Isaya 4:1-6
4 Mi mwa lizazi leo, basali ba 7 bakaswala muuna alimuñwi,+ mi bakali ku yena:
“Lukaca sinkwa salunaMi lukaapala liapalo zaluna;Ululumeleze feela kubizwa ka libizo lahaoKuli maswabi aluna afele.”*+
2 Mwa lizazi leo, lika zekameliswa ki Jehova likaba zende hahulu ni zetahisa kanya, mi babapunyuhile mwa Isilaele bakaikuhumusa ni kuikutwa hande kabakala zebeiwa mwa naha.+
3 Mutu kaufela yakasiyala mwa Sione ni kusiiwa mwa Jerusalema, ukabizwa yakenile, bona batu kaufela ba mwa Jerusalema babañozwi kuli bakapila.+
4 Jehova hakatapisa masila* a bana ba Sione+ babasizana ni kukenisa Jerusalema kwa mali asuluzwi mwateñi, ka moya wa katulo ni ka moya wa mulilo ocisa,+
5 Jehova hape ukatahisa kuli fahalimwaa sibaka kaufela sa Lilundu la Sione ni fahalimwaa sibaka sa mikopano ya mwateñi kube ni lilu ni musi ka nako ya musihali ni mulilo otuka ka nako ya busihu;+ kakuli sibaka kaufela sesinani kanya sikakwahelwa.
6 Mi kukaba ni sitebule sesika tahisa muluti ka nako ya musihali lizazi halicisa,+ mi sikaba sisabelo ni sibaka sa silelezo ka nako ya mañungwa ni pula.+
Litaluso ze kwatasi
^ Fo kikuli, maswabi atahiswa ki kusanyalwa ni kutokwa bana.
^ Linzwi ka linzwi, “ñanda.”
