Mazmur 27:1-14
Lagu sing digawé Daud.
27 Yéhuwah kuwi sing nuntun* aku+ lan nylametké aku.
Aku ora wedi karo sapa waé.+
Yéhuwah kuwi kaya bèntèng sing nglindhungi uripku.+
Ora ana sing nggawé aku wedi.
2 Wektu wong jahat nyerang aku lan arep matèni aku,+Mungsuhku kuwi dhéwé sing bakal kesandhung lan tiba.
3 Senajan pasukan prajurit ngepung aku,Aku ora bakal wedi.+
Senajan mungsuhku perang nglawan aku,Aku bakal tetep percaya marang Dhèwèké.
4 Ana siji sing tak jaluk saka Yéhuwah,Iki sing tak péngini:
Aku éntuk manggon ing omahé Yéhuwah sakjegé uripku,+Bèn aku isa ndelok nèk Yéhuwah kuwi apikanLan bèn aku isa bersyukur* wektu ndelok baité.+
5 Ing wektu susah, Dhèwèké bakal ndhelikké aku ing panggonané.+
Dhèwèké bakal nglindhungi aku ing panggonan rahasia ing kémahé.+
Dhèwèké bakal ndèlèhké aku ing gunung watu sing dhuwur.+
6 Saiki aku menang nglawan mungsuh-mungsuhku sing ngepung aku.
Aku bakal mènèhi persembahan ing kémahé lan sorak-sorak merga seneng.
Aku bakal nyanyi lagu pujian* kanggo Yéhuwah.
7 Oh Yéhuwah, tulung rungokna aku wektu aku njaluk tulung.+
Tulung mesakké aku lan jawaben aku.+
8 Aku éling karo préntahmu,”Golèkana Aku.”
Oh Yéhuwah, aku bakal nggolèki Njenengan.+
9 Aja nganti Njenengan ninggalké aku.*+
Aja nolak aku, lan aja nesu karo aku.
Njenengan sing nulungi aku.+
Gusti Allah sing nylametké aku, aja lali karo aku lan aja ninggalké aku.
10 Senajan bapakku lan ibuku ninggalké aku,+Yéhuwah bakal ngopèni aku.+
11 Oh Yéhuwah, tulung ajari aku nindakké préntah-Mu,+Tuntunen aku bèn isa nindakké sing bener supaya aku dilindhungi saka mungsuh-mungsuhku.
12 Aja nyerahké aku marang mungsuh-mungsuhku,+Merga wong-wong kuwi wis nggawé tudhuhan sing ora bener marang aku+Lan ngancam arep nyilakani aku.
13 Misalé aku ora nduwé iman nèk Yéhuwah bakal apikan karo aku sakjegé uripku,+Aku ora ngerti uripku bakal piyé.*
14 Ayo padha berharap marang Yéhuwah.+
Awaké dhéwé kudu kendel lan kuwat.*+
Ayo padha berharap marang Yéhuwah.
