Engero 30:1-33
30 Obubaka obukulu Aguli mutabani wa Yake bwe yategeeza Isiyeri ne Ukali.
2 Mu bantu bonna nze nsingirayo ddala obutabaako kye mmanyi,+Era sirina kutegeera omuntu kw’asaanidde okuba nakwo.
3 Siyize magezi,Era okumanya kw’Oyo Asinga Obutukuvu sikulina.
4 Ani yali alinnye mu ggulu ate n’akka?+
Ani yali akuŋŋaanyirizza empewo mu bibatu bye byombi?
Ani yali asibye amazzi mu kyambalo kye?+
Ani yassaawo* ensalo zonna ez’ensi?
Erinnya lye y’ani, era erinnya ly’omwana we y’ani, bw’oba omanyi?+
5 Buli kigambo Katonda ky’ayogera kirongoofu,+Era ye ngabo eri abo abaddukira gy’ali.+
6 Ebigambo bye tobyongerangako,+Aleme okukukangavvula,Obulimba bwo ne bweyoleka.
7 Waliwo ebintu bibiri bye nkusaba.
Nsaba obimpe nga sinnafa.
8 Obulimba n’ebigambo ebitali bya mazima biggye we ndi obisse wala.+Tompa bwavu wadde obugagga.Ka ndye omugabo gwange ogw’emmere,+
9 Nneme okukkuta ne nkwegaana nga ŋŋamba nti, “Yakuwa y’ani?”+
Era nneme okuba omwavu ne nziba, ne nvumaganya erinnya* lya Katonda wange.
10 Towaayirizanga muweereza eri mukama we,Kubanga ayinza okukukolimira n’obaako omusango.+
11 Waliwo abantu abakolimira bakitaabweEra ne batassa kitiibwa mu bannyaabwe.+
12 Waliwo abantu abalowooza nti balongoofu,+Naye nga tebanaaziddwako bucaafu bwabwe.*
13 Waliwo abantu ab’amaaso ag’amalala,Era ab’amaaso ageegulumiza.+
14 Waliwo abantu abalina amannyo agalinga ebitala,Era abalina emba eziringa ebiso;Balya abanaku ab’oku nsiN’abantu abaavu.+
15 Ebinoso birina abaana babiri abagamba nti: “Mpa! Mpa!”
Waliwo ebintu bisatu ebitamatira,Ebintu bina ebitagamba nti, “Kimala!”
16 Amagombe*+ n’enda etazaala,Ettaka ekkalu,N’omuliro ogutagamba nti, “Kimala!”
17 Omuntu akudaalira kitaawe era atagondera nnyina,+Nnamuŋŋoona ez’omu kiwonvu* zirimuggyamu eriiso,Era abaana b’empungu balirirya.+
18 Waliwo ebintu bisatu ebisukkiridde okutegeera kwange,*Era waliwo bina bye sitegeera:
19 Ekkubo ly’empungu mu bbanga,Ekkubo ly’omusota ku lwazi,Ekkubo ly’ekyombo ku nnyanja,Era n’ekkubo ly’omusajja ali n’omukazi.
20 Lino lye kkubo ly’omukazi omwenzi:
Alya, n’asangula ku mimwa gye;Awo n’agamba nti, “Sirina kikyamu kye nkoze.”+
21 Waliwo ebintu bisatu ebikankanya ensi,Era waliwo ebintu bina by’etayinza kugumiikiriza:
22 Omuddu bw’afuga nga kabaka,+Omusirusiru bw’aba n’emmere ennyingi,
23 Omukazi atayagalibwa bw’afumbirwa,Era n’omuweereza omukazi bw’atwala* ekifo ky’omukyala mukama we.+
24 Waliwo ebintu bina ku nsi nga bye bimu ku bisingayo obutono,Naye birina amagezi agaabitonderwamu:*+
25 Enkuyege tezirina maanyi,*Naye zeeteekerateekera eby’okulya mu kiseera eky’omusana.+
26 Obumyu obw’omu njazi+ si bwa maanyi,*Naye buzimba ennyumba zaabwo mu njazi.+
27 Enzige+ tezirina kabaka,Naye zitambulira mu bibinja.*+
28 Omunya+ gwekwata ku bintu n’ebigere byagwo,Ne gugenda mu lubiri lwa kabaka.
29 Waliwo ebintu bisatu; weewaawo bina,Ebitambula mu ngeri eyeewuunyisa:
30 Empologoma, esinga ensolo zonna amaanyi,Etedduka muntu yenna;+
31 Embwa enjizzi; embuzi ennume;Ne kabaka ali n’eggye lye.
32 Bwe kiba nti obusirusiru bukuleetedde okwegulumiza,+Oba bwe kiba nti obadde olowooza okukikola,Kwata ku mumwa gwo.+
33 Kubanga ng’okusunda amata bwe kuvaamu omuzigo,Era ng’okunyiga ennyindo bwe kugireetera okuvaamu omusaayi,Bwe kutyo n’okusunguwala bwe kuvaamu ennyombo.+
Obugambo Obuli Wansi
^ Obut., “yayimusa.”
^ Oba, “ndeeta ekivume ku linnya.”
^ Obut., “mpitambi.”
^ Oba, “ebinneewuunyisa ennyo.”
^ Oba, “bwe yeddiza.”
^ Oba, “bya magezi nnyo.”
^ Obut., “si ggwanga lya maanyi.”
^ Obut., “si ggwanga lya maanyi.”
^ Oba, “zaawuliddwamu ebibinja.”
