Nĩ kũrĩ maũndũ maingĩ tũngĩka na tũkenere rĩrĩa tũrĩ muoyo. O na rĩrĩa twĩ na mathĩna, no kũrĩ maũndũ tũngĩkenera ũtũũro-inĩ. Tũngĩonania ngatho atĩa nĩ ũndũ wa kĩheo kĩa muoyo? Na gĩtũmi kĩrĩa kĩnene gĩa gwĩka ũguo nĩ kĩrĩkũ?

1. Twagĩrĩirũo kuonanagia ngatho nĩ ũndũ wa muoyo nĩkĩ?

Twagĩrĩirũo kuonanagia ngatho nĩ ũndũ wa muoyo tondũ nĩ kĩheo kuuma kũrĩ Jehova, Ithe witũ ũtwendete. Nĩwe “kĩhumo kĩa muoyo”—nĩwe wombire indo ciothe iria irĩ muoyo. (Thaburi 36:9) “We mwene nĩwe ũheaga andũ othe muoyo na mĩhũmũ na indo ciothe.” (Atũmwo 17:25, 28) Jehova nĩ atũheaga kĩrĩa gĩothe tũrabatara nĩguo tũkorũo tũrĩ muoyo. No makĩria ma ũguo, ekaga ũguo na njĩra ĩtũhotithagia gũkenera ũtũũro.—Thoma Atũmwo 14:17.

2. Tũngĩonia Jehova atĩa atĩ nĩ tũkoragwo na ngatho nĩ ũndũ wa kĩheo kĩa muoyo?

Jehova aambĩrĩirie gũkũrũmbũiya kuuma o rĩrĩa mami wanyu aagĩire nda yaku. Daudi, ũrĩa warĩ ndungata ya Ngai, ooigire ũũ atongoretio nĩ roho wa Ngai: “Maitho maku o na nĩ maanyonire ndĩ nda ya maitũ.” (Thaburi 139:16) Jehova nĩ onaga muoyo waku ũrĩ wa bata mũno. (Thoma Mathayo 10:29-31.) No aigue ũũru mũno mũndũ angĩyũraga a kana orage mũndũ ũngĩ akĩendaga. (Thama 20:13) Ningĩ Jehova no aigue ũũru tũngĩingĩria mĩoyo itũ ũgwati-inĩ hatarĩ gĩtũmi, kana tũngĩaga kuoya makinya ma kũgitĩra mĩoyo ya andũ arĩa angĩ. Rĩrĩa twamenyerera mĩoyo itũ na twatĩa mĩoyo ya andũ arĩa angĩ, tuonanagia atĩ tũrĩ na ngatho nĩ ũndũ wa kĩheo kĩu kĩa magegania kĩa muoyo.

 THUTHURIA MAKĨRIA

3. Rũmbũyagia ũgima waku wa mwĩrĩ

Akristiano arĩa meyamũrĩire Jehova mahũthagĩra ũtũũro wao wothe kũmũtungatĩra. Nĩ ta makoragwo marutĩte mĩĩrĩ yao ĩrĩ igongona harĩ Ngai. Thomai Aroma 12:1, 2, mũcoke mwarĩrĩrie ciũria ici:

• Nĩ kĩĩ kĩagĩrĩirũo gũgũtindĩka kũrũmbũiya ũgima waku wa mwĩrĩ?

• Ũngĩka ũguo na njĩra ta irĩkũ?

 5. Tĩaga muoyo wa mwana ũtarĩ mũciare

Daudi aataarĩirie atĩ Jehova nĩ arũmbũyanagia na maũndũ mothe marĩa mekĩkaga harĩ mwana rĩrĩa arakũra arĩ thĩinĩ wa nda ya nyina. Thomai Thaburi 139:13-17, mũcoke mwarĩrĩrie kĩũria gĩkĩ:

• Maitho-inĩ ma Jehova-rĩ, muoyo wa mũndũ wambagĩrĩria rĩrĩa mũtumia agĩa nda kana rĩrĩa mwana aciarũo?

Watho ũrĩa Jehova aaheete Aisiraeli nĩ wagitagĩra atumia na ciana itarĩ njiare. Thomai Thama 21:22, 23, mũcoke mwarĩrĩrie ciũria ici:

• Mũndũ angĩoragire kaana gatarĩ gaciare atekwenda-rĩ, Jehova aamuonaga atĩa?

• Jehova angĩigua atĩa mũndũ angĩũraga kaana gatarĩ gaciare akĩendaga? b

• Wee nĩ ũkuona ta mawoni macio ma Ngai marĩ magĩrĩru?

Mwĩrorerei VIDEO ĩno.

O na mũtumia ũtĩĩte muoyo rĩmwe no one ta atarĩ na ũndũ ũngĩ angĩka, tiga kũruta nda. Thomai Isaia 41:10, mũcoke mwarĩrĩrie ciũria ici:

• Mũtumia agĩrĩirũo gũcaria ũteithio kuuma kũrĩ ũ angĩkorũo nĩ arahatĩkwo arute nda? Nĩkĩ?

 ŨRĨA TWERUTA

Bibilia ĩtũrutaga atĩ twagĩrĩirũo kwenda kĩheo kĩa muoyo kĩrĩa Jehova atũheete, gũgĩtĩa, na gũkĩgitĩra. Ũguo nĩ kuuga muoyo witũ ithuĩ ene o hamwe na mĩoyo ya andũ arĩa angĩ.

Ciũria cia gũcokera

• Jehova onaga muoyo wa mũndũ ũrĩ wa bata nĩkĩ?

• Jehova aiguaga atĩa rĩrĩa mũndũ eyũraga kana oraga mũndũ ũngĩ akĩendaga?

• Nĩ kĩĩ gĩtũmaga ũkorũo na ngatho nĩ ũndũ wa kĩheo kĩa muoyo?