Zabbuli 55:1-23
Eri akubiriza eby’okuyimba; egenderako ebivuga eby’enkoba. Masukiri.* Zabbuli ya Dawudi.
55 Ai Katonda, wulira okusaba kwange,+Era tolema kuwuliriza bwe nkusaba onsaasire.*+
2 Nzisaako ebirowoozo onziremu.+
Ebinneeraliikiriza bimmazeeko emirembe,+Era nsobeddwa
3 Olw’ebyo omulabe by’ayogeraN’olw’omubi okunkijjanya.
Bansombera emitawaana,Bansunguwalidde era bampalana.+
4 Omutima gwange gunnuma nnyo munda yange,+Era entiisa y’okufa embuutikidde.+
5 Okutya n’okukankana bintuuseeko,N’okujugumira kunnywezezza.
6 Buli kiseera mba ŋŋamba nti: “Singa nnalina ebiwaawaatiro ng’ejjiba!
Nnandibuuse ne ŋŋenda mbeera mu kifo omutali kabi.
7 Nnandiddukidde wala nnyo.+
Nnandigenze ne mbeera mu ddungu.+ (Seera)
8 Nnandyanguye ne ŋŋenda mu kifo eky’okwewogomamuNe nva awali empewo ekunta, ne nva awali omuyaga.”
9 Batabuletabule, Ai Yakuwa, era gootaanya enteekateeka zaabwe,*+Kubanga ndabye ebikolwa eby’obukambwe n’obukuubagano mu kibuga.
10 Emisana n’ekiro bitambulira ku bbugwe waakyo;Kirimu ettima n’emitawaana.+
11 Akabi kali wakati mu kyo;Okubonyaabonya abalala n’obulimba tebiva mu kibangirizi kyakyo.+
12 Omulabe wange si y’anvuma;+Singa bwe kiri, nnandibadde nkigumira.
Oyo ampalana si y’annumbye;Singa bwe kibadde, nnandibadde mmwekweka.
13 Naye akola ebyo ye ggwe, omuntu alinga nze,*+Munnange gwe mmanyi obulungi.+
14 Twali ba mukwano nnyo;Twatambulanga n’ekibinja ky’abantu nga tugenda mu nnyumba ya Katonda.
15 Okuzikirira ka kubatuukeko!+
Ka bakke emagombe* nga balamu;Kubanga ebintu ebibi bibeera wamu nabo, era bibeera munda mu bo.
16 Naye nze, nja kukoowoola Yakuwa Katonda,Era ajja kundokola.+
17 Akawungeezi ne ku makya ne mu ttuntu mba mweraliikirivu era nga nsinda,+Era awulira eddoboozi lyange.+
18 Ajja kumponya* abo abannwanyisa, era ampe emirembe,Kubanga waliwo bangi abannumba.+
19 Katonda ajja kuwulira era abeeko ky’abakola,+Oyo atuula ku ntebe y’obwakabaka okuva edda.+ (Seera)
Abo abatatya Katonda,+Bajja kugaana okukyuka.
20 Yalumba* abo abaali bakolagana naye obulungi.+
Yamenya endagaano ye.+
21 Ebigambo bye bigonvu okusinga omuzigo,+Naye mu mutima gwe mulimu olutalo.
Ebigambo bye biweweevu okusinga amafuta,Naye biringa ebitala ebisowoddwayo.+
22 Omugugu gwo gutikke Yakuwa,+Era naye anaakuwaniriranga.+
Talireka mutuukirivu kugwa.*+
23 Naye ggwe, Ai Katonda, olissa ababi mu kinnya ekisingayo obuwanvu.+
Abantu abo abatemu era abalimba balifa ng’ekiseera kye bandiwangadde tebannakituuka na wakati.+
Naye nze nneesiganga ggwe.
Obugambo Obuli Wansi
^ Oba, “Era teweekweka bwe nkusaba onnyambe.”
^ Obut., “yawulamu olulimi lwabwe.”
^ Oba, “omuntu bwe twenkana.”
^ Obut., “kundokola okuva eri.”
^ Ono ye yali mukwano gwe ayogerwako mu lunyiriri 13 ne 14.
^ Oba, “kutagala; kusagaasagana.”
