നമ്മുടെ ശരീര​ത്തി​ലെ പ്രവർത്ത​നങ്ങൾ നന്നായി നടക്കണ​മെ​ങ്കിൽ, രക്തത്തിൽ കാൽസ്യം​പോ​ലുള്ള മിനറ​ലു​കൾ കൃത്യ​മായ അളവിൽത്തന്നെ വേണം. എന്നാൽ നമ്മൾ ഓരോ ദിവസ​വും കഴിക്കുന്ന ഭക്ഷണം വ്യത്യ​സ്‌ത​മാ​യ​തു​കൊണ്ട്‌ അതിലൂ​ടെ കിട്ടുന്ന മിനറ​ലു​ക​ളു​ടെ അളവും വ്യത്യ​സ്‌ത​മാ​യി​രി​ക്കും. അപ്പോൾപ്പി​ന്നെ ഈ ഘടകങ്ങളെ കൃത്യ​മായ അളവിൽത്തന്നെ നിലനി​റു​ത്താൻ ശരീരം എന്താണു ചെയ്യു​ന്നത്‌?

 ആരോ​ഗ്യ​മു​ള്ള ഒരു ശരീരം മിനറ​ലു​ക​ളു​ടെ അളവ്‌ ക്രമീ​ക​രി​ക്കു​ന്നത്‌ ഹോർമോ​ണു​ക​ളു​ടെ സഹായ​ത്തോ​ടെ​യാണ്‌. അതിനു​വേണ്ടി ശരീരം ഹോർമോ​ണു​കൾ ഉത്‌പാ​ദി​പ്പി​ക്കു​ക​യും സൂക്ഷി​ച്ചു​വെ​ക്കു​ക​യും രക്തത്തി​ലേക്ക്‌ കടത്തി​വി​ടു​ക​യും ചെയ്യുന്നു. നമ്മുടെ ശരീര​ത്തി​ലെ പല പ്രവർത്ത​ന​ങ്ങളെ നിയ​ന്ത്രി​ക്കാൻ സഹായി​ക്കുന്ന രാസപ​ദാർഥ​ങ്ങ​ളാണ്‌ ഹോർമോ​ണു​കൾ. അവർ വളരെ ശക്തരാ​ണെന്ന്‌ പറയാം. കാരണം അവയുടെ വളരെ ചെറിയ അളവി​നു​പോ​ലും ശരീര​ത്തിൽ വലിയ മാറ്റങ്ങൾ വരുത്താ​നാ​കും. ബ്രിട്ടാ​നിക്ക സർവവി​ജ്ഞാ​ന​കോ​ശം (ഇംഗ്ലീഷ്‌) പറയു​ന്ന​ത​നു​സ​രിച്ച്‌ ശരീരം ഹോർമോ​ണു​കൾ പുറ​പ്പെ​ടു​വി​ക്കു​ന്നത്‌ “യാതൊ​രു അടുക്കും ക്രമവും ഇല്ലാ​തെയല്ല. പകരം അത്‌ കൃത്യ​ത​യുള്ള, സങ്കീർണ​മായ പ്രവർത്ത​ന​മാണ്‌.”

 ഉദാഹ​ര​ണ​ത്തിന്‌, കഴുത്തി​ലുള്ള പാരാ​തൈ​റോ​യിഡ്‌ ഗ്രന്ഥി​ക​ളെ​ക്കു​റിച്ച്‌ ചിന്തി​ക്കാം. അവ സാധാ​ര​ണ​യാ​യി നാലെ​ണ്ണ​മാ​ണു​ള്ളത്‌. ഓരോ​ന്നി​നും ഒരു അരിമ​ണി​യു​ടെ വലുപ്പ​മേ​യു​ള്ളൂ.

  ഈ ഗ്രന്ഥികൾ രക്തത്തിലെ കാൽസ്യ​ത്തി​ന്റെ അളവിൽ വരുന്ന ചെറിയ മാറ്റങ്ങൾപോ​ലും കണ്ടുപി​ടി​ക്കും. കാൽസ്യ​ത്തി​ന്റെ അളവ്‌ വേണ്ടതി​ലും താഴേക്കു പോ​യെ​ന്നു​ക​ണ്ടാൽ അപ്പോൾത്തന്നെ, ചില​പ്പോൾ സെക്കന്റു​കൾക്കു​ള്ളിൽത്തന്നെ, ഈ ഗ്രന്ഥികൾ ഒരു ഹോർമോൺ പുറത്തു​വി​ടും. ആ ഹോർമോൺ നിങ്ങളു​ടെ എല്ലുക​ളോട്‌, അവയ്‌ക്കു​ള്ളിൽ സൂക്ഷി​ച്ചു​വെ​ച്ചി​രി​ക്കുന്ന കാൽസ്യ​ത്തെ രക്തത്തി​ലേക്കു വിടാൻ പറയും. ഇനി, രക്തത്തിൽനിന്ന്‌ കാൽസ്യം അരിച്ചു​മാ​റ്റു​ന്നതു നിറു​ത്താൻ വൃക്കകൾക്ക്‌ സന്ദേശം കൊടു​ക്കും. അതു​പോ​ലെ ഭക്ഷണത്തിൽനി​ന്നും കൂടുതൽ കാൽസ്യം വലി​ച്ചെ​ടു​ക്കാൻ ആ ഹോർമോൺ ചെറു​കു​ട​ലി​നോ​ടും ആവശ്യ​പ്പെ​ടും.

 എന്നാൽ രക്തത്തിൽ കാൽസ്യ​ത്തി​ന്റെ അളവ്‌ വളരെ കൂടു​ത​ലാ​ണെന്നു കണ്ടാൽ തൈ​റോ​യിഡ്‌ എന്ന മറ്റൊരു ഗ്രന്ഥി വേറൊ​രു ഹോർമോൺ പുറ​പ്പെ​ടു​വി​ക്കും. ആ ഹോർമോൺ എല്ലുക​ളോട്‌ കൂടുതൽ കാൽസ്യം വലി​ച്ചെ​ടു​ക്കാ​നും സൂക്ഷി​ച്ചു​വെ​ക്കാ​നും പറയും. കൂടാതെ, വൃക്കക​ളോട്‌ സാധാ​ര​ണ​യി​ലും കൂടുതൽ കാൽസ്യം അരിച്ചു​ക​ള​യാ​നും ആവശ്യ​പ്പെ​ടും.

 നമ്മുടെ ശരീര​ത്തി​ലെ വ്യത്യ​സ്‌ത​പ്ര​വർത്ത​ന​ങ്ങളെ നിയ​ന്ത്രി​ക്കാൻ സഹായി​ക്കുന്ന നൂറി​ല​ധി​കം ഹോർമോ​ണു​ക​ളിൽ വെറും രണ്ടെണ്ണം മാത്ര​മാണ്‌ ഇത്‌.

 നിങ്ങൾക്ക്‌ എന്തു തോന്നു​ന്നു? ശരീര​ത്തി​ന്റെ പ്രവർത്ത​ന​ങ്ങളെ നിയ​ന്ത്രി​ക്കാ​നുള്ള ഹോർമോ​ണു​ക​ളു​ടെ കഴിവ്‌ പരിണ​മി​ച്ചു​ണ്ടാ​യ​താ​ണോ, അതോ ആരെങ്കി​ലും രൂപകല്പന ചെയ്‌ത​താ​ണോ?