കാം.’ യോശിയ ബലികൾ അർപ്പി​ക്കാ​നുള്ള ഒരുക്കങ്ങൾ നടത്തി. ആലയത്തിൽ ഒരു ഗായക​സം​ഘ​ത്തെ​യും ക്രമീ​ക​രി​ച്ചു. പിന്നെ ആ ജനത പെസഹ ആചരിച്ചു. തുടർന്ന്‌ ഏഴു ദിവസം നീളുന്ന പുളി​പ്പി​ല്ലാത്ത അപ്പത്തിന്റെ ഉത്സവവും കൊണ്ടാ​ടി. ശമു​വേ​ലി​ന്റെ കാലത്തി​നു ശേഷം ഇതു​പോ​ലൊ​രു പെസഹ ആചരി​ച്ചി​ട്ടില്ല! യോശിയ ദൈവ​നി​യമം അങ്ങേയറ്റം പ്രിയ​പ്പെട്ടു. യഹോ​വ​യെ​ക്കു​റിച്ച്‌ പഠിക്കു​ന്നതു നിങ്ങളും ആസ്വദി​ക്കു​ന്നു​ണ്ടോ?