Hatiso ya Limapa ya Litaba za Mwa Bibele
Broshuwa ya “Bona Naha ye Nde” ki hatiso ya limapa ya litaba za mwa Bibele yebonisa ka butungi litaba zeo, mi ikona kumitusa kuziba zeñata hamunze muituta Bibele ka butu. Mwa Bibele kunani litaba zeñata zeama libaka, mileneñi ni linaha. Hatiso ya limapa ye ikona kumitusa kuutwisisa hande litaba zemubala mwa Bibele. Broshuwa ya “Bona Naha ye Nde” ika mitusa kuziba ni kufumana libaka zebulezwi mwa Bibele. Hape ika mitusa kuutwisisa mo likezahalo zebulezwi mwa Bibele neliamezwi ki miinelo ya mwa naha.
Mwa broshuwa ya “Bona Naha ye Nde” kunani limapa ni machati amañata amande a libaka zeshutana-shutana zebulezwi mwa Bibele. Mwa hatiso ya limapa ya litaba za mwa Bibele ye hape kufumaneha maswaniso, maswaniso aswanisizwe ka kuitusisa kompyuta, ni litaba zeñwi kuli limituse kuikola tuto yamina ya ka butu.
Hatiso ya limapa ya litaba za mwa Bibele ye ika mitusa
kuutwisisa za misipili ya Abrahama, Isaka ni Jakobo
kubona linzila zene baitusisize Maisilaele hane bazwa kwa Egepita kuliba kwa Naha ya Sepiso
kuziba naha ya Maisilaele ni kone kufumaneha macaba amañwi anaali lila zabona
kubona libaka zanaapotezi Jesu ka nako ya bukombwa bwahae
kuutwisisa fone likuma libaka zenebusiwa ki mibuso yebulezwi mwa Bibele, yecwale ka Babilona, Greece, ni Roma
Mwakona kuipalela hatiso ya limapa ya litaba za mwa Bibele ye mwa SIFALANA SA FA INTANETI sa Watchtower musatokwi kulifa sesiñwi.
Hape Mwendi Mwakona Kutabela Litaba Ze
LIITUSISO ZETUSA KWA KUITUTA BIBELE
Timana ya Mwa Bibele ya Kunyakisisa ka Zazi
Ka kuswana ni lika zeñwi za kwa moya zemuezanga zazi ni zazi, bukanyana ya Kutatuba Mañolo ka Zazi ni Zazi, inani taba ya mwa Bibele yemukona kunyakisisa ka zazi ni litaba zeñwi zetalusa ka bukuswani taba yeo.
LIITUSISO ZETUSA KWA KUITUTA BIBELE
Encyclopedia ya Litaba za Mwa Bibele
Buka ya Insight on the Scriptures inani litaba zeñata zetalusizwe ka butungi. Ki litaba zeambola ka za batu, libaka, limela, lifolofolo, likezahalo za butokwa, ni lipulelo za swanisezo zeitusisizwe mwa Bibele. Mufuta wa hatiso ye omukona kuikungela, unani lika zecwale ka limapa, maswaniso, liswanisezo, hamohocwalo ni mukoloko wa litaba ni wa mañolo.
LIITUSISO ZETUSA KWA KUITUTA BIBELE
Litaba ka Bukuswani ka za Bibele
Broshuwa yeli, Ki Lushango Mañi Lolufumaneha Mwa Bibele? italusa ka bukuswani litaba kaufela zefumaneha mwa Bibele ni taba iliñwi yetuna yebulezwi mwateñi.