Isaya 6:1-13
6 Ka silimo sashwa Mulena Oziasi,+ nabona Jehova ainzi mwa lubona lolupahami hahulu,+ mi mingundo ya siapalo sahae neitezi mwa tempele.
2 Liserafimi neliyemi fahalimwaa hae; yeñwi ni yeñwi neinani mafufa a 6. Serafimi yeñwi ni yeñwi neiikwahezi kwa pata ka mafufa amabeli mi neikwahezi mahutu ayona ka mafufa a mabeli, mi yeñwi ni yeñwi ya ku zona neifufa ka mafufa amabeli.
3 Mi liserafimi zeo nelihuwelezana, lili:
“Ki yakenile, ki yakenile, ki yakenile, yena Jehova wa limpi.+
Lifasi kaufela litezi kanya yahae.”
4 Mi matiyelo a minyako anyanganyiswa ki lilata la muhuwo wo,* mi ndu yatala musi.+
5 Cwale nali: “Ninani bumai!
Nishwile,*Kakuli ni mutu wa milomo yesika kena,Mi nipila mwahalaa batu ba milomo yesika kena;+Kakuli meeto aka aboni Mulena, yena Jehova wa limpi!”
6 Honafo, yeñwi ya liserafimi yafufela ku na, mi neisweli lishala lelituka+ mwa lizoho, lene iyokozi fa aletare ka lumangato.+
7 Yaniswala kwa mulomo mi yali:
“Bona! Lishala le, lisweli milomo yahao.
Mulatu wahao uzwisizwe ku wena,Mi sibi sahao sikwahezwi.”
8 Kiha niutwa linzwi la Jehova halili: “Ki mañi yenika luma, mi ki mañi yakaya kuyo luyemela?”+ Mi nali: “Ki na yo! Haku nilume!”+
9 Mi aalaba ali: “Zamaya, uyo bulelela sicaba se, uli:
‘Mukautwa hañata-ñata,Kono hamuna kuutwisisa;Mukabona hañata-ñata,Kono hamuna kuba ni zibo ni yekana.’+
10 Utatafaze lipilu za sicaba se,+Utibe mazebe abona,+Mi ukwahele meeto abona,Kuli basike babona ka meeto abonaNi kuutwa ka mazebe abona,Ilikuli lipilu zabona lisike zautwisisaMi basike bakuta kuli bafoliswe.”+
11 Kiha nili: “Wena Jehova, kukaanga nako yekuma kai?” Yena ali:
“Kufitela mileneñi itubiwa kuba matota, mi kutokwe mutu yayahile mwateñiNi mwa mandu kutokwe batuNi kufitela naha isinyiwa, kuba matota;+
12 Kufitela Jehova alelekela batu kwahule+Mi matota aba amañata hahulu mwa naha.
13 “Kono kukasiyala kalulo iliñwi ku zelishumi mwateñi, mi hape ikaciswa, sina kota yetuna, sina kota ya oke, zekasiya lisina hase lilemilwe; mi lisina leo likaba peu yekenile.”*
Litaluso ze kwatasi
^ Linzwi ka linzwi, “linzwi la yahuweleza.”
^ Linzwi ka linzwi, “Nikuzisizwe.”
^ Kamba “bana babakenile.”
