Ka mutala, munyakisise mobatuselizwe batu babañwi ka butu kabakala kubala Bibele ni kuitusisa kelezo yayona mwa bupilo bwabona.

Bo Fiona babulela kuli: “Nipila bupilo bobunde cwale. Niezize licinceho zende ka za moniikutwela ni moninahanela. Seninani tabo mwa bupilo.”

Bo Gnitko babulela kuli: “Seniziba zenipilela mwa bupilo.”

Bo Andrew babulela kuli: “Senipila bupilo bobunde hahulu. Senibanga ni nako yeñata ya kuba ni lubasi lwaka.”

Kunani batu babañwi hape babatusizwe ki Bibele. Batu babañata mwa lifasi kaufela bafitile fa kulemuha kuli mwa Bibele kunani litaba zekona kubatusa mwa bupilo bwabona bwa ka zazi ni zazi.

Halunyakisiseñi mo Bibele ikona kutuseza batu . . .

• Kuba ni mibili yeikanguzi hande

• Kunahana hande

• Kuikola bupilo mwa lubasi ni kuba ni balikani babande

• Kuziba mwa kuitusiseza hande masheleñi

• Kutiisa silikani sabona ni Mulimu

Litaba zelatelela lika mitusa kulemuha kuli Bibele ki buka yezwa ku Mulimu mi yakona kumitusa mwa bupilo bwamina bwa ka zazi ni zazi.