Repons Bib la bay
Poukisa pa gen lapè nan monn nan?
Monn nan ap rive gen lapè sèlman lè gen yon gouvènman ki rive chanje sa k nan fon kè moun.
Labib fè konnen gen de rezon prensipal ki fè sa. Premyèman, Bondye pa t kreye lèzòm ak kapasite pou yo dirije tèt yo, byenke yo rive fè anpil bagay ki estrawòdinè. Dezyèmman, plan lèzòm yo pa rive mache paske “lemonnantye anba pouvwa Mechan an”, sètadi Satan Ledyab. Se sa k fè, malgre efò lèzòm fè yo, yo pa rive mete lapè nan monn nan. — Li Jeremi 10:23; 1 Jan 5:19.
Anplis de sa, lefètke lèzòm gen anbisyon e y ap chèche pwòp avantaj pa yo, sa fè yo pa ka rive mete lapè nan monn nan. Monn nan ap rive gen lapè sèlman lè gen yon gouvènman ki dirije tout moun sou tè a e ki aprann yo pou yo renmen sa ki dwat e pou yo gen sousi youn pou lòt. — Li Izayi 32:17; 48:18, 22.
Kiyès ki pral mete lapè sou tè a?
Bondye Toupisan an pwomèt li pral mete yon sèl gouvènman ki pral dirije tout limanite. Li pral ranplase gouvènman lèzòm yo (Dànyèl 2:44). Jezi, Pitit Bondye a, pral dirije antanke Prens lapè a. Li pral elimine mechanste sou tout tè a e li pral anseye moun yo chemen lapè a. — Li Izayi 9:6, 7; 11:4, 9.
Depi kounye a, gen plizyè milyon moun sou tout tè a ki anba direksyon Jezi k ap sèvi ak Pawòl Bondye a, Labib, pou yo anseye moun yo fason pou yo viv anpè ak tout moun. Talè konsa, pral gen lapè sou tout tè a toutbonvre. — Li Izayi 2:3, 4; 54:13.
Lòt sijè ki enteresan
REPONS BIB LA BAY
Kòman ap fè gen lapè sou tè a?
Aprann kòman pwomès Bondye fè pou l pote lapè nan monn nan pral akonpli pa mwayen Wayòm li an.
