Sepo iswana sina ankora. (Maheb. 6:19) Itahisa kuli tumelo yaluna ku Mulimu isike yasinyeha halutalimana ni miinelo yeswana sina mañungwa a mwa liwate. (1 Tim. 1:18, 19) Mañungwa ao akopanyeleza mafosisa aluna bañi, kusinyehelwa ki maluo, kukatazwa ki butuku bobusa foli, ni kushwelwa ki mutu yelulata, kamba muinelo ufi kamba ufi okona kufokolisa busepahali bwaluna ku Mulimu.

Tumelo ni sepo lilutusa kubona hande mupuzo olusepisizwe. (2 Makor. 4:16-18; Maheb. 11:13, 26, 27) Kacwalo, ibe kuli sepo yaluna ki ya kupila kwa lihalimu kamba fa lifasi, luswanela kuzwelapili kutiisa sepo yeo ka kunahanisisanga ka za lika zelusepisizwe mwa Linzwi la Mulimu. Mi haiba lutalimana ni miliko, kuka lubela bunolo kuzwelapili kuba ni tabo.—1 Pit. 1:6, 7.

MUBUHE VIDIO YELI: MUTABE KABAKALA SEPO, MI HASAMULAHO MUALABE LIPUZO ZELATELELA:

• Ki kabakalañi Mushe haali mutala omunde oluswanela kulikanyisa?

• Ki buikalabelo mañi bobanani bona litoho za mabasi?

• Ki litaba mañi zemukona kunyakisisa ka Nako ya Kulapela Sina Lubasi?

• Sepo ikona kumitusa cwañi kusazwafa hamutalimana ni miliko?

• Ki lika mañi zemunyolelwa kwapili?