‘Jewova avè m, l ap gide m’

FÈ L JWE

Nan dat 20 janvye 2025 lan, tribinal vil Chèkesk nan repiblik Karatchayevo-Tchèkesi deklare sè Rimma Popova koupab e l ba li yon santans 4 an edmi prizon si yo ta arete l ankò pou menm bagay yo. Li pa gen pou al nan prizon pou kounye a.

Enfòmasyon pèsonèl

Rimma Popova

Dat ak kote l fèt: 1968 (Psij, repiblik Karatchayevo-Tchèkesi)

Dat li batize: 2012

Lòt enfòmasyon sou li: Li travay kòm moun k ap sipèvize netwayaj nan yon klinik. Li gen yon pitit gason ak yon pitit fi.

Akizasyon ki sou do l: Li pale de Bib la ak lòt moun.

Li pase prèske 60 jou lakay li kote yo te kenbe l kòm prizonye.

Santans yo ba li: Yo ba l yon santans 4 an edmi prizon si yo ta arete l ankò pou menm bagay yo.

Kòmantè li fè

Ki sa w aprann nan sitiyasyon sa a kote w ap fè fas ak pèsekisyon?

Mwen aprann fè Jewova konfyans toutbon. Mwen te panse mwen te fè l konfyans nèt, men lè m vin ap fè fas ak pwoblèm sa yo, mwen vin rann mwen kont mwen te dwe gen yon relasyon ki pi sere ak Jewova. Mwen gen tandans panike fasil e m manke pasyans. Men, mwen vin aprann pa kouri chèche jwenn yon solisyon lè pwoblèm mete pye. Li pi bon pou m ret tann Jewova e pou m sonje pawòl li di nan Sòm 32:8 la: “M ap fè w gen bon konprann e m ap fè w konnen ki chemen pou w pran. M ap ba w konsèy toutpandan m ap fikse je m sou ou.” Bagay yo pa toujou pase jan m imajine a. Men, mwen gen konfyans Jewova pa sèlman wè sa k ap pase nan lavi m, li la avè m, l ap gide m nan chak etap e pou l ede m konn sa pou m fè ak fason pou m fè l.

Nou kontan konnen Jewova konnen sa nou chak nou bezwen e l ap ede tout moun k “ap tann” li yo. — Sòm 5:2, 3.

Gade tou

NOUVÈL

Yo nan prizon pou lafwa yo — Larisi

Gen Temwen Jewova nan peyi Larisi yo mete nan prizon pou lafwa yo. Aprann nan istwa yo, e w ap ka enprime yon lis ki gen Temwen nan peyi Larisi ki nan prizon.

NOUVÈL