Lwa Mi Mema

Lu ikozi ku mi ambota ka bukanyana ye. Lu sepa kuli mu ikozi ku ituta ze ñata ka za Lipaki za Jehova. Lu kupa kuli mu t’o lu potela kwa Ndu ya Mubuso ya luna ya fa silalanda. Mu bone mo i ezezwa mikopano ya luna. Mu bone mo lu likela ku taluseza ba bañwi taba ye nde ya za lifasi le li fetuzwi ku ba paradaisi mwatas’a Mubuso wa Kreste.

Mulimu u sepisa kuli i ka taha. “Ka sepiso ya hae, lu talimezi lihalimu le linca, ni lifasi le linca, mo ku yahile Ku Luka.” (2 Pitrosi 3:13) Lilimo ze mianda-nda se li felile. Nako ye lu libelela i ka tuha i taha. Ze ezahala mwa lifasi li bonisa kuli taba yeo i cwalo.

Muapositola Paulusi n’a ize: “Ka ku bona kuli lizazi le lituna li sutelezi,” “lu babalelane, kuli lu susumezane mwa lilato ni mwa misebezi ye minde. Lu si ke lwa tuhela liputeho za luna.” (Maheberu 10:24, 25) Lu mi mema kuli mu mamele kelezo ya Paulusi ka ku putehana ni luna.