Ne Ba Lelekilwe Kihona Ba Amuhelwa Hasamulaho

LILIMO li sikai kwamulaho, bo Santiago ni bo musal’a bona bo Lourdes ne ba tutezi mwa tolopo ye buheha ya Huillcapata, kwa Peru, kuli ba yo abana lushango lwa Bibele lo lu tiisa pilu ni batu ba ba pila kwateñi. Kono kapili-pili muprisita yo muñwi wa kwa Cuzco a taha ku to kubukanya batu ba mwa tolopo yeo. Muprisita yo a ba lemusa kuli ku taha kwa Lipaki za Jehova mwa tolopo yeo ne ku ka tisa butuku bo bu bulaya ni ku nela kwa litwa le liñata le ne li ka bulaya likomu za bona ni ku sinya licalo za bona.

Ba bañata ne ba kozwi “bupolofita” bo mi ka nako ye bat’o kwana silimo ha ku na mutu ni yo mukana mwa tolopo yeo ya n’a lumezi ku ituta Bibele ni bo Santiago ni Lourdes. Mubeleki wa muuso mwa tolopo yeo, ya bizwa Miguel, a leleka bo Santiago ni Lourdes mwa likululu inze a ba posaka mañomo. Kono ne ba ikuzezanga fela kamita, ka kozo ya Sikreste.

Hañihañi ba bañwi mwa tolopo yeo ba lumela ku ituta Bibele. Mane nihaiba Miguel a cinca mubonelo wa hae. A kala ku ituta ni Santiago, a tuhela ku nwa maswe, mi a kala ku pila ka kozo. Kwa nalulelule, Miguel, musal’a hae, ni bana ba hae ba babeli ba basizana ba amuhela niti ya Bibele.

Kacenu le mwa tolopo yeo ku na ni puteho ye tiile ya Lipaki za Jehova. Miguel u itumela kuli buñata bwa mañomo a n’a posakile bo Santiago ni Lourdes n’a ba shutile, mi u itebuha kwa mutala o munde o ba bonisize bosinyalana wa ku pila ka kozo.

[Maswaniso a fa likepe 32]

Moya o ne ba bonisize bo Santiago ni Lourdes (fahalimu) wa ku pila ka kozo ne u tusize Miguel (kwa silyo) ku cinca mubonelo wa hae