ബൈബി​ളി​ലെ സത്യങ്ങൾ മനസ്സി​ലാ​ക്കു​മ്പോൾ നിങ്ങൾ ഇങ്ങനെ ചിന്തി​ച്ചേ​ക്കാം: ‘ഇതൊക്കെ എല്ലാവ​രും അറിയേണ്ട കാര്യ​ങ്ങ​ളാ​ണ​ല്ലോ.’ ശരിയാണ്‌, എല്ലാവ​രും ഇത്‌ അറി​യേ​ണ്ട​താണ്‌! പക്ഷേ, പഠിച്ച കാര്യങ്ങൾ മറ്റുള്ള​വ​രോ​ടു പറയാൻ നിങ്ങൾക്ക്‌ ഒരു ബുദ്ധി​മു​ട്ടു തോന്നു​ന്നു​ണ്ടോ? ആ ബുദ്ധി​മുട്ട്‌ മറിക​ടന്ന്‌ ബൈബി​ളി​ലുള്ള സത്യങ്ങൾ മറ്റുള്ള​വ​രോ​ടു പറഞ്ഞ്‌ തുടങ്ങാൻ എങ്ങനെ കഴിയും? ധൈര്യ​ത്തോ​ടെ​യും സന്തോ​ഷ​ത്തോ​ടെ​യും ഇത്‌ എങ്ങനെ ചെയ്യാം? നമുക്കു നോക്കാം.

1. പഠിച്ച കാര്യങ്ങൾ പരിച​യ​ക്കാ​രോട്‌ എങ്ങനെ പറയാം?

യേശു​വി​ന്റെ ശിഷ്യ​ന്മാർ പറഞ്ഞു: “ഞങ്ങൾ കാണു​ക​യും കേൾക്കു​ക​യും ചെയ്‌ത കാര്യ​ങ്ങ​ളെ​ക്കു​റിച്ച്‌ സംസാ​രി​ക്കാ​തി​രി​ക്കാൻ ഞങ്ങൾക്കു കഴിയില്ല.” (പ്രവൃ​ത്തി​കൾ 4:20) യേശു​വിൽനി​ന്നു പഠിച്ച കാര്യങ്ങൾ വളരെ പ്രധാ​ന​പ്പെ​ട്ട​താ​ണെന്നു മനസ്സി​ലാ​യ​തു​കൊണ്ട്‌ കഴിയു​ന്നി​ട​ത്തോ​ളം ആളുകളെ അത്‌ അറിയി​ക്കാൻ അവർ ആഗ്രഹി​ച്ചു. നിങ്ങൾക്കും അങ്ങനെ തോന്നു​ന്നു​ണ്ടോ? അങ്ങനെ​യെ​ങ്കിൽ പഠിച്ച സത്യങ്ങൾ നിങ്ങളു​ടെ കുടും​ബാം​ഗ​ങ്ങ​ളോ​ടും സുഹൃ​ത്തു​ക്ക​ളോ​ടും പറയാൻ കിട്ടുന്ന അവസരങ്ങൾ ഉപയോ​ഗി​ക്കുക. എന്നാൽ ആദര​വോ​ടെ വേണം നമ്മൾ സംസാ​രി​ക്കാൻ.—കൊ​ലോ​സ്യർ 4:6 വായി​ക്കുക.

2. സഭയോ​ടൊ​പ്പം പ്രസം​ഗ​പ്ര​വർത്ത​ന​ത്തിൽ പങ്കെടു​ക്കു​ന്ന​തു​കൊ​ണ്ടുള്ള പ്രയോ​ജനം എന്താണ്‌?

യേശു​വി​ന്റെ ശിഷ്യ​ന്മാർ പരിച​യ​ക്കാ​രോ​ടു മാത്രമല്ല സന്തോ​ഷ​വാർത്ത പറഞ്ഞത്‌. യേശു ‘ഈരണ്ടു പേരെ വീതം തനിക്കു മുമ്പേ നഗരങ്ങ​ളി​ലേക്ക്‌’ പ്രസം​ഗി​ക്കാ​നാ​യി പറഞ്ഞയച്ചു. (ലൂക്കോസ്‌ 10:1) ഇങ്ങനെ ചിട്ട​യോ​ടു​കൂ​ടി പ്രസം​ഗ​പ്ര​വർത്തനം നടത്തി​യ​തു​കൊണ്ട്‌ അനേക​മാ​ളു​കൾ സന്തോ​ഷ​വാർത്ത കേൾക്കാ​നി​ട​യാ​യി. ഒരുമിച്ച്‌ പ്രസം​ഗ​പ്ര​വർത്ത​ന​ത്തിൽ ഏർപ്പെ​ട്ട​തു​കൊണ്ട്‌ ശിഷ്യ​ന്മാർക്കു നല്ല സന്തോഷം കിട്ടി. (ലൂക്കോസ്‌ 10:17) സഭയോ​ടൊത്ത്‌ നിങ്ങൾക്കും ഇതു​പോ​ലെ സന്തോ​ഷ​വാർത്ത പ്രസം​ഗി​ക്കാൻ ലക്ഷ്യം​വെ​ക്കാ​മോ?

 ആഴത്തിൽ പഠിക്കാൻ

5. സന്തോ​ഷ​വാർത്ത പ്രസം​ഗി​ക്കു​ന്നതു സന്തോഷം തരുന്നു

യേശു​വി​നോ​ടു സന്തോ​ഷ​വാർത്ത പ്രസം​ഗി​ക്കാൻ പറഞ്ഞത്‌ യഹോ​വ​യാണ്‌. യേശു എങ്ങനെ​യാണ്‌ ഈ നിയമ​നത്തെ കണ്ടത്‌? യോഹ​ന്നാൻ 4:34 വായി​ക്കുക. എന്നിട്ട്‌ ഈ ചോദ്യ​ങ്ങൾ ചർച്ച ചെയ്യുക:

• നല്ല ഭക്ഷണം കഴിക്കു​ന്നത്‌ ആരോ​ഗ്യം തരുന്നു, നമ്മളെ സന്തോ​ഷി​പ്പി​ക്കു​ക​യും ചെയ്യുന്നു. സന്തോ​ഷ​വാർത്ത പ്രസം​ഗി​ച്ചു​കൊണ്ട്‌ ദൈവ​ത്തി​ന്റെ ഇഷ്ടം ചെയ്യു​ന്ന​തി​നെ ആഹാരം കഴിക്കു​ന്ന​തി​നോട്‌ യേശു താരത​മ്യം ചെയ്‌തത്‌ എന്തു​കൊണ്ട്‌?

• മറ്റുള്ള​വരെ സന്തോ​ഷ​വാർത്ത അറിയി​ക്കു​മ്പോൾ നിങ്ങൾക്ക്‌ എങ്ങനെ​യൊ​ക്കെ സന്തോഷം കിട്ടും?

 ചുരു​ക്ക​ത്തിൽ

മിക്ക​പ്പോ​ഴും നമ്മൾ വിചാ​രി​ക്കു​ന്നത്ര ബുദ്ധി​മു​ട്ടില്ല സംഭാ​ഷണം തുടങ്ങാൻ. സന്തോ​ഷ​വാർത്ത മറ്റുള്ള​വ​രോ​ടു പറയു​മ്പോൾ നമുക്കു സന്തോ​ഷ​വും കിട്ടും.

ഓർക്കുന്നുണ്ടോ?

• മറ്റുള്ള​വരെ സന്തോ​ഷ​വാർത്ത അറിയി​ക്കേ​ണ്ടത്‌ എന്തു​കൊണ്ട്‌?

• സന്തോ​ഷ​വാർത്ത നയത്തോ​ടെ​യും ആദര​വോ​ടെ​യും എങ്ങനെ അറിയി​ക്കാം?

• സന്തോ​ഷ​വാർത്ത പ്രസം​ഗി​ക്കാൻ നിങ്ങൾക്കു പേടി​യോ ബുദ്ധി​മു​ട്ടോ ഉണ്ടെങ്കിൽ അത്‌ എങ്ങനെ മറിക​ട​ക്കാം?