Zanaaezize Jesu

VIDIO: Jesu Ushwela Makeke Batu Babañata

1. Mubuhe VIDIO, kamba mubale Mareka 6:30-34. Hasamulaho, munyakisise lipuzo zelatelela:

1.    Ki kabakalañi Jesu ni baapositola bahae hane babata kuba “banosi”?

2.   Ki lika mañi zenesusuelize Jesu kuluta batu babañata?

Luitutañi ku Jesu?

2. Kutwelo-butuku ilutusa kuiyakatwa batu isiñi kuisa feela pilu kwa lushango lwaluna.

 Mulikanyise Jesu

3. Muteeleze ka tokomelo. Mufe mutu yemuambola ni yena kolo ya kutalusa mwaikutwela luli. Musike mwakauleza mutu kamba kusa muisa pilu hamibulelela maikuto ahae, zemubilaeza, kamba hamihanyeza. Haiba muteeleza ka tokomelo ku zabulela mutu yo, muka mubonisa kuli mwaisa pilu mwaikutwela.

4. Munahane ka za mutu yatabela. Ka kuya ka ze mulemuhile hane munze muambola ni yena, muipuze kuli:

1.    ‘Ki kabakalañi hatokwa kuziba niti?’

2.   ‘Kuituta Bibele kuka mutusa cwañi ka nako ya cwale ni kwapili?’

5. Muikambote ni yena litaba zeka mutusa. Kusika fita kale nako yetelele, mumubonise mo kuituta Bibele kukona kumutuseza kufumana likalabo kwa lipuzo zahae ni mokukona kumutuseza mwa bupilo.