Mazmur 33:1-22
33 Hé kowé wong sing bener, kowé kudu ngrasa seneng lan sorak-sorak merga Yéhuwah.+
Hé kowé wong sing tumindaké bener, pujinen Dhèwèké.
2 Kowé kudu main harpa kanggo ngucap syukur marang Yéhuwah.
Kowé kudu nyanyi lagu pujian* kanggo Dhèwèké nganggo harpa sing gedhé.*
3 Nyanyèkna lagu anyar kanggo Dhèwèké.+
Kowé kudu pinter main harpa lan sorak-sorak.
4 Omongané Yéhuwah kuwi bener,+Lan kabèh sing ditindakké isa dipercaya.
5 Dhèwèké seneng karo apa sing bener lan adil.+
Bumi kebak karo katresnané* Yéhuwah.+
6 Liwat omongané, Yéhuwah nggawé langit,+Liwat napasé,* Dhèwèké nggawé kabèh sing ana ing langit.*
7 Dhèwèké ngumpulké banyu ing laut kaya bendungan.+
Dhèwèké nyimpen ombak sing gedhé ing gudhang-gudhang.
8 Muga-muga kabèh wong ing bumi wedi marang* Yéhuwah.+
Muga-muga penduduk ing bumi ngajèni Dhèwèké.
9 Dhèwèké ngomong, lan kabèh diciptakké.+
Dhèwèké mènèhi préntah, lan kabèh dadi ana.+
10 Yéhuwah nggawé niaté bangsa-bangsa dadi gagal,+Dhèwèké nggawé rencanané* suku-suku bangsa dadi ora kelakon.+
11 Ning, tujuané Yéhuwah bakal ana saklawasé.+
Niat sing ana ing atiné bakal ana nganti turun-temurun.
12 Bangsa sing Gusti Allahé yaiku Yéhuwah mesthi bahagia.+
Bangsa sing dipilih dadi duwèké mesthi bahagia.+
13 Yéhuwah ndelok saka swarga.
Dhèwèké ndelok kabèh manungsa.+
14 Saka panggonané,Dhèwèké ndelok kabèh penduduk bumi.
15 Dhèwèké sing nggawé atiné kabèh wong kuwi.
Dhèwèké nggatèkké tumindaké kabèh wong kuwi.+
16 Pasukan sing gedhé ora njamin nèk raja mesthi isa slamet.+
Nduwé kekuwatan ora njamin nèk wong sing kuwat isa slamet.+
17 Aja ngendelké jaran bèn isa menang perang, kuwi bakal nggawé kowé gagal.+
Kekuwatané sing gedhé ora njamin nèk kuwi isa nylametké sing numpak.
18 Yéhuwah* terus ndelok lan nglindhungi wong-wong sing wedi marang* Dhèwèké,+Sing ngarep-arep bakal ditresnani Dhèwèké,*
19 Merga Dhèwèké péngin nylametké wong-wong kuwi bèn ora matiLan nylametké wong-wong kuwi pas ana kelaparan.+
20 Awaké dhéwé berharap marang Yéhuwah.
Dhèwèké kuwi sing nulungi awaké dhéwé lan tamèngé+ awaké dhéwé.
21 Atiné awaké dhéwé seneng merga Gusti Allah,Merga awaké dhéwé percaya marang jenengé sing suci.+
22 Oh Yéhuwah, muga-muga Njenengan terus nresnani* aku,+Merga aku terus ngentèni Njenengan nulungi aku.+
Katrangan Tambahan
^ Utawa ”main musik”.
^ Utawa ”alat musik sing senaré sepuluh”.
^ Utawa ”katresnan sing langgeng saka”. Deloken Daftar Istilah.
^ Utawa ”roh suciné”.
^ Lit.: ”kabèh pasukané”.
^ Deloken Daftar Istilah.
^ Utawa ”pikirané”.
^ Utawa ”Sing ngarep-arep katresnané Dhèwèké sing langgeng”. Deloken Daftar Istilah.
^ Deloken Daftar Istilah.
^ Lit.: ”Mripaté Yéhuwah”.
^ Utawa ”nduduhké katresnan sing langgeng marang”. Deloken Daftar Istilah.
