Epsalme 55:1-23
Komuwiliki; oli na okwiimbwa noishikomwa yeengodi. Maskil.* Epsalme laDavid.
55 Alikana! Kalunga, uda eilikano lange,+Noino lipwililikila eindilo lange, eshi handi pula efilonghenda.*+
2 Yandja elitulemo kwaame nokunyamukula nge.+
Omalipulo ange ihaa fuwifa nge,+Nonda wililwa po,
3 Omolwoshinima osho omutondi wange ta popi,Naashi handi fininikwa komukolokoshi.
Osheshi ova ndubila nge oupyakadi,Nomolwehandu, ova tonda nge.+
4 Omutima wange ou li mouyehame,+Noutile wefyo owa wilila nge po.+
5 Oumbada nosho yo okudekweta oya hanga nge,Nonda hovela okukakama.
6 Ohandi ti: “Ngeno onda li ndi na omavava ngaashi onghuti,
Ngeno ohandi tuka po ndi ka mone eameno.
7 Tala! Ngeno ohandi i onhapo kokule.+
Ngeno ohandi ka kala mombuwa.+ (Sela)
8 Ngeno ohandi endelele ndi ye konhele yeameno,Kokule nomhepo inene, kokule noshikungulu.”
9 Alikana! Jehova, va ngwangwaneka, nokuponyifa eemhangela davo,*+Osheshi onda mona elongifo leenghono nomapiyaano moshilando.
10 Omutenya noufiku, ohava ende va dingilila omakuma asho;Musho omu na outondwe noupyakadi.+
11 Ehanauno oli li mokati kasho;Efininiko noukengeleledi ihai di mo nandenande momapandavanda asho.+
12 Ngeno onda li handi shekwa komutondi,+Ngeno onde mu lididimikila.
Ngeno omukondjifi oye a li a fikama a lwife nge,Ngeno onde mu hondama.
13 Ndele oove, omunhu ngaashi ame,*+Kaume kange oo ndi shii nawa.+
14 Otwa li hatu hafele pamwe oukaume muwa;Twa li hatu ende meumbo laKalunga, pamwe nongudu inene.
15 Ehanauno nali va hange.+
Nava ye mOmbila* ve na omwenyo;Osheshi owii ou li mokati kavo nosho yo meni lavo.
16 Ashike ame, ohandi ka pula ekwafo kuKalunga,Na Jehova ota ka xupifa nge.+
17 Onguloshi nongula nosho yo omutenya, ondi li moupyakadi nohandi keme,*+Noha udu ondaka yange.+
18 Ota xupifa* nge kwaavo tava lwifa nge, nota pe nge* ombili,Osheshi eengudu dovanhu ode uya okulwifa nge.+
19 Kalunga ote ke va uda, note ke va nyamukula,+Ou e li omutumba kolukalwapangelo okudja nale.+ (Sela)
Otava ka anya okulundulula,Ovo ihava tila Kalunga.+
20 Okwa* ponokela ovo ve na ombili naye;+Okwa nyona ehangano lavo.+
21 Eendjovo daye odiwa di dule omaadi,+Ashike momutima waye omu yadi outondwe.
Eendjovo daye odiwa di dule omaadi,Ashike odi li omaongamukonda a pweywa mo.+
22 Omutengi woye u yandja* kuJehova,+Note ke ku fila oshisho.+
Ita efa nandenande omuyuki a wile po.*+
23 Ashike ove, akutu! Kalunga, oto ke va undulila melambo lile.+
Ovalumenhu, ovo ve na etimba lohonde novakengeleledi, itava ka kala po omafiku avo aeshe.+
Ndele ame, ohandi lineekele mwoove.
Omashangelo opedu
^ Tala Omafatululo oitya.
^ Ile “Noino hondama, eshi handi ilikana handi pula ekwafo.”
^ Eln., “nokutukula omalaka avo.”
^ Ile “omunhu a fa nge.”
^ Ile “mo-Sheol,” sha hala okutya, koufi. Tala Omafatululo oitya.
^ Ile “nondi li moudjuu.”
^ Eln., “kulile.”
^ Ile “omwenyo wange.”
^ Sha hala okutya, oo a li kaume kaye nale, oo a tumbulwa mo-vs. 13 no-14.
^ Ile “undulila.”
^ Ile “pungauke; funge.”
