Masmur 40:1-17
Ngagai pengarah musik. Lagu David.
40 Aku bebendar manggaika pengarap ba Jehovah,*Lalu Iya mendingka aku lebuh aku ngangau minta tulung.*
2 Iya narit aku pansut ari lubang ai ti deras,Iya ngangkatka aku pansut ari tanah paya.
Iya ngengkahka aku ba atas bukit batu,Lalu ngasuh kaki aku bediri tegap.
3 Jehovah ngajar aku lagu ti baruKena muji Iya.
Mayuh orang alit ati meda pengawa IyaLalu manggaika pengarap ba Iya.
4 Lantang ati meh orang ke manggaika pengarap ba Jehovah.
Lantang ati meh orang ke enda nitihka orang ke rindu ngelaban tauka rindu nipu.*
5 Mayuh amat utai ke udah dikereja Nuan,O Jehovah, Petara aku,Pengawa Nuan amat luar biasa, lalu mayuh amat utai ke diperundingka Nuan pasal kami mai penguntung ngagai kami.
Nadai sapa-sapa ke ulih telabanka Nuan,Enti aku nguji deka nusui semua nya, penyampau iya enda alah diitung!
Aku enda ulih nyeritaka semua iya.
6 Nuan enda agi begunaka pemeri jelu* enggau pemeri ke bukai.
Nuan mega enda minta pemeri tunu tauka pemeri kena ngulihka pengampun dosa,Tang Nuan muka pending aku ngambika aku ulih ninga.
7 Udah nya, aku bejaku: “O Petara, aku datai,Baka ke udah ditulis ba gulung surat* pasal aku.
8 Aku rindu* ngereja peneka Nuan, O Petara aku,Lalu aku nyimpan adat Nuan jauh dalam ati aku.
9 Aku nusui Berita Manah pasal pengelurus Nuan ba raban gempuru ti besai.
O Jehovah, Nuan Empu nemu,Aku enda nagang mulut aku.
10 Aku enda ngelalaika pengelurus Nuan dalam ati aku.
Tang aku nusui pasal penetap ati Nuan sereta penyelamat ari Nuan.
Dalam raban gempuru ti besai, aku enda ngelalaika pengerindu Nuan ti setia sereta utai ti bendar pasal Nuan.
11 O Jehovah, anang badu kasihka aku.
Awakka pengerindu Nuan ti setia sereta pemendar pasal Nuan seruran ngelindung aku.
12 Penusah ke ngelingi aku enda alah diitung.
Dosa aku mayuh amat sampai aku enda ulih meda kini ke penunga aku;Penyalah aku mayuh agi ari lambar buk ba pala aku,Nyentukka aku asa ati.
13 O Jehovah, aku minta awakka Nuan nyelamatka aku.
O Jehovah, datai jampat nulung aku.
14 Awakka semua orang ke deka ngambi nyawa akuDikemaluka sereta dikemaruhka.
Awakka orang ke rindu meda aku ditinggang penusahNyurutka diri lalu dikemaluka.
15 Awakka orang ke nyebut munyi tu ngagai aku: “Sepi asai nuan!”
Berasai tekenyit lalu malu.
16 Tang awakka orang ke ngiga NuanGaga ati sereta lantang ati ketegal Nuan.
Awakka orang ke nganti pengelepas ari Nuan seruran madah:
“Awakka Jehovah dimuliaka.”
17 O Jehovah, peratika aku,Laban aku miskin sereta nadai daya.
Nuan meh penulung aku sereta penyelamat aku,O Petara aku, datai jampat nulung aku.
