Bakeñisa kuli lupila mwa mazazi amafelelezo ili aziyeza, kaufela luna lukopananga ni miinelo yetaata. (2 Tim. 3:1) Lukona kuitinga cwañi ku Jehova ni kutiyela miinelo yetaata yeo? Mubuhe vidio ya “Meeto A Libofu Akabona” kuli mukone kuziba zaezize Talita Alnashi ni bashemi bahae, mi kihona mukaalaba lipuzo zelatelela:

• Ki muinelo mañi otaata oswana sina ‘muutwa o mwa mubili’ wasweli kukopana ni ona Talita?

• Ki lisepiso mañi za mwa Bibele zetusize Talita ni bashemi bahae kusazwafa?

• Bashemi ba Talita nebabonisize cwañi kuli basepile Jehova Talita hasafalilwe meeto?

• Bashemi ba Talita baitusisize cwañi lika zelukisizwe ki kopano kuli batuse mwanaa bona kulata Mulimu?

• Talita ubonisize cwañi kuli unani silikani sesitiile ni Jehova nihaike kuli unani butata bobuswana sina “muutwa mwa mubili” wahae?

• Mutala wa Talita umisusuelize cwañi?