Lisamu 43:1-5
43 Uniatule, wena Mulimu,+Uniyemele mwa muzeko waka+ ni sicaba sesisa sepahali.
Unilamulele ku mutu wa lihata, yasika luka.
2 Kakuli ki wena Mulimu waka, musilelezi waka.+
Uniyumbeziñi?
Kiñi senika zamaela inze niswabile kabakala kunyandiswa ki sila saka?+
3 Ulume liseli lahao ni niti yahao.+
Linietelele;+Liniise kwa lilundu lahao lelikenile ni kwa tabernakele yahao yekateleha.+
4 Kihona nikataha kwa aletare ya Mulimu,+Ku Mulimu, yena tabo yaka yetuna.
Mi nika kulumbeka ka harepa,+ wena Mulimu, Mulimu waka.
5 Kiñi hanifelezwi ki sepo?
Ki kabakalañi haniziyelehile cwana?
Ulibelele Mulimu,+Kakuli nika mulumbeka hape ka kuba yena Mupilisi Yomutuna waka ni Mulimu waka.+
