Jobo 33:1-33
33 “Kono cwale wena Jobo, nakukupa, hakuutwe manzwi aka;Uteeleze ku zenibulela kaufela.
2 Hakubone! Ninani kuatumulusa mulomo waka;Lulimi lwaka lunani kubulela.
3 Manzwi aka abonisa kusepahala kwa pilu yaka,+Mi mulomo waka ubulela ka buniti zeniziba.
4 Moya wa Mulimu ki ona one uniezize,+Mi moya wabulula Yamaata Kaufela ki ona one unifile bupilo.+
5 Unialabe haiba wakona;Bulela taba yahao fapilaa ka; hakuitukiseze.
6 Bona! Niswana inge wena fapilaa Mulimu wa niti;Niezizwe ka lizupa ni na.+
7 Cwale usike wangangama kabakala kunisaba,Mi buima bwa manzwi aka busike bwakusineneketa.
8 Kono nikuutwile haubulela,Ki cwalo, neninze niutwa manzwi a:
9 ‘Nitwekile, hanina mulatu;+Nikenile, hanina bufosi.+
10 Kono Mulimu ufumana mabaka a kunihanyeza;Uniinga sina sila sahae.+
11 Ubeya mahutu aka mwa likulo;Utatubisisa linzila zaka kaufela.’+
12 Kono hausika nepa ka kubulela cwalo, mi cwale nika kualaba:
Mulimu ki yomutuna hahulu kufita mutu yakona kushwa.+
13 Kiñi hau mubilaela?+
Kana ki kabakala kuli hasika alaba manzwi ahao kaufela?+
14 Kakuli Mulimu ubulela lwapili ni lwabubeli,Kono hakuna yateeleza,
15 Mwa tolo, mwa pono ya busihu,+Batu habaile fa buloko bobutunaHabalobezi fa mimbeta yabona.
16 Kihona aapula mazebe abona+Ni kukoñomeka* litaelo zahae ku bona,
17 Kusikulula mutu kwa bufosi+Ni kusileleza mutu kwa buikuhumuso.+
18 Mulimu ubukeleza bupilo* bwa mutu kuli busike bwaya mwa mukoti,*+Ubukeleza bupilo bwahae kuli busike bwayundiswa ka mukwale.*
19 Mutu hape ukalimelwa ki butuku bwautwa fa mumbeta wahaeNi ka butuku bwazwelapili kuutwa mwa masapo ahae,
20 Kuli mane utoya sico,Mi uhana nihaiba lico zende.+
21 Nama ya mubili wahae yayonga, haisa bonahala,Mi masapo ahae anaasa bonwi, saabonahala fande.*
22 Bupilo bwahae busutelela bukaufi ni mukoti;*Bupilo bwahae busutelela bukaufi ni bababulaya.
23 Haiba unani numwana,*Muyemeli alimuñwi mwahalaa ba 1,000,Kuli abulelele mutu sesilukile,
24 Mi Mulimu wamushemuba ni kubulela kuli:‘Umutuse kuli asike ashetumukela mwa mukoti!*+
Nifumani tiululo!+
25 Nama ya mubili wahae ibe yenca kufita ya kwa bunca;+Akutelwe ki maata a mwa mazazi a bunca bwahae.’+
26 Ukakupa Mulimu,+ mi uka muamuhela,Mi ukabona pata Yahae inzaa huweleza ka tabo,Mi Mulimu ukakutiseza kuluka Kwahae ku mutu yakona kushwa.
27 Mutu yo ukazibahaza* kwa batu kuli:‘Niezize sibi+ mi nikopamisize sesilukile,Kono hanisika amuhela sesi niswanela.*
28 Uliuluzi bupilo bwaka kuli busike bwaya mwa mukoti,*+Mi bupilo bwaka bukabona liseli.’
29 Kaniti Mulimu ueza lika zeo kaufelaHabeli, halaalu, kuliezeza mutu,
30 Kumuzwisa mwa mukoti,*Ilikuli amonyehelwe ki liseli la bupilo.+
31 Teeleza Jobo! Haku niutwe!
Ukuze, mi nikazwelapili kubulela.
32 Haiba unani sa kubulela, unialabe.
Ubulele, kakuli nibata kubona kuluka kwahao.
33 Haiba hauna sa kubulela, uniteeleze;Ukuze, mi nika kuluta butali.”
Litaluso ze kwatasi
^ Linzwi ka linzwi, “kubeya liswayo fa.”
^ Kamba “ka silwaniso.”
^ Kamba “libita.”
^ Kamba “moyo.”
^ Kamba “asiyezi fa ngandaleza.”
^ Kamba “libita.”
^ Kamba “lingeloi.”
^ Kamba “libita.”
^ Linzwi ka linzwi, “ukaopela.”
^ Kamba mwendi, “Mi halisika nitusa.”
^ Kamba “libita.”
^ Kamba “libita.”
