August 26–September 1
SAMU 78
Pina 97 ni Tapelo | Manzwi A Makalelo (1 muz.)
1. Kusasepahala Kwa Maisilaele ki Mutala Oli Temuso ku Luna
(10 miz.)
Maisilaele nebalibezi lika zende zanaa baezelize Jehova (Samu 78:11, 42; w96 12/1 29-30)
Maisilaele nebasika itebuha lika zende kaufela zanaa bafile Jehova (Samu 78:19; w06 7/15 17 ¶16)
Maisilaele nebasika ituta kwa mafosisa abona mi hañata nebasa sepahalangi ku Jehova (Samu 78:40, 41, 56, 57; w11 7/1 10 ¶3-4)
ZA KUNAHANISISA: Ki lika mañi zeka lutusa kuli lusike lwapalelwa kusepahala ku Jehova?
2. Kubatisisa Litaba za Butokwa za Kwa Moya
(10 miz.)
-
Samu 78:24, 25—Ki kabakalañi maana haibizwa “bubeke bwa lihalimu” ni “sico sa babamaata”? (w06 7/15 11 ¶4)
-
Ki litaba lifi za butokwa zemuitutile mwakubala Bibele kwa sunda ye?
3. Kubala Bibele
(4 miz.) Samu 78:1-22 (th tuto 5)
4. Kukalisa Puisano
(3 miz.) FA NDU NI NDU. Mukalise tuto ya Bibele. (lmd tuto 5 sisupo 5)
5. Kukalisa Puisano
(3 miz.) FA NDU NI NDU. Mukalise puisano ka kuitusisa trakiti. Mukalise tuto ya Bibele. (lmd tuto 5 sisupo 4)
6. Kukalisa Puisano
(1 muz.) FA NDU NI NDU. Mutu yo umikupa kuli puisano ibe yekuswani. Mukalise tuto ya Bibele. (lmd tuto 2 sisupo 5)
7. Kukalisa Puisano
(4 miz.) KUKUTAZA KA KUTANDAALELWA. Mubate nzila ya momukona kutaluseza mutu kuli mu babañwi ba Lipaki za Jehova kusina kubulela ka za Bibele, mi mukalise tuto ya Bibele. (lmd tuto 2 sisupo 4)
Pina 96
8. Muitute Kwa Mutala wa Filipi Mukutazi
(15 miz.) Puisano.
Mwa Bibele lufumana mitala yemiñata, yeminde ni yemaswe. Lutokwa nako ni kueza buikatazo kuli luitute kwa mitala ye. Kwandaa feela kubala litaba za mwa Bibele, luswanela kunahanisisanga fa litaba zeluituta ni kueza licinceho zetokwahala.
Filipi mukutazi neli Mukreste yanaazibahala kuba mutu ‘yatezi moya ni butali.’ (Lik. 6:3, 5) Ki lika mañi zelukona kuituta kwa mutala wahae?
Mubuhise VIDIO yeli, Muitute ku Bona—Filipi Mukutazi. Kihona mukabuza baputehi zebaitutile ka za lika zelatelela:
-
Zanaaezize Filipi miinelo mwa bupilo bwahae hane icincize ka sipundumukela.—Lik. 8:1, 4, 5
-
Limbuyoti zanaaikozi Filipi kabakala kuitatela kuya kwa sibaka kone kunani butokwi.—Lik. 8:6-8, 26-31, 34-40
-
Filipi ni lubasi lwahae mone batuselizwe ki kuba ni moya wa kuamuhela baenyi.—Lik. 21:8-10
-
Tabo yene lubile ni yona lubasi lolubuhile mwa vidio kabakala kulikanyisa mutala wa Filipi
9. Tuto ya Bibele ya Puteho
(30 miz.) bt kauha. 14 ¶11-20
