Bwe tuba twagala okusanyusa Yakuwa, waliwo omuntu omulala omukulu ennyo gwe tulina okuwuliriza. Edda ennyo, nga Yakuwa tannaba kutonda Adamu, yasooka kutonda malayika ow’amaanyi ennyo.

Ekiseera kyatuuka Yakuwa n’amusindika ku nsi azaalibwe omukazi embeerera ayitibwa Maliyamu mu Besirekemu. Omwana oyo yatuumibwa erinnya Yesu.​—Yokaana 6:38.

Bwe yali ku nsi, Yesu yayolekera ddala engeri za Katonda. Yayoleka ekisa, okwagala, era yali atuukirikika. Yayigiriza n’obuvumu amazima agakwata ku Yakuwa.

Yesu era yawonya abalwadde n’azuukiza n’abamu ku abo abaali bafudde.

Abakulembeze b’amadiini baakyawa Yesu kubanga yayanika enjigiriza zaabwe ez’obulimba n’ebikolwa byabwe ebibi.

Abakulembeze b’amadiini baapikiriza Abaruumi okukuba Yesu n’okumutta.