പരീശ​ന്മാർ യേശു​വി​നെ വെറു​ത്തി​രു​ന്നു. യേശു​വി​നെ പിടിച്ച്‌ തടവി​ലാ​ക്കാൻ, ഒരു കാരണം നോക്കി​യി​രി​ക്കു​ക​യാ​യി​രു​ന്നു അവർ. അവരുടെ അഭി​പ്രാ​യ​ത്തിൽ ശബത്തിൽ രോഗി​കളെ സുഖ​പ്പെ​ടു​ത്താൻ പാടി​ല്ലാ​യി​രു​ന്നു. അങ്ങനെ​യി​രി​ക്കെ ഒരു ശബത്തു​ദി​വസം ജന്മനാ അന്ധനായ ഒരാൾ വഴിയ​രി​കിൽ ഇരുന്ന്‌ ഭിക്ഷ യാചി​ക്കു​ന്നത്‌ യേശു കണ്ടു. യേശു ശിഷ്യ​ന്മാ​രോ​ടു പറഞ്ഞു: ‘ദൈവ​ത്തി​ന്റെ ശക്തി ഇയാളെ സഹായി​ക്കു​ന്നത്‌ എങ്ങനെ​യെന്ന്‌ കണ്ടു​കൊ​ള്ളുക.’ യേശു സ്വന്തം ഉമിനീ​രും മണ്ണും കൂടി കുഴച്ച്‌ ഒരു കുഴമ്പ്‌ ഉണ്ടാക്കി. എന്നിട്ട്‌ അത്‌ അയാളു​ടെ കണ്ണിൽ പുരട്ടി. യേശു അയാ​ളോട്‌, ‘ശിലോ​ഹാം കുളത്തിൽ പോയി കണ്ണു കഴുകുക’ എന്നു പറഞ്ഞു. അയാൾ അങ്ങനെ ചെയ്‌തു. അയാൾക്കു കാഴ്‌ച കിട്ടി! അങ്ങനെ ജീവി​ത​ത്തിൽ ആദ്യമാ​യി അയാൾക്കു കാണാൻ കഴിഞ്ഞു!

ആളുകൾക്കു വിശ്വ​സി​ക്കാ​നാ​യില്ല. അവർ പറഞ്ഞു: ‘അവിടെ ഭിക്ഷ യാചി​ച്ചു​കൊ​ണ്ടി​രു​ന്നത്‌ ഇയാളാ​ണോ അതോ ഇയാ​ളെ​പ്പോ​ലെ​ത​ന്നെ​യി​രി​ക്കുന്ന മറ്റാ​രെ​ങ്കി​ലു​മാ​ണോ?’ അയാൾ പറഞ്ഞു: ‘ഞാൻത​ന്നെ​യാണ്‌ അത്‌!’ ആളുകൾ അയാ​ളോട്‌, ‘പിന്നെ എങ്ങനെ​യാണ്‌ നിനക്കി​പ്പോൾ കാഴ്‌ച കിട്ടി​യത്‌’ എന്നു ചോദി​ച്ചു. സംഭവി​ച്ചത്‌ എന്താ​ണെന്ന്‌ അയാൾ അവരോ​ടു പറഞ്ഞ​പ്പോൾ അവർ അയാളെ പരീശ​ന്മാ​രു​ടെ അടു​ത്തേക്കു കൊണ്ടു​പോ​യി.

അയാൾ പരീശ​ന്മാ​രോ​ടു പറഞ്ഞു: ‘യേശു എന്റെ കണ്ണിൽ ഒരു കുഴമ്പു പുരട്ടി​യിട്ട്‌ പോയി അതു കഴുകി​ക്ക​ള​യാൻ പറഞ്ഞു. ഞാൻ അങ്ങനെ ചെയ്‌തു. എനിക്കു കാഴ്‌ച കിട്ടി.’ പരീശ​ന്മാർ പറഞ്ഞു: ‘യേശു ശബത്തിൽ സുഖ​പ്പെ​ടു​ത്തു​ന്നെ​ങ്കിൽ യേശു​വി​ന്റെ ശക്തി ദൈവ​ത്തിൽനി​ന്നു​ള്ളതല്ല.’ പക്ഷേ മറ്റുള്ളവർ പറഞ്ഞു: ‘യേശു​വി​ന്റെ ശക്തി ദൈവ​ത്തിൽനി​ന്നു​ള്ള​ത​ല്ലെ​ങ്കിൽ പിന്നെ എങ്ങനെ​യാണ്‌ യേശു​വി​നു സുഖ​പ്പെ​ടു​ത്താൻ കഴിയു​ന്നത്‌?’

 പരീശ​ന്മാർ ആ മനുഷ്യ​ന്റെ മാതാ​പി​താ​ക്കളെ വിളി​പ്പി​ച്ചിട്ട്‌ ചോദി​ച്ചു: ‘നിങ്ങളു​ടെ മകനു കാഴ്‌ച കിട്ടി​യത്‌ എങ്ങനെ​യാണ്‌?’ ആരെങ്കി​ലും യേശു​വിൽ വിശ്വ​സി​ച്ചാൽ അവരെ സിന​ഗോ​ഗിൽനിന്ന്‌ പുറത്താ​ക്കു​മെന്ന്‌ പരീശ​ന്മാർ പറഞ്ഞി​രു​ന്ന​തു​കൊണ്ട്‌ അവർക്കു പേടി​യാ​യി. അതു​കൊണ്ട്‌ അവർ പറഞ്ഞു: ‘ഞങ്ങൾക്ക്‌ അറിയില്ല. അവനോ​ടു​തന്നെ ചോദിക്ക്‌.’ പരീശ​ന്മാർ അയാ​ളോ​ടു കൂടുതൽ ചോദ്യ​ങ്ങൾ ചോദി​ച്ചു. അവസാനം സഹി​കെ​ട്ടിട്ട്‌ അയാൾ പറഞ്ഞു: ‘അറിയാ​വു​ന്ന​തെ​ല്ലാം ഞാൻ പറഞ്ഞില്ലേ? പിന്നെ എന്തിനാ വീണ്ടും​വീ​ണ്ടും ഇങ്ങനെ ചോദി​ക്കു​ന്നത്‌?’ പരീശ​ന്മാർക്കു ദേഷ്യം വന്നിട്ട്‌ അയാളെ അവി​ടെ​നിന്ന്‌ പുറത്താ​ക്കി.

യേശു അയാളെ തേടി കണ്ടുപി​ടി​ച്ചു. എന്നിട്ട്‌ ചോദി​ച്ചു: ‘നിനക്കു മിശി​ഹ​യിൽ വിശ്വാ​സ​മു​ണ്ടോ?’ അയാൾ പറഞ്ഞു: ‘അത്‌ ആരാ​ണെന്ന്‌ അറിയാ​മെ​ങ്കിൽ തീർച്ച​യാ​യും ഞാൻ വിശ്വ​സി​ക്കും.’ യേശു പറഞ്ഞു: ‘ഞാനാണു മിശിഹ.’ യേശു എത്ര വലിയ ദയയാണു കാണി​ച്ചത്‌, അല്ലേ? യേശു ആ മനുഷ്യ​നെ സുഖ​പ്പെ​ടു​ത്തുക മാത്രമല്ല, വിശ്വാ​സ​മു​ണ്ടാ​യി​രി​ക്കാൻ സഹായി​ക്കു​ക​യും ചെയ്‌തു.