Thaburi 5:1-12
Kũrĩ mũrũgamĩrĩri wa Nehilothu.* Rwĩmbo rwa Daudi.
5 Atĩrĩrĩ Jehova, thikĩrĩria ciugo ciakwa;+Tega gũtũ ũigue gũcaya gwakwa.
2 Thikĩrĩria kĩrĩro gĩakwa gĩa kũhoya ũteithio,Wee Mũthamaki wakwa na Ngai wakwa, tondũ nĩwe ndĩrahoya.
3 Atĩrĩrĩ Jehova, rũcinĩ nĩ ũrĩiguaga mũgambo wakwa;+Nĩ ndĩkũmenyithagia mĩtangĩko yakwa rũcinĩ+ na ngeterera ũnjokerie.
4 Nĩ gũkorũo wee ũrĩ Ngai ũtakenagio nĩ waganu;+Gũtirĩ mũndũ mũũru ũngĩtũũra hamwe nawe.+
5 Gũtirĩ mũndũ mwĩtĩi ũngĩrũgama mbere yaku.
Nĩ ũthũire arĩa othe mekaga maũndũ ma waganu;+
6 Nĩ ũkaananga arĩa maragia maheeni.+
Jehova nĩ athũire andũ arĩa mahũthagĩra ũhinya na arĩa maheenanagia.*+
7 No niĩ nĩ ngũtonya nyũmba yaku+ nĩ ũndũ wa ũrĩa wendo waku mwĩhokeku ũrĩ mũnene;+Ngũinamĩrĩra ndorete hekarũ yaku theru* ndĩ na gĩtĩo kĩnene gũkwerekera.+
8 Atĩrĩrĩ Jehova, ndongoria na ũthingu waku tondũ wa thũ ciakwa;Njehereria mĩhĩnga njĩra-inĩ yaku.+
9 Nĩ gũkorũo gũtirĩ ũndũ moigaga ũngĩĩhokwo;Thĩinĩ wao maiyũire o rũmena;Mũmero wao nĩ mbĩrĩra ĩtarĩ hinge;Maragia maheeni na rũrĩmĩ rwao.*+
10 No Ngai nĩ akaamatua ehia;Njama ciao ene nĩcio igaatũma magwe.+
Maroingatwo mehere tondũ wa mehia mao maingĩ,Nĩ gũkorũo nĩ makũremeire.
11 No arĩa othe moragĩra harĩ wee nĩ marĩkenaga;+Marĩanagĩrĩra makenete hingo ciothe.
Nĩ ũrĩmagitagĩra nĩguo matigakinyĩrĩke,Na arĩa mendete rĩĩtwa rĩaku nĩ marĩkenaga nĩ ũndũ waku.
12 Nĩ gũkorũo wee Jehova nĩ ũrĩrathimaga mũndũ o wothe mũthingu;Ũrĩmũrigicagĩria na gwĩtĩkĩrĩka gwaku o ta arĩ ngo nene.+
Tũũhoro twa magũrũ-inĩ
^ Rora Ũthathaũri wa Ciugo.
^ Kana “mũndũ ũrĩa ũitaga thakame na akaheenania.”
^ Kana “handũ haku harĩa hatheru.”
^ Kana “Mahũthagĩra rũrĩmĩ rũnyoroku.”
