Zabbuli 120:1-7
Oluyimba olw’Okwambuka.*
120 Nnakoowoola Yakuwa nga ndi mu buzibu obw’amaanyi,+N’annyanukula.+
2 Ai Yakuwa, mponya emimwa egirimbaN’olulimi olukuusa.
3 Katonda anaakukola ki, era anaakubonereza atya,*Ggwe olulimi olukuusa?+
4 Ojja kubonerezebwa n’obusaale obusongovu+ obw’abalwanyi,N’amanda agengereredde+ ag’omuti ogw’omu ddungu.
5 Zinsanze, kubanga mbadde mbeera ng’omugwira mu Meseki!+
Mbadde mbeera mu weema z’e Kedali.+
6 Mmaze ekiseera kiwanvu nnyo nga mbeeraN’abantu abataagala mirembe.+
7 Nze njagala mirembe, naye bwe njogeraBo baagala kulwana.
