KUPILA SINA BAKRESTE
Balisana Babasebeza ka Taata Kuli Batuse Batu ba Jehova
Batu babañata banani mibonelo yefosahalile ka za batu babaetelela. Lwakona kuutwisisa libaka. Kuzwa feela kwamulaho, batu baitusisize maswe maata abona kuli batusehe bona bañi. (Mika 7:3) Ki nto yetabisa kuli baana-bahulu mwa puteho balutilwe kuitusisa hande maata abona a kuzamaisa kuli batuse batu ba Jehova.—Est. 10:3; Mat. 20:25, 26.
Ka kushutana ni batu babaetelela mwa lifasi, baana-bahulu babeleka sina baokameli kabakala kuli balata Jehova ni batu bahae. (Joa. 21:16; 1 Pit. 5:1-3) Ka ketelelo ya Jesu, balisana ba batusa bahasanyi kaufela kuikutwa kulukuluha mwahalaa lubasi lwa Jehova lwa batu baba musebeleza ni kubatusa kusutelela hahulu ku yena. Baanganga muhato kapili wa kususueza lingu za Jehova ni kubafa tuso yeswanela hakuba ni miinelo ya ka sipundumukela yetokwa likalafo kamba hakuba ni kozi ya ka taho. Haiba mutokwa tuso, mulukuluhe kuambola ni muuna-muhulu mwa puteho yamina.—Jak. 5:14.
MUBUHE VIDIO YELI, BALISANA BABABABALELA MUTAPI, MI KIHONA MUKAALABA LIPUZO ZELATELELA:
-
Bo Mariana nebatusizwe cwañi ki tuso yene bafilwe ki baana-bahulu?
-
Bo Elias nebatusizwe cwañi ki tuso yene bafilwe ki baana-bahulu?
-
Hamulaho wa kubuha vidio ye, muikutwa cwañi ka za musebezi obaeza baana-bahulu?
