TELE JW
Koute fichye odyo sou Roku
Seksyon Odyo a gen plizyè koleksyon fichye odyo ladan l, tankou mizik, dram ak lekti Labib sou fòm dram.
(Nòt: Rimòt Roku a yo mete nan chema demonstrasyon sa a ka gen yon ti diferans ak Rimòt pa w la.)
Chwazi ribrik Odyo ki nan paj akèy Tele JW a pou w wè koleksyon fichye odyo ki disponib yo. Suiv etap ki vin annapre yo pou w jwenn pwogram odyo yo e pou w ka koute yo:
Koute yon pwogram odyo
Chak liy ki gen chante yo se yon seksyon ki gen yon koleksyon fichye odyo. Non chak koleksyon parèt anwo liy lan.
Bouton flèch Monte ak flèch Desann ki sou rimòt la: Yo pèmèt ou navige nan diferan koleksyon mizik yo.
Bouton flèch Agoch ak flèch Adwat ki sou rimòt la: Yo pèmèt ou navige sou lis fichye odyo ki nan yon koleksyon.
Peze OK pou w chwazi fichye a e pou w ka wè ekran ki bay detay sou fichye odyo a.
Chwazi youn nan opsyon ki vin apre yo:
Kontinye kote l te rive a: Opsyon sa a ap parèt sèlman si w potko fin koute fichye odyo a e l ap pèmèt ou kontinye koute l apati kote ou te sispann koute l la.
Fè l jwe oswa Jwe l nan kòmansman an: Opsyon sa yo pèmèt ou jwe fichye odyo a depi nan kòmansman.
Jwe tout: Opsyon sa a pèmèt ou jwe tout fichye odyo ki nan koleksyon w ye a, soti nan fichye ki parèt sou ekran an. Apre tout fichye odyo yo fin jwe, l ap kanpe.
Liy ki anba detay sou fichye odyo a montre w lòt videyo ki nan koleksyon ou ye a. Sèvi ak flèch Desann pou navige sou koleksyon ou ye a epi sèvi ak flèch Monte pou w retounen sou detay sou fichye odyo a.
Koute yon koleksyon fichye odyo
Anplis ou ka jwe fichye odyo yo youn pa youn, ou ka koute tout yon koleksyon fichye odyo. Pou w fè sa, chèche koleksyon ou ta renmen koute a epi itilize youn nan metòd ki vin apre yo:
Jwe tout: Opsyon sa a pèmèt ou jwe tout fichye odyo ki nan koleksyon w ye a, soti nan premye fichye a.
Pa jwe yo nan lòd: Opsyon sa a pèmèt ou jwe tout fichye odyo ki nan koleksyon w ye a san l pa suiv lòd yo klase yo nan koleksyon an.
Kontwole fichye odyo k ap jwe yo
Lè yon fichye odyo ap jwe, ou ka kontwole fichye k ap jwe a ak rimòt kontwòl Roku w la, lè w fè:
Jwe/Poz oswa OK: Pou w ka kanpe videyo w ap jwe a, peze bouton Poz la. Peze menm bouton an ankò pou w kontinye jwe fichye a kote l te kanpe a.
Avanse l rapid: Lè w peze bouton sa a, w ap kapab sote kèk segonn nan fichye a pou avanse l. Lè w lage bouton an, fichye a ap kontinye jwe kote l rive a.
Fè l fè bak rapid: Lè w peze bouton sa a, w ap kapab sote kèk segonn nan fichye a pou fè l fè bak. Lè w lage bouton an, fichye a ap kontinye jwe kote l rive a.
Bouton Retounen: Li pèmèt ou retounen sou paj Odyo a.
