Mitala ya mwa Bibele okona kulutusa:

• Luka 9:​46-48—Jesu usikulula baapositola bahae kabakala kuli ulemuha moya wa kuipahamisa mwa lipilu zabona

Mitala ya mwa Bibele yekona kulutusa:

• Gen. 6:​5-7—Bakeñisa bumaswe bobu mwa lipilu za batu, lifasi litala mifilifili, ili nto yetahisa kuli Mulimu atahise Muunda mwa lifasi

• 1 Mal. 11:​1-10—Mulena Salumoni upalelwa kusileleza pilu yahae ka kunyala basali ba macaba asili, mi bakelusa pilu yahae kuizwisa ku Jehova

• Mare. 7:​18-23—Jesu utalusa kuli pilu ki yona kokuzwelela lika kaufela zekona kusilafaza mutu mwa meeto a Mulimu

 Mitala ya mwa Bibele okona kulutusa:

• Maef. 6:​14-18; 1 Mates. 5:8—Hatalusa za liapalo za ndwa za kwa moya, muapositola Paulusi ubulela kuli kuluka, kuba ni tumelo ni lilato kwakona kusileleza pilu yaluna ya swanisezo sina feela sisilelezo sa fa sifuba, hasisileleza pilu ya luli

Mitala ya mwa Bibele yekona kulutusa:

• 2 Makol. 25:​1, 2, 17-27—Ka nakonyana, Mulena Amazia ueza zelukile mwa meeto a Mulimu kono isiñi ka pilu yahae kaufela, mi hamulaho wa nako, ukalisa kuba ni buikuhumuso ni kusasepahala mi ukena mwa butata

• Mat. 7:​17-20—Jesu ubonisa kuli sina feela kota yemaswe haibeya miselo yemaswe, pilu yemaswe ni yona itahisa muzamao omaswe

Mitala ya mwa Bibele yekona kulutusa:

• 2 Mal. 20:​1-6—Ka nako yakula mi ubata kushwa, Mulena Ezekiasi ukupa Jehova kuli amubonise sishemo kabakala kuli umusebelelize ka pilu yahae kaufela

• Mat. 21:​28-32—Ka kuitusisa swanisezo, Jesu ulutaluseza kuli lukona kuziba moiinezi pilu ya mutu ka lika zaeza, isiñi lika zabulela kuli ukaeza

Mitala ya mwa Bibele yekona kulutusa:

• 1 Sam. 16:​1-13—Mupolofita Samuele uituta kuli Jehova haisangi pilu kwa ponahalo ya mutu kono uisanga pilu ku sesi mwa pilu ya mutu

• 2 Makol. 6:​28-31—Tapelo ya Mulena Salumoni ka nako yekakulwa tempele ya Jehova ibonisa kuli Mulimu wautwisisa ka kutala ze mwa lipilu zaluna, mi uitusisanga zibo yeo kulufa tuso yelutokwa