Bibele Ibulelañi?
Kana muta omuñwi kukaba ni katulo yelukile fa lifasi?
Nemuka alaba cwañi?
Eni
Batili
Mwendi
Zeibulela Bibele
“Naziba kuli Jehova ukayemela ba mayemo a kwatasi ni kuatulela babotana ka kuluka.” (Samu 140:12) Mubuso wa Mulimu ukatisa katulo yelukile fa lifasi.
Ki lika mañi zeñwi zelukona kuituta mwa Bibele?
Mulimu wabona kusaluka kokuliteñi mwa lifasi, mi ukalukisa muinelo wo.—Muekelesia 5:8.
Kuluka kwa Mulimu, kukatahisa kozo ni buiketo mwa lifasi.—Isaya 32:16-18.
Kana Mulimu walata batu babañwi ni kutoya babañwi?
Batu babañwi balumela kuli Mulimu ufuyauzi sikwata sesiñwi sa batu kamba ukutile sikwata sesiñwi sa batu, kono babañwi bona balumela kuli ku Mulimu, batu kaufela baswana. Mubona cwañi?
Zeibulela Bibele
“Mulimu haketululi, kono mwa sicaba ni sicaba mutu kaufela yamusaba ni kueza sesilukile ulumelelwa ki yena.” (Likezo 10:34, 35) Ku Mulimu, batu kaufela baswana.
Ki lika mañi zeñwi zelukona kuituta mwa Bibele?
Mwa Bibele kunani “taba yende” ya “macaba kaufela ni mishobo ni malimi ni batu.”—Sinulo 14:6.
Hape Mwendi Mwakona Kutabela Litaba Ze
BIBELE YACINCANGA BUPILO BWA BATU
Nenibata Kufelisa Saluluti
Bo Rafika nebakeni mwa sikwata sesiñwi ka mulelo wa kuli bafelise saluluti. Kono nebaitutile za sepiso yefumaneha mwa Bibele ya kuli Mubuso wa Mulimu ki ona okatahisa kuli batu bapile mwa kozo ni kueza babañwi hande.
