March 17-23
LIPROVERBIA 5
Pina 122 ni Tapelo | Manzwi A Makalelo (1 muz.)
1. Muambuke Muzamao wa Buhule
(10 miz.)
Kukona kumibela hahulu bunolo kuikenya mwa muzamao wa buhule (Liprov. 5:3; w00 7/15 29 ¶1)
Kuikenya mwa muzamao wa buhule kutahisanga kuli mutu aikutwe bumaswe ni kuinyaza (Liprov. 5:4, 5; w23.06 22-23 ¶9-10)
Muambuke muzamao wa buhule (Liprov. 5:8; w15 6/15 15-16 ¶8-10)
Kaizeli uhana kufa mushimani yomuñwi nombolo ya foni yahae
2. Kubatisisa Litaba za Butokwa za Kwa Moya
(10 miz.)
-
Liprov. 5:18, 19—Mubonelo wa Jehova ka za somano ki ufi? (lff tuto 41 sisupo 1)
-
Ki litaba lifi za butokwa zemuitutile mwakubala Bibele kwa sunda ye?
3. Kubala Bibele
(4 miz.) Liprov. 5:1-23 (th tuto 5)
4. Kukalisa Puisano
(3 miz.) KUKUTAZA FA NYANGELA. Mumemele mutu yasi Mukreste kwa Kupuzo, mi muitusise jw.org kuli mufumane sikaba kokuka ezezwa Kupuzo sesili bukaufi ni kwapila. (lmd tuto 6 sisupo 4)
5. Kukutela Kuambola ni Batu
(4 miz.) FA NDU NI NDU. Fa musipili ofelile, muñaa ndu naaamuhezi pampili ya kumumemela kwa Kupuzo mi naabonisize kutabela. (lmd tuto 9 sisupo 5)
6. Kuluta Batu Kuba Balutiwa
(5 miz.) lff tuto 16 litaba ka bukuswani, mulundulule, ni za kueza. Muituti wamina hamibuza ka za haiba Jesu naanyezi, mumubonise mwakuezeza lipatisiso kuli afumane kalabo. (lmd tuto 11 sisupo 4)
Pina 121
7. Zemukona Kueza Kuli Muzwelepili Kuba ni Muzamao Okenile ka Nako Yemuli Mwa Libato
(15 miz.) Puisano.
Buñata bwa batu baanganga kuli “muuna ni musali ba mwa libato haiba batandanga nako hamoho ni kueza lika zebonisa kuli batabelana.” Bakona kueza cwalo inze bali ni batu babañwi kamba inze bali bababeli feela, bakona kutaluseza babañwi kuli ba mwa libato kamba kutokwa, mi habaezangi feela cwalo habali hamoho kono baezanga cwalo ni habaikambota fa foni, kamba habañolelana tushango. Haluungi libato sina nzila ya kuitabisa ka yona, kono luunga libato kuba muhato wa butokwa hahulu obakona kuzibana ka ona muuna ni musali bababata kunyalana. Ki lika mañi zekona kutusa muuna ni musali babali mwa libato kuambuka kuikenya mwa muzamao wa buhule ibe kuli bahulile kamba basali babanca?—Liprov. 22:3.
Mubuhise VIDIO yeli, Kuitukiseza Kukena Mwa Linyalo—Kalulo 1: Kana Niitukiselize Kukena Mwa Libato?—Kalulonyana ya vidio. Kihona mukabuza baputehi kuli:
-
Ki kabakalañi mutu hasaswaneli kukena mwa libato haiba hasika itukiseza kukena mwa linyalo? (Liprov. 13:12; Luka 14:28-30)
-
Ki lika mañi zemutabezi ka za mo bashemi nebatuselize mwanaa bona wamusizana?
Mubale Liproverbia 28:26. Kihona mukabuza baputehi kuli:
-
Ki lika mañi zakona kueza muuna ni musali babali mwa libato kuli basike baipumana mwa miinelo yekona kutahisa kuli baikenya mwa muzamao wa buhule?
-
Ki kabakalañi hakuli kwa butokwa kuli muuna ni musali babali mwa libato baikambotele cimo ka za lika zebaka eza ni zebasike baeza kuli babonisane lilato, zecwale ka kuswalana kwa mazoho ni kutubetana?
Mubale Maefese 5:3, 4. Kihona mukabuza baputehi kuli:
-
Ki lika mañi zaswanela kutokomela muuna ni musali babali mwa libato habanze baikambota fa foni kamba fa mawebusaiti a kulumelana ka ona litaba?
8. Tuto ya Bibele ya Puteho
(30 miz.) bt kauha. 24 ¶1-6
