Ribrik Chwazi videyo a pèmèt ou gade nenpòt videyo ki sou Tele JW toutpandan w gen kontwòl sou fason videyo yo ap pase (poz, retounen, avanse, sote). Gade sèlman yon videyo oswa tout sa ki nan lis la.

(Note sa: Paramèt rimòt ou a ka pa menm ak chema rimòt yo itilize nan demonstrasyon sa a.)

Ale sou Chwazi videyo nan paj akèy pou w ka wè tout ribrik videyo ki disponib yo. Suiv etap ki pi ba yo pou w jwenn yo epi gade videyo yo:

•  Chèche yon videyo

•  Kontwole yon videyo k ap jwe

•  Gade nouvo videyo oswa pwogram espesyal yo

• Pase dwèt ou sou ekran touch rimòt Siri w la pou w sot nan yon ribrik al nan yon lòt. Imaj ribrik ou seleksyone a ap parèt yon ti jan pi gwo pase lòt yo.

• Tape sou ekran touch la pou w antre nan ribrik ou seleksyone a.

Gen kèk videyo w ap jwenn nan plizyè ribrik. Pa egzanp, w ap jwenn videyo Tigason gaspiyè a tounen an nan ribrik Fim, Fanmi ak Jèn.

Chak liy videyo sa yo reprezante yon ribrik. Non chak ribrik parèt anlè liy lan.

Note sa: Kèk ribrik videyo konn depase bò dwat ekran an.

• Pase dwèt ou anwo oswa anba pou w soti nan yon ribrik al nan yon lòt.

• Pase dwèt ou adwat oswa agoch pou w ka wè videyo ki nan ribrik la.

• Chak ribrik gen yon opsyon Jwe tout. Seleksyone l pou w jwe tout videyo ki nan ribrik la, l ap kòmanse ak premye videyo a. Lè tout videyo yo fin jwe, l ap kanpe.

• Tape ekran touch la pou w seleksyone yon videyo epi wè paj Enfòmasyon sou videyo a.

Chwazi youn nan sa yo:

• Fè l jwe: Jwe videyo a depi nan kòmansman.

• Jwe tout: Jwe tout videyo ki nan ribrik la, l ap kòmanse ak premye videyo a. Lè tout videyo ki nan ribrik la fin jwe, l ap kanpe.

• Kontinye kote l te rive a: Kontinye jwe videyo a kote w te kanpe l la.

Liy ki anba paj Enfòmasyon sou videyo a ap montre w lòt videyo ki nan ribrik la. Glise dwèt ou desann pou w ale ribrik la, e glise dwèt ou monte pou w retounen nan paj Enfòmasyon sou videyo a.

Lè yon videyo ap jwe nan seksyon Chwazi videyo a, men ki jan w kapab kontwole videyo a avèk rimòt Siri w la:

• Fè l jwe/Poz: Mete videyo a sou poz. Peze bouton an ankò pou l kontinye jwe. Ou kapab peze mitan ekran touch la tou pou w fè videyo a jwe oubyen pou w mete l sou poz.

• Retounen: Glise dwèt ou agoch pandan videyo a sou poz pou w fè videyo a retounen dèyè. Peze bouton Fè l jwe/Poz la pou videyo a kontinye jwe.

• Avanse pi vit: Glise dwèt ou adwat pandan videyo a sou poz pou w fè videyo a al pi vit. Peze bouton Fè l jwe/Poz la pou videyo kontinye jwe.

• Sote annavan: Pou w fè videyo a avanse pa dis segonn, mete dwèt ou adwat sifas ekran an.

• Lè w wè ti ikón sote annavan an parèt sou liy ki montre kote videyo a rive a, peze sifas touch ekran an.

• Sote annaryè: Pou w fè videyo a fè bak pa dis segonn, mete dwèt ou agoch sifas ekran an.

• Lè w wè ti ikón sote annaryè a parèt sou liy ki montre kote videyo a rive a, peze sifas touch ekran an.

• Meni: Retounen sou paj Enfòmasyon sou videyo a.

Paj akèy Tele JW a gen de ribrik espesyal nan seksyon Chwazi videyo a:

1. Pwogram espesyal: Seksyon sa a pwopoze kèk videyo ki nan pwogram reyinyon lasemèn yo oswa ki ka itil nan pwogram pou adorasyon an fanmi.

2. Nouvo videyo: Se la videyo ki fèk parèt yo ye.