Repons Bib la bay
Poukisa gen pwofesi nan Bib la?
Poukisa Labib pale de evènman k ap rive nan epòk nou an? — Lik 21:10, 11.
Gen anpil pwofesi nan Bib la ki bay anpil detay. Pa gen moun ki ka predi sa k pral rive an detay. Se sa k fè reyalizasyon pwofesi yo montre aklè Labib se Pawòl Bondye. — Li Jozye 23:14; 2 Pyè 1:20, 21.
Pwofesi ki nan Bib la ki deja reyalize yo ban nou bonjan rezon pou nou gen lafwa nan Bondye (Ebre 11:1). Anplis de sa, yo fè nou gen konfyans pwomès Bondye fè nou yo pou n gen yon pi bon lavi demen se laverite. Konsa, pwofesi ki nan Bib la ban nou yon esperans ki sèten. — Li Sòm 37:29; Women 15:4.
Ki jan pwofesi ki nan Bib la ede nou?
Gen pwofesi ki mande sèvitè Bondye yo pou yo aji. Pa egzanp, lè kretyen yo nan premye syèk la te wè kèk pwofesi ki te reyalize, yo te kite Jerizalèm. Konsa, lè vil sa a te vin detwi akoz pifò moun ki t ap viv ladan l te rejte Jezi, kretyen yo te deja an sekirite yon kote byen lwen. — Li Lik 21:20-22.
Jodi a, pwofesi ki reyalize yo montre Wayòm Bondye a pral elimine wayòm ak gouvènman lèzòm yo talè konsa (Dànyèl 2:44; Lik 21:31). Se sa k fè, kounye a, nou chak dwe aji san pèdi tan pou nou gen favè Jezi Kris, wa Bondye nome a. — Li Lik 21:34-36.
Lòt sijè ki enteresan
REPONS BIB LA BAY
Ki sa yon pwofesi ye?
Èske pwofesi Bondye enspire yo toujou anonse sa k pral rive? Non, pa toujou.
