‘Ny Fifandraisako Amin’i Jehovah no Zava-dehibe Indrindra’

HANDEFA

Nomelohin’ny Fitsaran’i Fokinski, any amin’ny Faritanin’i Primorié, ny Rahalahy Aleksandr Sazhin tamin’ny 28 Janoary 2025. Nahazo sazy mihantona telo taona izy. Mbola tsy voatery higadra aloha izy izao.

Ilay voampanga

Aleksandr Sazhin

Teraka: 1971 (tany Fokino)

Batisa: 2008

Mombamomba azy: Mpamily no asany. Nanambady an’i Irina tamin’ny 1993. Manan-janakavavy iray

Antony niampangana azy: Nanao resadresaka momba ny Baiboly sy nitarika fivorian’ny Vavolombelon’i Jehovah

Saziny: Sazy mihantona telo taona

Resadresaka nifanaovana taminy

Nahoana no nanova ny fomba fijerinao ny vola sy harena izao zavatra iainanao izao?

Vao nanomboka ilay fitsarana dia voaroaka tamin’ny asako aho sady tsy afaka nampiasa ny volako tany amin’ny banky. Tsy nanary anay mianakavy mihitsy anefa i Jehovah. Tsapako hoe nanampy anay foana ny tanany, satria nanatanjaka ny finoanay izy sady nanome an’izay nilainay. Nampahatsiahy ahy an’ilay nosoratan’i Paoly ho an’ireo Kristianina niatrika fanenjehana tany Jerosalema izany. Izao no nolazainy ao amin’ny Hebreo 10:34: “Fa nangoraka an’izay nigadra ianareo ary mbola faly foana na dia norobaina aza ny fanananareo. Fantatrareo mantsy fa manana lova tsara kokoa sy maharitra ianareo.” Noho ireny zavatra niainako ireny, dia lasa azoko hoe nahoana no mbola faly foana ireo Kristianina ireo na dia norobaina aza ny fananany. Ny fifandraisako amin’i Jehovah mantsy no zava-dehibe indrindra!

Matoky hoatran’i Aleksandr isika hoe na inona na inona afointsika noho ny finoantsika, dia afaka ny ‘ho faly sy hiravoravo’ foana isika. ‘Lehibe [mantsy] ny valisoantsika any an-danitra.’—Matio 5:12.

Jereo Koa

VAOVAO

Gadraina Noho ny Finoany: Rosia

Gadraina noho ny finoany ny Vavolombelon’i Jehovah any Rosia. Diniho ny tantaran-dry zareo ary ataovy pirinty ny lisitr’ireo Vavolombelona izay any am-ponja amin’izao.

VAOVAO