Mazmur 6:1-10
Kanggo pemimpin musik: Lagu iki kudu diiringi alat musik bersenar nganggo nada Syèminit.* Lagu sing digawé Daud.
6 Oh Yéhuwah, aja nesu wektu ngélikké aku,Lan aja nesu wektu mènèhi naséhat marang aku.+
2 Oh Yéhuwah, tulung mesakké aku, merga aku ora nduwé kekuwatan manèh.
Oh Yéhuwah, tulung wènèhi aku kekuwatan,+ merga aku ora nduwé semangat manèh.*
3 Oh Yéhuwah, aku kuwatir banget.+
Aku takon karo Njenengan, ”Nganti kapan?”+
4 Oh Yéhuwah, mrénéa lan slametna aku.+
Slametna aku merga Njenengan nresnani* aku.+
5 Wong mati ora isa ngomongké soal* Njenengan.
Sapa sing bakal muji Njenengan ing Kuburan?*+
6 Aku wis kesel sambat.+
Sewengi aku nangis terus nganti panggonanku turu dadi teles.
Panggonanku turu kebak banyu merga tangisanku.+
7 Aku sengsara banget merga kabèh kesusahanku.+
Kabèh wong nindhes aku nganti mripatku ora isa ndelok jelas manèh.
8 Hé kowé kabèh wong sing jahat, nyingkira saka ngarepku,Merga Yéhuwah bakal ngrungokké swara tangisku.+
9 Yéhuwah bakal ngrungokké apa sing tak jaluk.+
Yéhuwah bakal njawab dongaku.
10 Kabèh mungsuhku bakal kuwatir lan isin.
Wong-wong kuwi bakal ujug-ujug mlayu merga isin.+
Katrangan Tambahan
^ Deloken Daftar Istilah.
^ Lit.: ”merga balungku ndredheg”.
^ Utawa ”nduduhké katresnan sing langgeng marang”. Deloken Daftar Istilah.
^ Utawa ”éling karo”.
^ Utawa ”Syéol”. Deloken Daftar Istilah.
