May 19-25
LIPROVERBIA 14
Pina 89 ni Tapelo | Manzwi A Makalelo (1 muz.)
1. Munahanisise ka Tokomelo ka za Muhato Omubata Kuunga Hakuba ni Kozi ya ka Taho
(10 miz.)
Musike mwalumela “litaba kaufela” zemuutwa (Liprov. 14:15; w23.02 23 ¶10-12)
Musike mwaitinga feela fa maikuto amina kamba fa lika zemukopani ni zona kwamulaho (Liprov. 14:12)
Musike mwateeleza kwa batu babahana ketelelo yezwa kwa kopano ya Jehova (Liprov. 14:7)
ZA KUNAHANISISA: Baana bahulu, kana muitukiselize kulatelela ketelelo ni kuitinga ku Jehova hakuba ni kozi ya ka taho?—w24.07 5 ¶11.
2. Kubatisisa Litaba za Butokwa za Kwa Moya
(10 miz.)
-
Liprov. 14:17—“Mutu yanahanisisa hande litaba” ukona kutoiwa ka mukwa ufi? (w05 7/15 19 5-6)
-
Ki litaba lifi za butokwa zemuitutile mwakubala Bibele kwa sunda ye?
3. Kubala Bibele
(4 miz.) Liprov. 14:1-21 (th tuto 11)
4. Kukalisa Puisano
(3 miz.) KUKUTAZA FA NYANGELA. Mubulele taba yeñwi ya mwa Bibele yekona kutusa mutu yomuikambota ni yena ili yabilaezwa ki muinelo wa kutokwa hande masheleñi. (lmd tuto 3 sisupo 3)
5. Kukutela Kuambola ni Batu
(4 miz.) FA NDU NI NDU. Mufe mutu yemuikambota ni yena magazini yebulela za taba yanaabulezi hane muikambotile ni yena nako yefelile. (lmd tuto 9 sisupo 4)
6. Kuluta Batu Kuba Balutiwa
(5 miz.) Mususueze muituti wamina kubalanga Bibele zazi ni zazi, mi mumubonise mwakona kupetela sikonkwani seo. (th tuto 19)
Pina 126
7. Muzwelepili Kuba Babaitukiselize Likozi za ka Taho
(15 miz.) Puisano.
Ifiwe ki muuna-muhulu. Mutaluse ni likupuliso zezwa kwa ofisi ya mutai ni kwa sitopa sa baana-bahulu, haiba liteñi.
Halunze lupila mwa “mazazi a mafelelezo,” lulibelela kuli miinelo yetaata mwa lifasi ikazwelapili kuekezeha. (2 Tim. 3:1) Hakubanga ni kozi ya ka taho, batu ba Jehova baamuhelanga ketelelo ka nako yeswanela ili yekona kusileleza bupilo bwabona. Kupiliswa kwaluna ka nako ya kozi kuitingile fa lika zelueza ka nako ya cwale, kuli luitukiseze kwa moya ni kwa mubili .—Liprov. 14:6, 8.
-
Muitukiseze kwa moya: Mube ni tomahanyo yende ya kubalanga Bibele ni kuezanga tuto ya ka butu. Muekeze kwa buikoneli bwamina bwa kukutaza mwa bukombwa ka linzila zeshutana-shutana. Musike mwaikalelwa hahulu haiba mukauhanyizwe kwa puteho yamina ka nakonyana. (Liprov. 14:30) Muhupule kuli hamusika kauhanyiwa ku Jehova ni Kreste Jesu.—od 176 ¶15-17
-
Muitukiseze kwa mubili: Kwanda feela kuba ni mukotana wa kumata ni ona, lubasi ni lubasi luswanela kubuluka lico zelikani, mezi, mulyani, ni lika zeñwi zeswana sina zeo ili zekona kubatusa haiba kuba ni muinelo oka batokwa kuli baine fa ndu ka nakonyana kusina kuzwa fateñi.—Liprov. 22:3; g17.5 4
Mubuhise VIDIO yeli, Kana Muitukiselize Likozi Zesika Libelelwa? Kihona mukabuza baputehi kuli:
-
Jehova ukona kulutusa cwañi ka nako ya kozi ya ka taho?
-
Ki lika mañi zelukona kueza ka nako ya cwale kuli luitukiseze?
-
Lukona kutusa cwañi batu babaamilwe ki likozi?
8. Tuto ya Bibele ya Puteho
(30 miz.) bt kauha. 26 ¶18-22, mbokisi yefa like. 209
