Masmur 1:1-6
1 Gaga ati meh orang ke enda bejalai nitihka lalau orang ke jai,Ke enda bediri ba jalai orang ke bedosa,Sereta ke enda duduk begulai enggau orang ke rindu ngeleseka orang bukai.
2 Gaga ati meh orang ke rinduka adat JehovahLalu macha sereta belematika adat nya* siang enggau malam.
3 Iya deka nyadi baka pun kayu ke ditanam ba tebing sungai,Ti bebuah ninting musin,Lalu daun iya nadai kala layu.
Iya mujur dalam semua utai ti dikereja iya.
4 Tang orang ke jai enda baka nya;Sida baka ampa ti dikebuka ribut.
5 Orang ke jai tentu deka diukum;Orang ke bedosa deka diseraraka ari orang ke lurus.
6 Jehovah nemu pasal jalai pengidup orang ke lurus,Tang jalai pengidup orang ke jai deka nadai agi.
Nota Kaki
^ Tauka “macha adat nya enggau nyawa ti mit.”
