ലോകം അഗ്നിയാൽ നശിപ്പി​ക്ക​പ്പെ​ടു​മോ?

2 പത്രോ. 3:7: “[ദൈവ​ത്തി​ന്റെ] അതേ വചനത്താൽ ഇപ്പോ​ഴത്തെ ആകാശ​ങ്ങ​ളും ഭൂമി​യും തീക്കായി സൂക്ഷി​ച്ചും ന്യായ​വി​ധി​യും ഭക്തികെട്ട മനുഷ്യ​രു​ടെ നാശവും സംഭവി​പ്പാ​നു​ളള ദിവസ​ത്തേക്ക്‌ നീക്കി​വെ​ക്ക​പ്പെ​ട്ടു​മി​രി​ക്കു​ന്നു.” (മനുഷ്യ​വർഗ്ഗം മുഴു​വ​നാ​യും അല്ല, “ഭക്തികെട്ട മനുഷ്യ”രാണ്‌ നശിപ്പി​ക്ക​പ്പെ​ടു​ന്നത്‌ എന്ന്‌ കുറി​ക്കൊ​ള​ളുക. സമാന​മാ​യി 6-ാം വാക്യം നോഹ​യു​ടെ നാളിലെ “ലോക”ത്തിന്റെ നാശത്തെ പരാമർശി​ക്കു​ന്നു. ദുഷ്ടമ​നു​ഷ്യർ നശിപ്പി​ക്ക​പ്പെട്ടു, എന്നാൽ ഭൂമി​യും ദൈവ​ഭ​യ​മു​ണ്ടാ​യി​രുന്ന നോഹ​യും അവന്റെ കുടും​ബ​വും, അവശേ​ഷി​ച്ചു. വരാനി​രി​ക്കുന്ന ന്യായ​വി​ധി ദിവസ​ത്തി​ലെ “അഗ്നി” അക്ഷരീ​യ​മാ​യ​താ​യി​രി​ക്കു​മോ അതോ അത്‌ സമ്പൂർണ്ണ നാശത്തി​ന്റെ പ്രതീ​ക​മാ​ണോ? സൂര്യ​നും നക്ഷത്ര​ങ്ങ​ളും പോലെ വളരെ ചൂടുളള അക്ഷരീയ ആകാശ​ഗോ​ള​ങ്ങ​ളു​ടെ​മേൽ അക്ഷരീയ അഗ്നിക്ക്‌ എന്തു ഫലമാണ്‌ ഉണ്ടായി​രി​ക്കുക? ഈ വാക്യം സംബന്ധിച്ച്‌ കൂടു​ത​ലായ വിവര​ങ്ങൾക്ക്‌ “ഭൂമി” എന്നതിൻ കീഴിൽ 113-115 പേജുകൾ കാണുക.)

സദൃ. 2:21, 22: “നേരു​ള​ള​വ​രാ​യി​രി​ക്കും ഭൂമി​യിൽ വസിക്കു​ന്നത്‌, നിഷ്‌ക്ക​ള​ങ്ക​രാ​യി​രി​ക്കും അതിൽ ശേഷി​ച്ചി​രി​ക്കു​ന്നത്‌. ദുഷ്ടൻമാ​രെ സംബന്ധി​ച്ചാ​ണെ​ങ്കിൽ അവർ ഭൂമി​യിൽ നിന്ന്‌ തന്നെ ഛേദി​ക്ക​പ്പെ​ടും; ദ്രോ​ഹി​കളെ സംബന്ധി​ച്ചാ​ണെ​ങ്കിൽ അവർ അതിൽ നിന്ന്‌ പറിച്ചു കളയ​പ്പെ​ടും.”

ഈ ലോകം ഭരിക്കു​ന്നത്‌ ആരാണ്‌—ദൈവ​മോ സാത്താ​നോ?

ദാനി. 4:35: “[അത്യുന്നത ദൈവ​മായ യഹോവ] സ്വർഗ്ഗീയ സൈന്യ​ങ്ങൾക്കി​ട​യി​ലും ഭൂവാ​സി​ക​ളു​ടെ ഇടയി​ലും തന്റെ ഇഷ്ടം പോലെ പ്രവർത്തി​ക്കു​ന്നു. അവന്റെ കൈ തടയാ​നോ ‘നീ എന്തു ചെയ്യുന്നു?’ എന്ന്‌ അവനോട്‌ ചോദി​ക്കാ​നോ ആരും ഇല്ല.” (സമാന​മായ ശൈലി​യിൽ യിരെ​മ്യാവ്‌ 10:6, 7-ൽ യഹോ​വയെ “ജനതക​ളു​ടെ രാജാവ്‌” എന്ന്‌ വിളി​ച്ചി​രി​ക്കു​ന്നു, എന്തു​കൊ​ണ്ടെ​ന്നാൽ അവൻ മാനുഷ രാജാ​ക്കൻമാ​രോ​ടും അവർ ഭരണം നടത്തുന്ന രാഷ്‌ട്ര​ങ്ങ​ളോ​ടും കണക്കു ചോദി​ക്കാൻ കഴിയുന്ന, ചോദി​ക്കുന്ന രാജാ​ധി​രാ​ജാ​വാണ്‌. ഭൂമി​യു​ടെ സ്രഷ്ടാ​വെന്ന നിലയിൽ അതിനെ ഭരിക്കാൻ നീതി​യു​ക്ത​മായ അധികാ​ര​മു​ള​ളവൻ യഹോ​വ​യാണ്‌; അവൻ ഒരിക്ക​ലും ആ സ്ഥാനം വച്ചൊ​ഴി​ഞ്ഞി​ട്ടില്ല.)

യോഹ. 14:30: “[യേശു പറഞ്ഞു:] ലോക​ത്തി​ന്റെ ഭരണാ​ധി​പൻ വരുന്നു. അവന്‌ എന്റെമേൽ അധികാ​ര​മൊ​ന്നു​മില്ല.” (ഈ ഭരണാ​ധി​പൻ  വ്യക്തമാ​യും യഹോ​വ​യാം ദൈവമല്ല, അവന്റെ ഇഷ്ടം യേശു എല്ലായ്‌പ്പോ​ഴും വിശ്വ​സ്‌ത​ത​യോ​ടെ ചെയ്യുന്നു. ഈ “ലോക​ത്തി​ന്റെ ഭരണാ​ധി​പൻ” 1 യോഹ​ന്നാൻ 5:19-ൽ ആരുടെ അധികാ​ര​ത്തിൽ “മുഴു​ലോ​ക​വും കിടക്കു​ന്നു”വോ ആ “ദുഷ്ടനാ​യവൻ” ആയിരി​ക്കണം. മനുഷ്യ​വർഗ്ഗം ദൈവ​ത്തി​ന്റെ വകയായ ഒരു ഗ്രഹത്തി​ലാണ്‌ വസിക്കു​ന്ന​തെ​ങ്കി​ലും യഹോ​വ​യു​ടെ അനുസ​ര​ണ​മു​ളള ദാസൻമാ​ര​ല്ലാ​ത്തവർ ചേർന്നു​ളള ലോകം സാത്താന്റെ നിയ​ന്ത്ര​ണ​ത്തി​ലാണ്‌, എന്തു​കൊ​ണ്ടെ​ന്നാൽ അത്തരം ആളുകൾ അവനെ അനുസ​രി​ക്കു​ന്നു. മുഴു​ഹൃ​ദ​യ​ത്തോ​ടെ യഹോ​വ​യു​ടെ ഭരണാ​ധി​പ​ത്യ​ത്തിന്‌ കീഴ്‌പ്പെ​ടു​ന്നവർ ആ ലോക​ത്തി​ന്റെ ഭാഗമല്ല. 2 കൊരി​ന്ത്യർ 4:4 താരത​മ്യം ചെയ്യുക.)

വെളി. 13:2: “മഹാസർപ്പം [പിശാ​ചായ സാത്താൻ] മൃഗത്തിന്‌ അതിന്റെ ശക്തിയും സിംഹാ​സ​ന​വും വലിയ അധികാ​ര​വും കൊടു​ത്തു.” (ഈ മൃഗത്തെ സംബന്ധി​ച്ചു​ളള വിവരണം ദാനി​യേൽ 7-ാം അദ്ധ്യാ​യ​വു​മാ​യി താരത​മ്യം ചെയ്യു​മ്പോൾ അത്‌ മാനുഷ ഗവൺമെൻറു​കളെ—ഏതെങ്കി​ലും ഒരു ഗവൺമെൻറി​നെയല്ല, ആഗോള രാഷ്‌ട്രീയ ഭരണവ്യ​വ​സ്ഥി​തി​യെ—പ്രതി​നി​ധാ​നം ചെയ്യു​ന്ന​താ​യി സൂചി​പ്പി​ക്കു​ന്നു. സാത്താൻ അതിന്റെ ഭരണാ​ധി​പ​നാണ്‌ എന്നുള​ളത്‌ ലൂക്കോസ്‌ 4:5-7-നോടും മുഴു​ഭൂ​മി​യി​ലെ​യും ഭരണാ​ധി​പൻമാ​രെ ഭൂതനി​ശ്വ​സ്‌ത​മൊ​ഴി​കൾ അർമ്മ​ഗെ​ദ്ദോ​നിൽ ദൈവ​ത്തി​നെ​തി​രാ​യു​ളള യുദ്ധത്തി​ലേക്ക്‌ നയിക്കു​ന്ന​താ​യി ചിത്രീ​ക​രി​ച്ചി​രി​ക്കുന്ന വെളി​പ്പാട്‌ 16:14, 16-നോടും യോജി​ക്കു​ന്നു. സാത്താന്റെ ലോക​ഭ​ര​ണാ​ധി​പ​ത്യം അഖിലാ​ണ്ഡ​പ​ര​മാ​ധി​കാ​ര​ത്തി​ന്റെ വിവാ​ദ​പ്ര​ശ്‌ന​ത്തിന്‌ തീർപ്പു​ണ്ടാ​ക്കാ​നു​ളള ദൈവ​ത്തി​ന്റെ നിയമിത സമയം​വരെ ദൈവം പൊറു​ക്കുന്ന ഒന്നു മാത്ര​മാണ്‌.)

വെളി. 11:15: “‘ലോക​രാ​ജ​ത്വം നമ്മുടെ കർത്താ​വി​ന്റെ​തും [യഹോവ] അവന്റെ ക്രിസ്‌തു​വി​ന്റെ​തും ആയിത്തീർന്നി​രി​ക്കു​ന്നു’ എന്ന്‌ വലിയ ഘോഷങ്ങൾ സ്വർഗ്ഗ​ത്തിൽ ഉണ്ടായി.” (1914-ൽ ഇതു സംഭവി​ച്ച​പ്പോൾ ഇന്നത്തെ ദുഷ്ട വ്യവസ്ഥി​തി​യു​ടെ “അന്ത്യനാ​ളു​കൾ” ആരംഭി​ച്ചു. യഹോ​വ​യു​ടെ പരമാ​ധി​കാ​ര​ത്തി​ന്റെ ഒരു പുതിയ പ്രത്യക്ഷത മശി​ഹൈക ഭരണാ​ധി​പൻ എന്ന നിലയിൽ അവന്റെ പുത്ര​നി​ലൂ​ടെ കാണ​പ്പെട്ടു. പെട്ടെ​ന്നു​തന്നെ ഈ ദുഷ്ടവ്യ​വ​സ്ഥി​തി നശിപ്പി​ക്ക​പ്പെ​ടും, അതിന്റെ ദുഷ്ട ആത്മഭര​ണാ​ധി​പ​നായ സാത്താൻ മനുഷ്യ​വർഗ്ഗത്തെ മേലാൽ സ്വാധീ​നി​ക്കാൻ കഴിയാ​ത്ത​വി​ധം അഗാധ​ത്തിൽ അടക്ക​പ്പെ​ടും.)

ലോകത്തോടും ലോക​ത്തി​ന്റെ ഭാഗമാ​യി​രി​ക്കുന്ന മനുഷ്യ​രോ​ടു​മു​ളള സത്യ​ക്രി​സ്‌ത്യാ​നി​ക​ളു​ടെ മനോ​ഭാ​വ​മെ​ന്താണ്‌?

യോഹ. 15:19: “നിങ്ങൾ [യേശു​വി​ന്റെ അനുയാ​യി​കൾ] ലോക​ത്തി​ന്റെ ഭാഗമല്ല, എന്നാൽ ഞാൻ നിങ്ങളെ ലോക​ത്തിൽ നിന്ന്‌ തെര​ഞ്ഞെ​ടു​ത്തി​രി​ക്കു​ന്നു.” (അപ്രകാ​രം യഥാർത്ഥ ക്രിസ്‌ത്യാ​നി​കൾ ദൈവ​ത്തിൽ നിന്ന്‌ അന്യപ്പെട്ട പൊതു മനുഷ്യ​വർഗ്ഗ​സ​മു​ദാ​യ​ത്തി​ന്റെ ഭാഗമല്ല. അവർ സാധാരണ മാനുഷ പ്രവർത്ത​ന​ങ്ങ​ളിൽ ഏർപ്പെ​ടു​ന്നു​വെ​ങ്കി​ലും ലോക​ത്തി​ന്റെ സവി​ശേ​ഷ​ത​യാ​യി​രി​ക്കു​ന്ന​തും യഹോ​വ​യു​ടെ നീതി​യു​ളള വഴികൾക്ക്‌ വിരു​ദ്ധ​മാ​യ​തു​മായ മനോ​ഭാ​വ​ങ്ങ​ളും, സംസാ​ര​വും പെരു​മാ​റ​റ​വും അവർ ഒഴിവാ​ക്കു​ന്നു.) (269-276, 389-393 എന്നീ പേജു​കൾകൂ​ടെ കാണുക.)

 യാക്കോ. 4:4: “വ്യഭി​ചാ​രി​ണി​ക​ളാ​യു​ളേ​ളാ​രെ, ഈ ലോക​ത്തോ​ടു​ളള സൗഹൃദം ദൈവ​ത്തോ​ടു​ളള ശത്രു​ത്വ​മാ​ണെന്ന്‌ നിങ്ങൾ അറിയു​ന്നി​ല്ല​യോ? അതു​കൊണ്ട്‌ ഈ ലോക​ത്തി​ന്റെ സ്‌നേ​ഹി​ത​നാ​കു​വാൻ ആഗ്രഹി​ക്കുന്ന ഏവനും തന്നേത്തന്നെ ദൈവ​ത്തി​ന്റെ ശത്രു​വാ​ക്കി​ത്തീർക്കു​ന്നു.” (ക്രിസ്‌ത്യാ​നി​കൾ അപൂർണ്ണ​രാ​യി​രി​ക്കു​ന്ന​തി​നാൽ ലോക​വു​മാ​യു​ളള സമ്പർക്ക​ത്തി​ലൂ​ടെ അവർ ചില​പ്പോൾ മലിന​രാ​യി​ത്തീർന്നേ​ക്കാം. എന്നാൽ ദൈവ​വ​ച​ന​ത്തിൽ നിന്ന്‌ ബുദ്ധി​യു​പ​ദേ​ശി​ക്ക​പ്പെ​ടു​മ്പോൾ അവർ അനുത​പി​ക്കു​ക​യും തങ്ങളുടെ വഴികൾ തിരു​ത്തു​ക​യും ചെയ്യുന്നു, എന്നിരു​ന്നാ​ലും ചിലർ മന:പൂർവ്വ​മാ​യി ലോക​ത്തി​ന്റെ ഭാഗമാ​യി​ത്തീ​രു​ക​യോ അതിന്റെ ആത്മാവി​നെ അനുക​രി​ക്കു​ക​യോ ചെയ്യു​ന്നു​വെ​ങ്കിൽ അവർ മേലാൽ സത്യ​ക്രി​സ്‌ത്യാ​നി​ക​ള​ല്ലെ​ന്നും ദൈവ​ത്തോട്‌ ശത്രു​ത​യി​ലാ​യി​രുന്ന ലോക​ത്തി​ന്റെ ഭാഗമാ​യി​രി​ക്കു​ന്നു​വെ​ന്നും അവർ പ്രകട​മാ​ക്കു​ന്നു.)

റോമ. 13:1: “ഏത്‌ ദേഹി​യും ശ്രേഷ്‌ഠാ​ധി​കാ​ര​ങ്ങൾക്ക്‌ കീഴ്‌പ്പെ​ട്ടി​രി​ക്കട്ടെ, എന്തു​കൊ​ണ്ടെ​ന്നാൽ ദൈവ​ത്താ​ല​ല്ലാ​തെ ഒരധി​കാ​ര​വു​മില്ല; നിലവി​ലു​ളള അധികാ​ര​ങ്ങ​ളാ​കട്ടെ ദൈവ​ത്താൽ അവയുടെ ആപേക്ഷിക സ്ഥാനങ്ങ​ളിൽ ആക്കിവ​യ്‌ക്ക​പ്പെ​ട്ടി​രി​ക്കു​ന്നു.” (ഈ ബുദ്ധി​യു​പ​ദേ​ശ​ത്തിന്‌ ശ്രദ്ധ കൊടു​ക്കു​ന്നവർ ലോക​ത്തി​ലെ ഗവൺമെൻറു​കളെ അട്ടിമ​റി​ക്കാൻ ശ്രമി​ക്കുന്ന വിപ്ലവ​കാ​രി​ക​ളാ​യി​രി​ക്കു​ന്നില്ല. രാഷ്‌ട്രീ​യാ​ധി​കാ​രി​കൾ വയ്‌ക്കുന്ന നിബന്ധ​നകൾ ദൈവ​ത്തി​ന്റെ വ്യവസ്ഥ​കൾക്ക്‌ വിരു​ദ്ധ​മ​ല്ലാ​ത്ത​ട​ത്തോ​ളം കാലം അവ അനുസ​രി​ച്ചു​കൊണ്ട്‌ അവർ രാഷ്‌ട്രീ​യ​ഭ​ര​ണാ​ധി​പൻമാ​രു​ടെ അധികാ​ര​ത്തിന്‌ കീഴ്‌പ്പെ​ട്ടി​രി​ക്കു​ന്നു. അത്തരം ഗവൺമെൻറു​കൾ ദൈവ​ത്താൽ മുൻകൂ​ട്ടി കാണ​പ്പെ​ട്ട​വ​യും മുൻകൂ​ട്ടി​പ​റ​യ​പ്പെ​ട്ട​വ​യു​മാണ്‌. അവ അധികാ​രം നടത്തു​ന്നത്‌ അവൻ അവരെ അധികാ​ര​പ്പെ​ടു​ത്തി​യി​രി​ക്കു​ന്ന​തു​കൊ​ണ്ടല്ല അവൻ അനുവ​ദി​ച്ചി​രി​ക്കു​ന്ന​തു​കൊ​ണ്ടാണ്‌. അവന്റെ തക്കസമ​യത്ത്‌ അവൻ അവയെ നീക്കം ചെയ്യും.)

ഗലാ. 6:10: “നമുക്ക്‌ അനുകൂല സമയമു​ള​ള​ട​ത്തോ​ളം​കാ​ലം നമുക്ക്‌ എല്ലാവർക്കും, എന്നാൽ പ്രത്യേ​കിച്ച്‌ വിശ്വാ​സ​ത്തിൽ നമ്മോട്‌ ബന്ധപ്പെ​ട്ടി​രി​ക്കു​ന്ന​വർക്ക്‌ നൻമ ചെയ്യാം.” (അതു​കൊണ്ട്‌ സത്യ​ക്രി​സ്‌ത്യാ​നി​കൾ സഹമനു​ഷ്യർക്ക്‌ നൻമ​ചെ​യ്യു​ന്ന​തിൽ നിന്ന്‌ പിൻമാ​റി നിൽക്കു​ന്നില്ല. ദുഷ്ടൻമാ​രു​ടെ​മേ​ലും നല്ലവരു​ടെ​മേ​ലും തന്റെ സൂര്യനെ പ്രകാ​ശി​പ്പി​ക്കുന്ന ദൈവത്തെ അവർ അനുക​രി​ക്കു​ന്നു.—മത്താ. 5:43-48.)

മത്താ. 5:14-16: “നിങ്ങൾ ലോക​ത്തി​ന്റെ വെളി​ച്ച​മാ​കു​ന്നു. . . . മനുഷ്യർ നിങ്ങളു​ടെ നല്ല പ്രവൃ​ത്തി​കളെ കണ്ടിട്ട്‌ സ്വർഗ്ഗ​ത്തി​ലു​ളള നിങ്ങളു​ടെ പിതാ​വി​നെ മഹത്വ​പ്പെ​ടു​ത്തേ​ണ്ട​തിന്‌ നിങ്ങളു​ടെ പ്രകാശം അവരുടെ മുമ്പാകെ ശോഭി​ക്കട്ടെ.” (ക്രിസ്‌ത്യാ​നി​കൾ ചെയ്യുന്ന പ്രവൃ​ത്തി​കൾ നിമിത്തം മററു​ള​ളവർ ദൈവത്തെ മഹത്വ​പ്പെ​ടു​ത്തു​ന്ന​തിന്‌ അവർ ദൈവ​ത്തി​ന്റെ നാമവും അവന്റെ ഉദ്ദേശ്യ​ങ്ങ​ളും സംബന്ധിച്ച്‌ ലോക​ത്തി​ന്റെ മുമ്പാകെ സജീവ​മാ​യി സാക്ഷ്യം വഹിക്കു​ന്ന​വ​രാ​യി​രി​ക്കണം എന്നത്‌ വ്യക്തമാണ്‌. ഈ പ്രവർത്ത​ന​ത്തി​നാണ്‌ സത്യ​ക്രി​സ്‌ത്യാ​നി​കൾ മുഖ്യ ഊന്നൽ കൊടു​ക്കു​ന്നത്‌.)

ഇന്നത്തെ ലോകാ​വ​സ്ഥ​ക​ളു​ടെ അർത്ഥ​മെ​ന്താണ്‌?

“അന്ത്യനാ​ളു​കൾ” എന്ന മുഖ്യ​ശീർഷകം കാണുക.