Zabbuli 63:1-11
Zabbuli ya Dawudi, bwe yali mu ddungu lya Yuda.+
63 Ai Katonda, ggwe Katonda wange, nkunoonya.+
Nnina ennyonta gy’oli.+
Omwoyo gukunnumira,Mu nsi enkalu era erakaasidde, etaliimu mazzi.+
2 Kyenvudde nkulaba mu kifo ekitukuvu;Ndabye amaanyi go n’ekitiibwa kyo.+
3 Kubanga okwagala kwo okutajjulukuka kusinga obulamu,+Emimwa gyange ginaakugulumizanga.+
4 Kale nnaakutenderezanga obulamu bwange bwonna;Nnaayimusanga emikono gyange mu linnya lyo.
5 Mmatidde ng’omuntu alidde n’akkuta emmere esingayo obulungi,Kyennaava nkutendereza mu ddoboozi ery’essanyu.+
6 Nkujjukira nga ndi ku kitanda kyange;Nkufumiitirizaako mu bisisimuka eby’ekiro.+
7 Kubanga ggwe annyamba,+Njogerera waggulu n’essanyu nga ndi mu kisiikirize ky’ebiwaawaatiro byo.+
8 Nkunywereddeko;Omukono gwo ogwa ddyo gunnyweza.+
9 Naye abo abaagala okuzikiriza obulamu bwange*Bajja kukka mu kinnya eky’okufa.
10 Bajja kuttibwa n’ekitala;Bajja kufuuka mmere ya bibe.
11 Naye kabaka ajja kusanyuka olw’ebyo Katonda by’anaamukolera.
Buli alayirira mu linnya lya Katonda ajja kujaguza,*Kubanga akamwa k’abo aboogera eby’obulimba kajja kusirisibwa.
