Zeezahezi libonisa kuli bahasanyi babanca babalutiwanga isali kwa makalelo kuyanga mwa bukombwa ka nako ni nako ni kuba ni tukufalelo, hañata bapetanga hande musebezi wa kukutaza. (Liprov. 22:6; Mafil. 3:16) Ki ze liakalezo zebonisa momukona kutuseza muituti kuli azibe mwakukutaleza hande mwa bukombwa:

• Muituti wamina wa Bibele asaba feela muhasanyi, mukale kumuluta mwakukutaleza. (km 8/15 1) Mumutuse kulemuha kuli kuyanga mwa bukombwa sunda ni sunda ki kwa butokwa. (Mafil. 1:10) Mubulelange zende ka za sibaka semukutaleza kusona. (Mafil. 4:8) Mumususueze kusebezanga ni muokameli wa sikwata sa mwa simu ni bahasanyi babañwi kuli atusiwe ki yeloseli yebanani yona babañwi.—Liprov. 1:5; km 10/12 6 ¶3

• Muituti wamina hasaakolobelizwe, muzwelepili kumususueza ni kumuluta mwa bukombwa, sihulu haiba hasika feza kale kuituta buka ya “Lilato la Mulimu.”—km 12/13 7

• Hamusebeza ni muhasanyi yomunca mwa bukombwa, muitusise mutahisezo obunolo. Hase muutwile mutahisezo wahae, mumubabaze. Mufe muituti wamina liakalezo zekamutusa kuba mukutazi yomunde.—km 5/10 7