Nisy oram-be tamin’ny 28 Aogositra 2019 ka tondraka ny Reniranon’i Talomo, any Davao. Araka ny tatitra avy amin’ny fanjakana, dia fianakaviana 545 eo ho eo no tsy maintsy nafindra toerana.

Milaza ny sampan’i Philippines fa mpitory 120 avy amin’ny fiangonana dimy no tra-boina. Be dia be ny mpitory nialokaloka tany amin’ny Efitrano Fanjakana. Trano telo ipetrahan’ny mpiara-manompo no rava ary trano efatra kosa no simba.

Nanangana Komitin’ny Vonjy Rano Vaky (KVRV) ny sampana mba hanome izay ilain’ireo mpiara-manompo tra-boina. Efa manao zavatra izao ny KVRV mba hitaterana ny fanampiana sy hanadiovana ny trano tratran’ilay tondra-drano.

Mivavaka isika mba hahazo hery foana ny rahalahy sy anabavy any Davao rehefa mahita hoe tena tia azy ireo ny mpiara-manompo aminy, na dia ao anatin’ny sarotra aza.—Romanina 12:10.