Mukiti wa Kuhupula Lifu la Jesu
La Mande, March 22, 2027
Hañwi ka silimo, Lipaki za Jehova baezanga mukiti wa kuhupula lifu la Jesu sina feela mwanaalaelezi hanaaize: “Muezange cwalo kuli munihupule.”—Luka 22:19.
Lwamimema kwa mukiti wo, mina ni lubasi lwamina.
Lipuzo Zebuziwanga Hañata
Ki bo mañi babaswanela kutaha?
Batu kaufela balukuluhile kutaha. Mulukuluhe kumema balikani bamina ni kutaha ni lubasi lwamina.
Tukiso ye ikaanga nako yekuma kai?
Ikaanga feela ibato ba hora iliñwi.
Ukaezezwa kai?
Muambole ni Lipaki za Jehova kuli muzibe kouka ezezwa mwa silalanda samina.
Kana kukaba ni kulifa kamba kueza buitamo bobuñwi?
Batili.
Kana kukaba ni likoleko?
Batili. Hakubangi ni likoleko kwa mikopano yaluna.—Mateu 10:8.
Kana niswanela kuapala ka nzila yeñwi?
Batili. Nihakulicwalo, Lipaki za Jehova balikanga kuapala ka nzila yebonisa kuli bakuteka kezahalo ya butokwa hahulu ye.
Ki lika mañi zekaezahala kwa mukiti wo?
Kukaba ni ngambolo yesusueza yekatalusa butokwa bwa lifu la Jesu ni molukona kutusezwa ki zaluezelize Mulimu ni Kreste. Tukiso ye ikakalisa ni kufela ka pina ni tapelo.
Kuli muzibe litaba zeñata, mubone taba yeli, “Ki Kabakalañi Lipaki za Jehova Habaezanga Mulalelo wa Mulena ka Kushutana ni Mobuezezanga Bulapeli Bobuñwi?”
Mukiti wa kuhupula lifu la Jesu ukaeziwa lili kwapili?
2027: La Mande, March 22
2028: La Sunda, April 9
2029: La Bune, March 29
Hape Mwendi Mwakona Kutabela Litaba Ze
KUPUZO
Muhupule Lifu la Jesu
Lwamimema kuli muto kopana hamoho ni luna kwa mukopano wa butokwa wo. Mukaituta ka mo bupilo bwa Jesu ni lifu lahae likona kumituseza.
LITUTO ZA BUTOKWA ZA MWA BIBELE
Ki Kabakalañi Jesu Hanaashwile?
Mwendi muutwile kuli Jesu naashwezi libi zaluna. Kono kana lifu la mutu alimuñwi lakona kutusa batu babañata-ñata?
LITABA ZEÑWI ZETUSA
Mutusiwe ki Sitabelo sa Jesu
Ki lika mañi zepeli zeli za butokwa zanaa lulutile Jesu kuli luliezange ilikuli lutusiwe ki lifu lahae?
KA ZA LUNA
Mufumanehe Kwa Mukopano
Muzibe litaba ka za mikopano yaluna. Mufumane sibaka sa mikopano sesili bukaufi ni komupila.