2022 ഒക്ടോബർ 10 തിങ്കളാഴ്‌ച രാവിലെ യു​ക്രെ​യി​ന്റെ പല നഗരങ്ങ​ളി​ലും റഷ്യ മിസൈൽ ആക്രമണം നടത്തി. രണ്ടു ദിവസം മുമ്പ്‌ ക്രിമി​യയെ​യും റഷ്യ​യെ​യും ബന്ധിപ്പി​ക്കുന്ന സുപ്ര​ധാന പാലം യു​ക്രെ​യിൻ തകർത്ത​തിന്‌ എതി​രെ​യുള്ള തിരി​ച്ച​ടി​യാ​യി​രു​ന്നു ഇത്‌. നമ്മൾ അർമ​ഗെ​ദോ​നെ നേരി​ടാൻ പോകു​ക​യാ​ണെന്ന്‌ നേതാ​ക്ക​ന്മാർ മുന്നറി​യിപ്പ്‌ നൽകി അധികം വൈകാ​തെയാണ്‌ ഈ സംഭവങ്ങൾ ഉണ്ടായത്‌.

•    “(യു.എസ്‌. പ്രസി​ഡന്റ്‌ ജോൺ എഫ്‌.) കെന്നഡി​യു​ടെ സമയത്തെ ക്യൂബൻ മിസൈൽ പ്രതി​സ​ന്ധി​ക്കു ശേഷം നമ്മൾ അർമ​ഗെ​ദോ​നോട്‌ ഇത്രയും അടുത്ത ഒരു സമയം ഉണ്ടായി​ട്ടില്ല. . . . ആണവാ​യു​ധ​ത്തി​ന്റെ ഉപയോ​ഗം അർമ​ഗെ​ദോ​നിൽ എത്തിക്കു​മെ​ന്നാണ്‌ എനിക്കു തോന്നു​ന്നത്‌.”—യു.എസ്‌. പ്രസി​ഡന്റ്‌ ജോ ബൈഡൻ, 2022 ഒക്ടോബർ 6.

•    “ഇത്‌ അർമ​ഗെ​ദോ​നിൽ എത്തി​യേ​ക്കും. അതു മുഴു ഭൂമി​ക്കും ഒരു ഭീഷണി​യാണ്‌.”—ആണവാ​യു​ധം ഉപയോ​ഗി​ച്ചാ​ലുള്ള അനന്തര​ഫ​ല​ങ്ങ​ളെ​ക്കു​റിച്ച്‌ യു​ക്രെ​യി​നി​യൻ പ്രസി​ഡ​ന്റായ വൊ​ളോ​ഡി​മിർ സെലൻസ്‌കി പറഞ്ഞത്‌, ബിബിസി ന്യൂസ്‌, 2022 ഒക്ടോബർ 8.

 ആണവാ​യു​ധ​ങ്ങ​ളു​ടെ ഉപയോ​ഗം അർമ​ഗെ​ദോ​നിൽ കൊ​ണ്ടെ​ത്തി​ക്കു​മോ? ബൈബിൾ എന്താണു പറയു​ന്നത്‌?

 ഇല്ല. ബൈബി​ളിൽ, വെളി​പാട്‌ 16:16-ൽ മാത്ര​മാണ്‌ “അർമ​ഗെ​ദോൻ” എന്ന പദം കാണു​ന്നത്‌. അതു രാഷ്ട്രങ്ങൾ തമ്മിലുള്ള ഒരു യുദ്ധമല്ല, മറിച്ച്‌ ദൈവ​വും ‘ഭൂമി​യിൽ എല്ലായി​ട​ത്തു​മുള്ള രാജാ​ക്ക​ന്മാ​രും’ തമ്മിലുള്ള യുദ്ധമാണ്‌. (വെളി​പാട്‌ 16:14) അർമ​ഗെ​ദോൻ യുദ്ധത്തി​ലൂ​ടെ ദൈവം മനുഷ്യ​രു​ടെ ഭരണം ഇല്ലാതാ​ക്കും.—ദാനി​യേൽ 2:44.

 അർമ​ഗെ​ദോ​ന്റെ സമയത്ത്‌ ഭൂമി​യിൽ എന്തു സംഭവി​ക്കു​മെന്ന്‌ കൂടുതൽ അറിയാൻ “അർമ​ഗെ​ദോൻ യുദ്ധം എന്താണ്‌?” എന്ന ലേഖനം വായി​ക്കുക.

 ഇല്ല. മനുഷ്യ​ഭ​ര​ണാ​ധി​കാ​രി​കൾ ഭാവി​യിൽ ആണവാ​യു​ധങ്ങൾ ഉപയോ​ഗി​ച്ചാ​ലും, ഭൂമി നശിപ്പി​ക്ക​പ്പെ​ടാൻ ദൈവം ഒരിക്ക​ലും അനുവ​ദി​ക്കില്ല. ബൈബിൾ പറയുന്നു:

•    “ഭൂമി എന്നും നിലനിൽക്കു​ന്നു.”—സഭാ​പ്ര​സം​ഗകൻ 1:4.

•    “നീതി​മാ​ന്മാർ ഭൂമി കൈവ​ശ​മാ​ക്കും; അവർ അവിടെ എന്നു​മെ​ന്നേ​ക്കും ജീവി​ക്കും.”—സങ്കീർത്തനം 37:29.

 പക്ഷേ ബൈബിൾപ്ര​വ​ച​ന​ങ്ങ​ളും ഇപ്പോൾ നടക്കുന്ന സംഭവ​ങ്ങ​ളും കാണി​ക്കു​ന്നത്‌ ഭൂമി മുഴുവൻ ഒരു വലിയ മാറ്റത്തി​ന്റെ വക്കിലാ​ണെ​ന്നാണ്‌. (മത്തായി 24:3-7; 2 തിമൊ​ഥെ​യൊസ്‌ 3:1-5) ഭാവി​യെ​ക്കു​റിച്ച്‌ ബൈബിൾ പറയു​ന്നത്‌ എന്താ​ണെന്ന്‌ അറിയാൻ ഞങ്ങളുടെ സൗജന്യ ബൈബിൾപ​ഠ​ന​പ​രി​പാ​ടി നിങ്ങളെ സഹായി​ക്കും.