BABABALELI Musebezi wa bababaleli ki wa kumitusa. Mukupiwa kusebelisana ni bona hande ka kulatelela ketelelo yebafa kwa libaka za kuyemiseza limota, kwa baputehi, bababata kubulukela babañwi lipula, ni mwa litaba zeñwi.

KOLOBEZO Lipula zebulukezwi babayo kolobezwa likaba fapilaa libulelelo, konji haiba kuba ni licinceho. Babakolobezwa baswanela kuina mwa sibaka sebalukiselizwe pili ngambolo ya kolobezo isika kalisa kale fa lizazi labubeli kakusasana. Mañi ni mañi alwale nto ya kuipukutisa mezi ni libyana zeswanela zakayo kolobelezwa ku zona.

LINUBU Kuitusisizwe masheleñi amañata kwa kulukisa libaka zelikani fa kuina, kwa kulukisa za mulumo ni mavidio, ni lika zeñwi zeñata zelukonisa kuikola mukopano wo ili zelutusa kusutelela hahulu ku Jehova. Linubu zemufa ka kuitatela litusa kulifela lisinyehelo zeo mi hape litusa ni mwa musebezi wa mwa lifasi kaufela. Ka kuminolofaleza, kubeilwe tumbokisi kai ni kai ili totuñozwi hande kuli ki twa linubu. Nihakulicwalo, haiba kwakonahala, mwakona kufa nubu ka kuitusisa Intaneti ka kukena fa donate.jw.org. Linubu kaufela zaitebuhiwa hahulu. Sitopa Sesietelela saitumela ku mina kwa linubu zemufanga zetusa mwa misebezi ya Mubuso.

LILUKO LA LIKALAFO Shangwe muhupule kuli liluko le ki la matuku a ka sipundumukela feela.

ZELATEHILE Lika kaufela zefumanwi liswanela kuisiwa kwa Liluko la Zelatehile. Haiba mulatehezwi ki nto yeñwi, muye kwa liluko le kuli muyo ibata. Banana babalatehile baswanela kuisiwa kwa liluko le. Kacwalo, mukupiwa kutokomela bana bamina, ni kuina ni bona kuli musike mwafa musebezi bababelekela kwa liluko le.

FA KUINA Shangwe mubeye babañwi mwa munahano. Muhupule kuli lipula likona feela kubulukelwa ba lubasi lwamina ni bemuzamaya ni bona mwa mota, bemupila ni bona ndu iliñwi, kamba bemuituta ni bona Bibele. Mukupiwa kusabeya libyana fa libaka zemusa itusisi ili fokukona kuina babañwi.

SEBELEZO YA KUITATELA Haiba mubata kutusa kwa misebezi ya fa mukopano, shangwe muipihe kwa Liluko la Litaba ni Sebelezo ya Kuitatela.